Yohaana 12

Yesu okusiigwa amajuta omuri Besania

1 # Mat 26:6-13; Mak 14:3-9. Ku haabaire hatsigaireyo ebiro mukaaga okuhika aha Kuhingurwaho, Yesu yaija Besania, ahu Laazaaro, ou yaazoire omu bafu, yaabaire ari. 2#Luk 10:40. Okwo baamuteekyerayo eby'okurya bya nyekiro; Mariza yaaheereza, Laazaaro akaba ari omwe aha baabaire bashutami na Yesu aha by'okurya. 3Mariamu yaakwata eraatiri y'amajuta g'omugaju ag'obuguzi bwingi munonga; yaagasiiga aha bigyere bya Yesu, yaabisiisiriza eishokye rye, enju yoona yaataamirana emigaju. 4Kwonka Yuda Iskaryota, omwe aha beegi be, owaabaire naayenda kumureebya, yaagira ati: 5Ahabw'enki amajuta aga gataatundwa gakarugamu edenaari magana ashatu, zikagabirwa abooro? 6#Luk 8:3. Taragambire atyo habw'okusaasira abooro; kureka akaba ari omushuma, kandi ahabw'okuba niwe yaabaire ahagatira enshaho, akaba atuura naakora aha byabaire biteebwamu. 7Yesu yaagira ati: Mumurekye, agabiikire ekiro ky'okuziikwa kwangye. 8#Bir 15:11. Abooro mutuura nabo obutoosha, kwonka nyowe timuriguma naanye obutoosha. 9Abantu baingi omu Bayudaaya ku baamanyire ngu ari okwo, bajayo, ti habwa Yesu wenka, kureka ngu bareebe na Laazaaro, ou yaazoire omu bafu. 10Abanyamurwa abakuru baahanuura kwita na Laazaaro; 11ahabw'okuba ahabwe baingi aha Bayudaaya bakabarugamu, baikiriza Yesu.

Yesu okutaaha Yerusaalemu n'ekitiinisa

12 # Mat 21:1-11; Mak 11:1-10; Luk 19:29-40. Ku bwaseesire, omutwe muhango gw'abantu, abaabaire baizire aha bugyenyi, ku baahuriire ngu Yesu naija Yerusaalemu, 13baatwara amataagi g'enkindo, baaza kumubugana, nibeeshongora bati: Hosana! Orikwija omu iziina rya Mukama asiimwe, niwe Mugabe wa Israeli! 14#Zek 9:9. Yesu, ku yaareebire omwana gw'endogoya, yaagutembaho, nk'oku kyahandiikirwe ngu, 15Otatiina, iwe Saayuuni, reeba Mukama waawe naija, atembire omwana gw'endogoya. 16#Yoh 7:39. Okubanza abeegi be tibarashoborokyeirwe ebyo; kwonka Yesu, ku yaaherize kuhimbisibwa, baabona kwijuka ngu ebyo byona bikamuhandiikwaho, kandi byamukorerwa. 17Kandi omutwe gw'abantu abaabaire bariho obu yaayeta Laazaaro okuruga omu kituuro, akamuzoora omu bafu, baabihamya. 18N'ahabw'ekyo omutwe gw'abantu gwaza kumubugana, ahakuba bakaba bahuriire ku akozire akamanyiso ako. 19Abafarisaayo nikwo kugambirana bati: Mureebe ku mutakiine ky'okukora; reeba, ensi yoona yaamukuratira.

Abagriika okwetenga kureeba Yesu

20Kandi omuri abo abaizire aha bugyenyi kuramya, hakaba harimu Abagriika. 21#Luk 19:3; 23:8; Yoh 1:44. Abo baija ahari Filipo owa Besesaida ey'omuri Galilaaya, baamushaba nibagira bati: Taata, nitwenda kureeba Yesu. 22Filipo yaija yaabigambira Anderea. Anderea yaija na Filipo, baabigambira Yesu. 23Yesu yaabagarukamu ati: Obunaku bwahika Omwana w'omuntu kuhimbisibwa. 24#1 Kor 15:36. Buzimazima nimbagambira nti: Akajuma k'engano, ku kaba katagwire mu itaka, kakafa, kagumaho konka; kwonka ku kafa, kaana ebyana bingi. 25#Mat 10:39. Orikukunda amagara ge, ryagabuza; kandi ogwo orikwanga amagara ge omu nsi egi, aryagarinda okuhitsya aha magara agatahwaho. 26#Yoh 14:3. Omuntu weena ku araabe nampeereza, ankuratire; kandi ahi ndi, n'omuheereza wangye niho ariba; omuntu weena ku ampeereza, Tata aryamuha ekitiinisa.

