Ageini 21

Nywalo Isaka

1Rwot bin oko timo ne Sara gikame oudo etieko cikere iye. 2#Iburanian 11.11Sara oko yac di eko nywalo ne Aburaam atin awobi i wi tio mere i kare kame bin Rubanga oudo owaco. 3Aburaam oko cako nying atin awobi kame Sara bin onywalo ne be Isaka. 4#Ageini 17.12; Tice 7.8Di bin Isaka oromo ceng kanyauni, Aburaam oko kepe bala kame oudo Rubanga ociko ne. 5Mwaka me dongo ka Aburaam oudo oromo do tol acel i kare kame bin konywalo kede Isaka. 6Sara di oko waco be, “Rubanga omia do anyero. Jo dedede kame bino winyo kop noni bino nyero keda.” 7Di bobo Sara oko waco be, “Ngai kame koto oudo okaruno waco ne Aburaam be Sara ceng moro bino doto atin? Aso di ango atieko nywalo ne atin awobi i wi tio mere.”

8Atin nono oko dongo; di Aburaam oko tedo ebaga adwong i ceng kame oko twone kede dot.

Koriamo Agar kede Isimael

9Ceng moro acel Sara oko neno di wot ka Aburaam ocelu, kame enywalo kede Agar me Misiri, di tie tuko kede wode Isaka, 10#Jogalatia 4.29-30en di eko waco ne Aburaam be, “Riam dako apasoit ni no ot kede wode tenge; pien wot ka apasoit noni likame bino sikao jamini nin karacel kede woda Isaka.” 11Kop noni oko ramo cuny Aburaam twatwal pi wode. 12#Joroma 9.7; Iburanian 11.18Do Rubanga oko waco ne Aburaam be, “Kur ibed kede aramacuny pi wodi, akadi pi apasoit ni; in tim bala kame Sara waco ni, pien in ibino udo ikwae di wok kibut Isaka. 13Do ango abino mino wot ka apasoit nono da doko ateker adwong, pien eda wodi.”

14Aburaam di oko dilo odiko sek, eko kwanyo giacama kede pii kame kopiko i isau me lau di eko mino Agar. En eko keto ne atin i ngee di eko tware. Agar oko yai eko ot wiratoi i wi tim me Beereseba. 15Kakame pii ca do oko tiek negi kede, en eko keto atin i dud yen mogo. 16Di do en eko ot eko bedo piny kakame romo bala mita tol acel, di en eko bedo epimere kede. En eko yamo i cunye be, “Ango likame akaruno kanyakino neno to me atin na.” En eko cako koko di oudo etie bedo kuno.

17Rubanga oko winyo atin di tie koko, di malaika ka Rubanga oko lwongo Agar ki malo di penye be, “Agar, peko nyo kame tie ni? Kur ibed kede lworo, pien Rubanga otieko winyo koko me atin i kakame etie iye. 18Yai malo, ot itinge di iko make kiber, pien ango abino mino ateker adwong wok kibute.” 19Rubanga oko yabo wang Agar di eko neno kulo. En eko ot di eko twomo pii pong isau me lau di eko mino atin omato. 20Rubanga oko bedo kede atin nono di eko dongo. En bin eko bedo i wi tim di eko doko ngat kipirana i gweno emal. 21En bin ebedo i wi tim me Paran. Toto mere bin oko mono ne dako ki piny me Misiri.

Aburaam Otimo Isikan kede Abimelek

22 # Ageini 26.26 I kare nono Abimelek kede Pikol ngatel me isirikalen mege oko waco ne Aburaam be, “Rubanga tie kedi i gi dedede kame in itimo. 23Pi mano, ango amito in nataman ikwongere buta i nying Rubanga be in likame ibino timo na tim me angalo arabo ne idwe na amoto ikwae na. Aso, bala kame ango atieko timo nin kede bero, ida ibino timo nango kamanono karacel kede jo me piny noni kame in ibedo iye bala ngakumbor.”

24Aburaam di oko gamo be, “Ango akwongo kamanono.”

25Aburaam oko bedo kede ingungur but Abimelek pi kop me kulo kame jotic ka Abimelek oudo omao. 26Abimelek di oko waco be, “Ango likame angeo ngat kotimo gini; in likame iko waco na, doko ango likame oudo ako winyo kop noni kiton tuno tin.” 27Aburaam di do oko mino Abimelek romini kede dok, di kiko timo Isikan. 28Aburaam oko poko tenge akalen me romini kanyaare kikom romini mege. 29Abimelek di oko penye be, “Pinyo komio in ipoko akalen me romini kanyaare gi kargi ken gi?”

30Aburaam oko dwoko be, “Kame in igamo akalen me romini kanyaare nogi, manono bino nyuto be ango en kame akunyo kulo noni.” 31Pi mano, oko do lwongo kabedo nono be Beereseba.#21.31 Beereseba Nying noni i leb Eburania dwong mere be “Kulo me Kwongere” arabo “Kulo me jamini Kanyaare” (nen da 26.33), pien kunono en kame gin jo are nogo kiko kwongere kiye.

32Kakame gin kitieko timo kede isikan i Beereseba, Abimelek kede Pikol ngatel isirikalen mege oko yai di kiko dok Pilistia. 33Aburaam oko pito yat kame kolwongo be tamarik i adul me Beereseba, di eko woro Rwot ki kanono, en Rubanga kame bedo nakanaka. 34Aburaam di oko bedo Pilistia bala ngakumbor pi kare alac.

Currently Selected:

Ageini 21: BILK13

Highlight

Copy