Luka 6
6
Ɓii-Neɗɗo woni jawmu nyannde-fooftiinde
(Matta 12.1-8 ; Markus 2.23-28)
1*Nyannde-fooftiinde feere, Yeesu e almaajiri'en muuɗum ndaacii nder gese alkamaari. Sey almaajiri'en mbaɗi ga ɓorgo butaali e murjoo e ƴakka. 2Ammaa woɓɓe *Fariisa'en mbi'i ɓe :
— Ko jeyi mbaɗoton ko *Tawreeta haɗi nyannde-fooftiinde ?
3Yeesu vi'i ɓe :
— On meeɗaay janngugo ko *Dawda waɗi nde o nani dolo, kanko e yahadiɗɗaaɓe ma'ako naa ? 4O natti *Wuro Allah Seniingo, o hooƴi buroodi desanaaɗum Allah, o nyaami. *Tawreeta vi'ii *aardiiɓe diina tan kaani nyaamgo ɗum. Ammaa Dawda nyaami ɗum, faa maa o hokkori yahadiɗɗaaɓe ma'ako.
5Yeesu ɓesdi vi'igo :
— *Ɓii-Neɗɗo woni Jawmu nyannde-fooftiinde.
Yeesu yamɗitinii mo junngo waatngo
(Matta 12.9-14 ; Markus 3.1-6)
6Too, *nyannde-fooftiinde feere boo, Yeesu natti *suudu-wa'ajordu, emo ekkitina. Ɗoon ɗuum e woodi goɗɗo mo junngo muuɗum nyaamo waati. 7*Moodiɓɓe Tawreeta e *Fariisa'en e kora Yeesu ɓe ngi'a kul o yamɗitiney neɗɗo oon nyannde-fooftiinde, gam ɓe keɓa ko ɓe ngullorii mo.
8Ammaa Yeesu e anndi nyumooji maɓɓe. O vi'i mo junngo waatngo oon :
— Umma dara ɗo'o yeeso yimɓe.
Gorko oon ummii darii.
9Ndeen Yeesu vi'i ɓe :
— Emi ƴama on, ɗume haani waɗeego nyannde-fooftiinde : booɗɗum na kalluɗum ? Hisnugo yonki neɗɗo nakay halkugo ki ?
10O raari ɓe ɓe fuu, o vi'i neɗɗo oon :
— Foortu junngo maaɗa.
O foorti ngo, ngo yamɗiti.
11Ammaa ɓerɗe moodiiɓe Tawreeta e Fariisa'en metti korey, ɓe ndarvi hakkunde maɓɓe no ɓe mbaɗanta Yeesu.
Yeesu suɓii almaajiri'en sappo e ɗiɗo
(Matta 10.1-4 ; Markus 3.13-19)
12Nder balɗe ɗeen, Yeesu yahi dow vaamnde gam waɗa do'aare. O waali waɗgo do'aare. 13Nde veeti, o noddi almaajiri'en ma'ako, o suɓi sappo e ɗiɗo, o waɗi ɓe lilaaɓe. 14Kamɓe ngoni : Simon mo o hokki innde Biiturus, e minyum Anndaraawus, e Yaakuubu, e Yahayya, e Filibus, e Bartalamaawus, 15e Matta, e Tooma, e Yaakuubu ɓii Alfaa, e Simon kaɓaneyɗo rimɗingo lenyol muuɗum, 16e Yahuuda ɓii Yaakuubu, e Yahuuda Iskariyooti nyaameyɗo amaana Yeesu.
Yeesu wa'ajinii jama'aare, o yamɗitinii nyawɓe
(Matta 4.23-25)
17Yeesu jippodii e maɓɓe, o darii e karal aaftiingal to almaajiri'en ma'ako ɗuuɗɓe ngoni. Yimɓe ɗuuɗɓe ivoyɓe lesdi *Yahuudiya e *Urusaliima e ci'e cawiiɗe maayo, gada Tiir faa Sidon, ɓe fuu eɓe ɗoon. 18Ɓe ngarii gam ɓe ngewanoo mo, e gam o yamɗitina ɓe nyawuuji maɓɓe. Ɓe *ginnaaji torrata boo keɓii yamɗitineego. 19Yimɓe ɓeen fuu e ndaara meemgo mo, gam baawɗe e mburtoo nder ma'ako ɗe njamɗitina ɓe ɓe fuu.