27 # Zab 42:5. Mbwenu omutima gwangye gwine obusaasi; kandi ngambe ki? Ngire nti, Taata, njuna ntahika aha bunaku obu? Ngaaha, ahakuba eki naiziire n'okubuhikaho. 28#Mat 3:17. Taata, himbisa eiziina ryawe. Omu mwanya ogwo eiraka ryayema omu iguru, nirigira riti: Naarihimbisa, kandi ndyagaruka ndihimbise. 29Abantu abaabaire beemereire aho, baarihurira, baagira bati, Eiguru ryahinda. Abandi bati: Ni maraika owaagamba nawe. 30Yesu yaagarukamu naagira ati: Eiraka eri ryaija ahabwanyu, ti habwangye. 31#Yoh 14:30; 16:11. Hati ensi egi yaacwerwa orubanja; hati omutegyeki w'ensi egi naija kubingwa; 32#Yoh 8:28. naanye ku ndiihwa aha nsi naahanikwa, ndyairiza abantu boona ahariinye. 33Ekyo akakigamba kworeka okufa oku yaabaire naija kufa. 34#Dan 7:14. Abantu baamugarukamu bati: Omu Biragiro tukahurira ngu Kristo agumaho ebiro byona. Kandi noobaasa ota kugamba ngu Omwana w'omuntu ashemereire kuhanikwa? Omwana w'omuntu ogwo n'oha? 35#Yoh 8:12. Yesu yaabagira ati: Hatsigaire omwanya mukye ogu mukiiniiremu omushana; mugyende mukiine omushana, obwire butakaabairirira omu muhanda; ogyendera omu mwirima, tamanya i arikuza. 36#Efe 5:8. Obu mukiine omushana, mwikirize omushana, mubone kuba abaana b'omushana. Yesu ku yaaherize kugamba ekyo, yaarugayo, yaabeeshereka.

Abataraikiriize Yesu

37Kwonka n'obu araabe yaakozire obumanyiso bwingi omu maisho gaabo, hoona nabwo tibaramwikiriize, 38#Isa 53:1. ngu ekigambo kya nabi Isaaya kihikiirire, eki yaagambire ati:

Mukama, n'oha oikiriize ebigambo byaitu,

Kandi omukono gwa Mukama gukashuuruurirwa oha?

39 # Isa 6:9, 10. Nikyo baremeirwe okwikiriza, ahakuba Isaaya akagaruka yaagira ati:

40Akabahumya amaisho, yaagangaaza emitima yaabo,

Ngu barekye kureeba n'amaisho, n'okwetegyereza n'emitima yaabo,

N'okuhinduka, ngu mbakize.

41 # Isa 6:1. Isaaya akagamba ekyo, ahakuba akareeba ekitiinisa kye, yaamugambaho. 42Baingi nangwa n'abakuru baamwikiriza; kwonka ahabw'okutiina Abafarisaayo tibaakigamba, ngu batabingwa omuri sinagogi; 43#Yoh 5:44. ahabw'okuba bakenda kusiimwa abantu okukira okusiimwa Ruhanga.

44Yesu yaagamba n'eiraka rihangao ati: Orikuunyikiriza, tiinye arikuba aikiriize, kureka Ogwo owantumire. 45#Yoh 14:9. Kandi orikundeeba, naaba areebire Owantumire. 46Nyowe nyizire omu nsi kuba omushana, ngu omuntu weena orikuunyikiriza arekye kuguma omu mwirima. 47#Luk 9:56; Yoh 8:15. Omuntu weena ku ahurira ebi ngamba, ataabyorobera, nyowe timmucwera rubanja; ahakuba tindaizire kucwera nsi rubanja, kureka okugijuna. 48#Heb 4:12. Orikuunyanga, kanga n'ebigambo byangye, aine orikumucwera orubanja; ekigambo eki naagambire, nikyo kirimucwera orubanja aha kiro ky'aha mperu. 49Ahakuba tindagambire habwangye; Tata owantumire niwe yandagiire eky'okugamba, n'oku ndaakigambe. 50Nimmanya ngu ekiragiro kye n'amagara agatahwaho; n'ahabw'ekyo ebi ngamba, mbigamba nk'oku Tata yaabingambiire.

Currently Selected:

Yohaana 12: RR64

Highlight

Copy