Luke Iḷitchuqqutit
Iḷitchuqqutit
Luke-gum Jesus-li iḷiuġaa malġuułługu unniqsuqłiutauŋaruaq Annaurriyumaaqtuaq Jew-guruanik suli Annaurriyumaaqtuaq iñupayauranik. Luke aglaktuq Jesus ququaŋanivḷugu Ilitqusiġiksuaŋanun Atanġum, “alġaqsruutautquvlugu uqalugiksuaq iḷiappauruanun”, taaptuma uqalugiksuam isumaaluutigigaich iñuich supayaatigun inuqsimmatipayaaŋisigun. Qatqiññiŋa quviasuutim iḷisimanaġmiuq Luke-mi, nalupqinaipiksuaqłuni aullaqisaaġutaanni avgutit aggiġñiŋagun Jesus, suli aqulliqsaaġutaanni, Jesus mayuurraumman Qiḷaŋmun. Quliaqtuaġiŋagaa nausiiññautaat Christ-muktuqtuat ukpiġunmiŋni siaminmivḷuni ukpiġilivsaaqługu mayuurrauganiŋman Jesus aasiivsauq taaptuma aglaktuam aglaaġimmigaich makpiġaaŋi Acts-gum.
Uumani uqalugiksuami paqinnatualuktut atuġniŋat isaġulgich, ullautiniŋallu imnaiḷiqirit animman Jesus, aŋaiyyuvikpaŋmuusialu Jesus-gum nukatpiaġruukami, uuktuullu Samaria-ġmiulluatakkun suli Tammaŋaruakun Iġñikkun. Uqalugiksuam aglaan uqallausiġigaluamiiġaġigaa aŋaiyyun nuimaruaġivlugu Ilitqusiġiksuaġlu, suli irrusiksraŋat aġnat alġaqsruutaagun Jesus, suli God-im suliqutigiŋaiqsiḷḷaniŋa piḷuutinik.
Avgutit
Sivulliqsaaġun 1.1-4
Aniñiŋik miqłiqtuuniŋiglu John Paptaiqsivḷu Jesus-lu 1.5—2.52
John Paptaiqsim savaaŋich 3.1-20
Paptaiqsiñiŋalu ikł̣igusaaqtauniŋalu Jesus 3.21—4.13
Jesus savaaŋa iñuŋiññun Galilee-m 4.14—9.50
Galilee-miñ Jerusalem-muŋniŋa 9.51—19.27
Jerusalem-miqsiuġuiqsaaġniŋa 19.28—23.56
Aŋiñiŋa, niptaġaġniŋi, mayuurrauniŋalu Atanġum 24.1-53
Currently Selected:
Luke Iḷitchuqqutit: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)