Barkaa e la'anoore
(Matta 5.1-12)
20Yeesu raari almaajiri'en muuɗum, o vi'i :
— Barkaa laatanto on, onon sooyɓe, gam onon njeyi *laamu Allah. 21Barkaa laatanto on, onon veelaaɓe jo'oni, gam on kaarey. Barkaa laatanto on, onon voyooɓe jo'oni, gam on njaley.
22Barkaa laatanto on to yimɓe nganyii on, ndiiwii on, kuɗii on, bonnii inɗe mooɗon gam Ɓii-Neɗɗo. 23To nyannde torraaji ɗiin warii, mbelmbeltee, ngamee. Gam laada ɗuuɗka e reenti on toon dow. Gam noon maamiraaɓe maɓɓe mbaɗannoo annabo'en aartuɓe on.
24Ammaa bone laatanto on, onon riskuɓe, gam on keɓii ko veli on.
25Bone laatanto on, onon haarɓe jo'oni, gam on mbeelete. Bone laatanto on, onon jaleyɓe jo'oni, gam on pahatey, on mboyey.
26Bone laatanto on to yimɓe fuu manii on, gam noon maamiraaɓe maɓɓe mbaɗannoo *annabo'en fevooɓe.
Ngiɗee wanywanyɓe mooɗon
(Matta 5.38-48 ; 7.12)
27— Ammaa onon yewaniiɓe yam, emi vi'a on : ngiɗee wanywanyɓe mooɗon, mbaɗanee ɓe ngiɗaa on ko vooɗi, 28mbarkiɗinee la'anooɓe on, ndo'anee torreyɓe on. 29To goɗɗo menngake ma ngo'o haɓawo, hokku mo ngo'o boo. To goɗɗo te'etii ngapaleewol maaɗa, ta'a haɗ mo toggoyel ngel lees boo. 30Hokku toriiɗo ma. To goɗɗo hooƴii ɗum maaɗa, ta'a ƴam mo ɗum.
31Mbaɗanee yimɓe ko ngiɗɗon ɓe mbaɗana on. 32To yiɗɓe on tan ngiɗɗon, ndeye manoore potɗon heɓgo ? Koo halluɓe maa e ngiɗi yiɗɓe ɗum'en. 33To waɗaneyɓe on booɗɗum tan mbaɗanton booɗɗum, ndeye manoore potɗon heɓgo ? Ay halluɓe maa e mbaɗa noon. 34To eɗon ndaamca ɓe tammiiɗon no mbiyoto on tan, ndeye manoore potɗon heɓgo ? Ay halluɓe maa e ndaamca halluɓe ba mu''en, gam ɓe kokkita ɓe.
35Ammaa onon, ngiɗee wanywanyɓe mooɗon, mbaɗanee ɓe ko vooɗi, ndaamcee ɓe, to' on tammo hokkiteego. To on mbaɗii noon, on keɓey laada ɗuuɗka, on laatoto ɓiɓɓe Allah Mawɗo, enɗoowo ɓe ngettataa, faa e halluɓe. 36Laatee enɗooɓe noon no Baabiraawo mooɗon laatorii enɗoowo.
To' on cernan woɓɓe
(Matta 7.1-5)
37To' on laatin ko'e mooɗon sernanooɓe woɓɓe, onon boo on cernantaake. To' on njowan woɓɓe layfi, onon boo on njowantaake layfi. Nja'afanee woɓɓe, onon boo on nja'afante. 38Kokkee woɓɓe, onon boo on kokkete. On looɓrante e etergel booɗngel, kebbinaangel booɗɗum faa e rufa. Gam e etergel ngel etranɗon woɓɓe, e ma'agel etranteeɗon.
39Yeesu valndani ɓe balndol feere, o vi'i :
— Koo bumɗo e waawi ɗowgo bumɗo ? To ɗum waɗii noon, wanaa ɓe fuu ɗiɗo ɓe njooloto nder ngaska naa ? 40Janngoowo ɓurataa moodibbo muuɗum manngu. Ammaa to janngoowo jannginaama booɗɗum, no laatoto ba moodibbo muuɗum.
