Genesis 21
21
Isaac Animman
1Atanġum taŋŋiqsinŋagaa unniqsuqłiisini Sarah-mun quviasuusiaqaqtiłługulu, 2#He 11.11.siŋaiyauŋaruq aasii iġñiqaqłuni Abraham-miñ utuqqaliŋagaluaqtiłługu. God-im anniviksriutaagun aŋutaiyaaq aniŋaruq. 3Abraham-gum atchiŋagaa Isaac-mik, 4#Gn 17.12; Ac 7.8.aasii Isaac tallimat piŋasuni uvlianigman, Abraham-gum nalunaiñŋutchiŋagaa, God-im piraksriutaatun. 5Abraham tallimakipiatun (100) ukiuqtutigiŋaruq Isaac animman. 6Sarah uqallaktuq, “God-im quviasuunmi iglallasipkaġaaŋa. Kiapayaaq tusaaruam iglaqatiginiaġaaŋa.” 7Uqallakłunisuli, “Kiña taimma uqallaŋagayaqpa Abraham-mun, Sarah miluktitchiñiaġnivḷugu miqłiqtuuranik? Naaggauvva iġñiqaqtitkiga utuqqaliŋagaluaŋŋaan.”
8Miqłiqtuq agliŋaruq, aasii miluŋaiġataġman, Abraham niqinaqipkaiqpaŋaruq niġiḷḷasimman.
Hagar-lu Ishmael-lu Aullaqtitauruk
9Uvlut iḷaŋanni Ishmael, Hagar-m Egypt-mium iġñiaŋa Abraham-miñ, piuraaqatiqaŋaruq Sarah-m iġñiŋanik Isaac-mik. 10#Ga 4.29, 30.Sarah-m tautukługik uqallautigaa Abraham, “Anirruŋ una kivgauruaq iġñiŋalu. Iġñiŋa uuma aġnam piññaktaaqaqtuksrauŋitchuq sumik unnii iḷaŋiññik suġaliqpich, iġñiġma Isaac-gum kiŋuvaannaktaaksrautiŋiññiñ.” 11Isumaalutchautigipiaġataŋagaa taamna Abraham-gum, qanukkii Ishmael-tauq ilaata iġñiġivlugu. 12#Ro 9.7; He 11.18.Aglaan God-im uqallautigaa Abraham, “Isumaaluginagu aŋutaiyaaq kivgaġirallu Hagar. Qanuq pitqukpatin Sarah-m kamagiyumagiñ, qanukkii Isaac-kun ilvich kiŋuvaaqaġniaqtutin unniqsuqłiisigiŋaramnik. 13Kivgauruam, Hagar-m, kiŋuvaaŋich nunaqpaguġniagmiut qanukkii ilvich iġñiġigiñ iġñiŋa.”
14Uvlaatchaurami uvlaakumman Abraham-gum aitchuŋagaa Hagar niqinik, qisigmiglu puumik siḷvinŋaruamik imiġmik. Nanmirriutipkaŋagaik taapkuak aasii aullaqtiłługu iġñiŋalu. Aullaqamik kukiḷuŋaruk nunagluktuami Beersheba-mi. 15Imġutiktik nuŋumman, uniñŋagaa miqłiqtuq ataanun uqpiich 16aasii aquptaaqłuni tallimakipiatun (100) isaaġniqtun uŋasiksigivluni. Uqallaktuq inmiñun, “Qiñilguniaŋitkiga miqłiqtuġa tuqukpan.” Aquppiḷḷaġmi tavrani, qianagutiŋaruq.
17God-im tusaagaa aŋutaiyaaq qiamman, tavraasii qiḷaŋmiñ isaġuliŋa God-im uqallaktuq Hagar-mun, “Sumik imña isumaaluutiqaqpich, Hagar? Iqsisiqaġnak. God-im tusaaŋagaa aŋutaiyaaq qiaruaq. 18Makillutin, tigusaqtuaġuŋ, aasii araglugu. Kamanaqtuamik nunaqpaliuġniaqtuŋa kiŋuvaaŋigun.” 19God-im aasii agmaŋagaik iriŋik, tavraasii tautuŋaruq nivviamik. Immiġiaŋagaa qisik imiqaġviñi aasii imiksrił̣ł̣ugu aŋutaiyaaq. 20God-im itqatigiŋagaa nukatpiaġruk agliñmuktuqtiłługu; iñuuniaŋaruq nunagluktuami aasii pisiksuqsivḷuni. 21Iñuuniaŋaruq nunagluktuami Paran-mi; aakaŋata Egypt-miumik tuvaaqatiksraŋagaa.
Sivunniutaak Abraham-guvlu Abimelech-guvlu
22 #
Gn 26.26. Tavrani Abimelech-gum aullaqatigivlugu Phicol, qaukłiġiraŋat aŋuyaktigiraġmi, uqallaktuq Abraham-mun, “God-im itqatigigaatin suliqipayaaġavich. 23Tainnamik unniqsuqłiigguiñ takkuani God-im pisaasuġmiaġutikun aŋalanniaŋiññiḷuŋa, miqłiqtutkalu, naakkaunnii kiŋuvaaġiratka. Pitqiksiġautaitchuakun aŋalanŋagikpiñ, tavraasii unniqsuqłiiŋŋa tainnaptauq aŋalanniaġniḷuŋa mannalu nunakput maaniillaqpich nunamni.”
24Abraham uqallaktuq, “Unniqsuqłiiruŋa.”
25Abraham-gum uqamayuutigaa Abimelech nivviakun kivgaŋisa Abimelech-gum aanniktaaġiŋaraŋatigun. 26Abimelech uqallaktuq, “Naluniqsuŋa kimun taamna piŋatilaaŋanik. Uqallautiŋaiññiġiŋma, uvva tusaavaalluktuŋa taaptumuuna.” 27Tavraasii Abraham-gum aitchuŋagaa imnaiñiglu pamiqsaaniglu Abimelech, iluqatik aasii unniqsuqłiivḷutik avanmun. 28Abraham ilaaguaqtitchiŋaruq tallimat malġugnik imnaiyaanik pamiqsaamiñiñ, 29aasii Abimelech-gum apiġigaa, “Summan uvva tainna pivich?”
30Abraham-gum kiugaa, “Akuqtukkich ukua tallimat malġuuruat imnaiyaat. Tainna piguvich, nalupqinaiġñiaġiñ uvamnun nivaŋatilaaŋa una nivviaq.” 31Tavraasii ini atchiŋagaat Beersheba-mik#21.31 Beersheba Hebrew-t uqaluanni sivuniqaqtuq inna “Nivviaq Unniqsuqłiivik.”; qanukkii tavrani iluqatik unniqsuqłiigutiŋaruk.
32Unniqsuqłiigutianikkamik Beersheba-mi, Abimelech-lu Phicol-lu utiŋaruk Philistia-mun. 33Tavraasii Abraham nautchirriiŋaruq tamarisk-mik napaaqtumik Beersheba-mi nanġaqługulu Ataniq, Isuksraiḷaamun God-auruaq. 34Abraham iñuuniaŋaruq nunaŋanni Philistia-ġmiut sivisuruami.
Currently Selected:
Genesis 21: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