41Gam ɗume ndaarataa celɓol gonngol nder yitere bannda, ammaa a yi'ataa lekki makki gonki nder yitere maaɗa ? 42Noye mbaawrataa vi'igo bannda : « Banndam, woor mi ittane celɓol gonngol nder yitere maaɗa. » Ammaa aan e hoore maaɗa a yi'aay lekki makki gonki nder yitere maaɗa. Aan munaafukiijo, aartu ittu lekki gonki nder yitere maaɗa tawo, ndeen a yi'ey booɗɗum, keɓaa no ittirɗaa celɓol gonngol nder yitere bannda.
Lekki e annditiree ɓikkon muuɗum
(Matta 7.16-20 ; 12.33-35)
43Lekki booɗki rimataa ɓikkon kon mbooɗaa, lekki ki vooɗaa boo rimataa ɓikkon mbooɗkon. 44Gam koo kiye lekki e annditiree ɓikkon muuɗum. Ɗum waɗataako ƴibbe teɓee e dibeehi, innabooje boo teɓataake e cilluki. 45Neɗɗo geeto e vurtina geetum ko suuɗii nder ɓernde muuɗum. Neɗɗo kalluɗo boo e vurtina halleende suuɗiinde nder ɓernde muuɗum. Gam ko woni nder ɓernde, kanjum honnduko volvata.
Cuuɗi ɗiɗi
(Matta 7.24-27)
46Yeesu vi'i ɓe :
— Gam ɗume noddirton yam : « Jawmiraawo, Jawmiraawo », ammaa on mbaɗataa ko mbi'imi on ?
47Garɗo to am fuu, nani bolle am waɗi ko mbi'imi, mi holley on mo o nanndi. 48Emo nanndi e neɗɗo mahoowo wuro, wasi luggini faa hewti haayre, mahi wuro muuɗum dow ma'are. Nde iyoonde toɓi, geebeeji peccoyi, ndiyamji piyi wuro ngoon, ammaa ngo dimmbaaki, gam ngo mahaama dow haayre.
49Ammaa nanɗo bolle am waɗaay ko mbi'imi, nanndii e mahaɗo wuro muuɗum dow njaareendi. Nde iyoonde toɓi, geebeeji peccoyi, ndiyamji piyi wuro ngoon, ɗoon e ɗoon ngo fuu ngo yibbi !
Currently Selected:
Luka 6: fuq
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
Luka 6
6
Ɓii-Neɗɗo woni jawmu nyannde-fooftiinde
(Matta 12.1-8 ; Markus 2.23-28)
1*Nyannde-fooftiinde feere, Yeesu e almaajiri'en muuɗum ndaacii nder gese alkamaari. Sey almaajiri'en mbaɗi ga ɓorgo butaali e murjoo e ƴakka. 2Ammaa woɓɓe *Fariisa'en mbi'i ɓe :
— Ko jeyi mbaɗoton ko *Tawreeta haɗi nyannde-fooftiinde ?
3Yeesu vi'i ɓe :
— On meeɗaay janngugo ko *Dawda waɗi nde o nani dolo, kanko e yahadiɗɗaaɓe ma'ako naa ? 4O natti *Wuro Allah Seniingo, o hooƴi buroodi desanaaɗum Allah, o nyaami. *Tawreeta vi'ii *aardiiɓe diina tan kaani nyaamgo ɗum. Ammaa Dawda nyaami ɗum, faa maa o hokkori yahadiɗɗaaɓe ma'ako.
5Yeesu ɓesdi vi'igo :
— *Ɓii-Neɗɗo woni Jawmu nyannde-fooftiinde.
Yeesu yamɗitinii mo junngo waatngo
(Matta 12.9-14 ; Markus 3.1-6)
6Too, *nyannde-fooftiinde feere boo, Yeesu natti *suudu-wa'ajordu, emo ekkitina. Ɗoon ɗuum e woodi goɗɗo mo junngo muuɗum nyaamo waati. 7*Moodiɓɓe Tawreeta e *Fariisa'en e kora Yeesu ɓe ngi'a kul o yamɗitiney neɗɗo oon nyannde-fooftiinde, gam ɓe keɓa ko ɓe ngullorii mo.
8Ammaa Yeesu e anndi nyumooji maɓɓe. O vi'i mo junngo waatngo oon :
— Umma dara ɗo'o yeeso yimɓe.
Gorko oon ummii darii.
9Ndeen Yeesu vi'i ɓe :
— Emi ƴama on, ɗume haani waɗeego nyannde-fooftiinde : booɗɗum na kalluɗum ? Hisnugo yonki neɗɗo nakay halkugo ki ?
10O raari ɓe ɓe fuu, o vi'i neɗɗo oon :
— Foortu junngo maaɗa.
O foorti ngo, ngo yamɗiti.
11Ammaa ɓerɗe moodiiɓe Tawreeta e Fariisa'en metti korey, ɓe ndarvi hakkunde maɓɓe no ɓe mbaɗanta Yeesu.
Yeesu suɓii almaajiri'en sappo e ɗiɗo
(Matta 10.1-4 ; Markus 3.13-19)
12Nder balɗe ɗeen, Yeesu yahi dow vaamnde gam waɗa do'aare. O waali waɗgo do'aare. 13Nde veeti, o noddi almaajiri'en ma'ako, o suɓi sappo e ɗiɗo, o waɗi ɓe lilaaɓe. 14Kamɓe ngoni : Simon mo o hokki innde Biiturus, e minyum Anndaraawus, e Yaakuubu, e Yahayya, e Filibus, e Bartalamaawus, 15e Matta, e Tooma, e Yaakuubu ɓii Alfaa, e Simon kaɓaneyɗo rimɗingo lenyol muuɗum, 16e Yahuuda ɓii Yaakuubu, e Yahuuda Iskariyooti nyaameyɗo amaana Yeesu.
Yeesu wa'ajinii jama'aare, o yamɗitinii nyawɓe
(Matta 4.23-25)
17Yeesu jippodii e maɓɓe, o darii e karal aaftiingal to almaajiri'en ma'ako ɗuuɗɓe ngoni. Yimɓe ɗuuɗɓe ivoyɓe lesdi *Yahuudiya e *Urusaliima e ci'e cawiiɗe maayo, gada Tiir faa Sidon, ɓe fuu eɓe ɗoon. 18Ɓe ngarii gam ɓe ngewanoo mo, e gam o yamɗitina ɓe nyawuuji maɓɓe. Ɓe *ginnaaji torrata boo keɓii yamɗitineego. 19Yimɓe ɓeen fuu e ndaara meemgo mo, gam baawɗe e mburtoo nder ma'ako ɗe njamɗitina ɓe ɓe fuu.
Barkaa e la'anoore
(Matta 5.1-12)
20Yeesu raari almaajiri'en muuɗum, o vi'i :
— Barkaa laatanto on, onon sooyɓe, gam onon njeyi *laamu Allah. 21Barkaa laatanto on, onon veelaaɓe jo'oni, gam on kaarey. Barkaa laatanto on, onon voyooɓe jo'oni, gam on njaley.
22Barkaa laatanto on to yimɓe nganyii on, ndiiwii on, kuɗii on, bonnii inɗe mooɗon gam Ɓii-Neɗɗo. 23To nyannde torraaji ɗiin warii, mbelmbeltee, ngamee. Gam laada ɗuuɗka e reenti on toon dow. Gam noon maamiraaɓe maɓɓe mbaɗannoo annabo'en aartuɓe on.
24Ammaa bone laatanto on, onon riskuɓe, gam on keɓii ko veli on.
25Bone laatanto on, onon haarɓe jo'oni, gam on mbeelete. Bone laatanto on, onon jaleyɓe jo'oni, gam on pahatey, on mboyey.
26Bone laatanto on to yimɓe fuu manii on, gam noon maamiraaɓe maɓɓe mbaɗannoo *annabo'en fevooɓe.
Ngiɗee wanywanyɓe mooɗon
(Matta 5.38-48 ; 7.12)
27— Ammaa onon yewaniiɓe yam, emi vi'a on : ngiɗee wanywanyɓe mooɗon, mbaɗanee ɓe ngiɗaa on ko vooɗi, 28mbarkiɗinee la'anooɓe on, ndo'anee torreyɓe on. 29To goɗɗo menngake ma ngo'o haɓawo, hokku mo ngo'o boo. To goɗɗo te'etii ngapaleewol maaɗa, ta'a haɗ mo toggoyel ngel lees boo. 30Hokku toriiɗo ma. To goɗɗo hooƴii ɗum maaɗa, ta'a ƴam mo ɗum.
31Mbaɗanee yimɓe ko ngiɗɗon ɓe mbaɗana on. 32To yiɗɓe on tan ngiɗɗon, ndeye manoore potɗon heɓgo ? Koo halluɓe maa e ngiɗi yiɗɓe ɗum'en. 33To waɗaneyɓe on booɗɗum tan mbaɗanton booɗɗum, ndeye manoore potɗon heɓgo ? Ay halluɓe maa e mbaɗa noon. 34To eɗon ndaamca ɓe tammiiɗon no mbiyoto on tan, ndeye manoore potɗon heɓgo ? Ay halluɓe maa e ndaamca halluɓe ba mu''en, gam ɓe kokkita ɓe.
35Ammaa onon, ngiɗee wanywanyɓe mooɗon, mbaɗanee ɓe ko vooɗi, ndaamcee ɓe, to' on tammo hokkiteego. To on mbaɗii noon, on keɓey laada ɗuuɗka, on laatoto ɓiɓɓe Allah Mawɗo, enɗoowo ɓe ngettataa, faa e halluɓe. 36Laatee enɗooɓe noon no Baabiraawo mooɗon laatorii enɗoowo.
To' on cernan woɓɓe
(Matta 7.1-5)
37To' on laatin ko'e mooɗon sernanooɓe woɓɓe, onon boo on cernantaake. To' on njowan woɓɓe layfi, onon boo on njowantaake layfi. Nja'afanee woɓɓe, onon boo on nja'afante. 38Kokkee woɓɓe, onon boo on kokkete. On looɓrante e etergel booɗngel, kebbinaangel booɗɗum faa e rufa. Gam e etergel ngel etranɗon woɓɓe, e ma'agel etranteeɗon.
39Yeesu valndani ɓe balndol feere, o vi'i :
— Koo bumɗo e waawi ɗowgo bumɗo ? To ɗum waɗii noon, wanaa ɓe fuu ɗiɗo ɓe njooloto nder ngaska naa ? 40Janngoowo ɓurataa moodibbo muuɗum manngu. Ammaa to janngoowo jannginaama booɗɗum, no laatoto ba moodibbo muuɗum.
41Gam ɗume ndaarataa celɓol gonngol nder yitere bannda, ammaa a yi'ataa lekki makki gonki nder yitere maaɗa ? 42Noye mbaawrataa vi'igo bannda : « Banndam, woor mi ittane celɓol gonngol nder yitere maaɗa. » Ammaa aan e hoore maaɗa a yi'aay lekki makki gonki nder yitere maaɗa. Aan munaafukiijo, aartu ittu lekki gonki nder yitere maaɗa tawo, ndeen a yi'ey booɗɗum, keɓaa no ittirɗaa celɓol gonngol nder yitere bannda.
Lekki e annditiree ɓikkon muuɗum
(Matta 7.16-20 ; 12.33-35)
43Lekki booɗki rimataa ɓikkon kon mbooɗaa, lekki ki vooɗaa boo rimataa ɓikkon mbooɗkon. 44Gam koo kiye lekki e annditiree ɓikkon muuɗum. Ɗum waɗataako ƴibbe teɓee e dibeehi, innabooje boo teɓataake e cilluki. 45Neɗɗo geeto e vurtina geetum ko suuɗii nder ɓernde muuɗum. Neɗɗo kalluɗo boo e vurtina halleende suuɗiinde nder ɓernde muuɗum. Gam ko woni nder ɓernde, kanjum honnduko volvata.
Cuuɗi ɗiɗi
(Matta 7.24-27)
46Yeesu vi'i ɓe :
— Gam ɗume noddirton yam : « Jawmiraawo, Jawmiraawo », ammaa on mbaɗataa ko mbi'imi on ?
47Garɗo to am fuu, nani bolle am waɗi ko mbi'imi, mi holley on mo o nanndi. 48Emo nanndi e neɗɗo mahoowo wuro, wasi luggini faa hewti haayre, mahi wuro muuɗum dow ma'are. Nde iyoonde toɓi, geebeeji peccoyi, ndiyamji piyi wuro ngoon, ammaa ngo dimmbaaki, gam ngo mahaama dow haayre.
49Ammaa nanɗo bolle am waɗaay ko mbi'imi, nanndii e mahaɗo wuro muuɗum dow njaareendi. Nde iyoonde toɓi, geebeeji peccoyi, ndiyamji piyi wuro ngoon, ɗoon e ɗoon ngo fuu ngo yibbi !
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.