Génesis 36
36
Papi lhcles pa Esaú
1Papuque lhcles pa Esaú pan lhey shta Edom. 2Pa Esaú lhjayasesh papi nivacchey yiey pa Canaán:*xp* lhpa Ada, lhôse pa Elón tô'lha papi hititas. Lhpa Aholibama, lhôse pa Aná pa lhantôclishch'ee pa Zibeón pa heveo. 3Shi' lhpa Basemat, lhôse pa Ismael, lhpa lhch'injô pa Nabaiot.*xq* 4Pa lhô'selh lhpa Ada pa Esaú lhey Elifaz; pa lhô'selh lhpa Basamat lhey Reuel. 5Papi lhcleselh lhpa Aholibama papuque: Pa Jeús, pa Jaalam shi' pa Corê. Papuque lhcles pa Esaú nivat'as ti yie' pa cotsjaat Canaán.
6Pa Esaú yôôychi papi lhjayas shi' papi lhcles yitsjôy shi' papi ôcjeclôy shi' lhacôm'a papi yi'jop pa yichey peelh cotsjaat ca tojeemey pa lhch'inish Jacob. Yichaaj lhacôm'a pava lhclôy shi' lhacôm'a pava caajem yiey pa cotsjaat Canaán. 7Jô lhôn pa acloj pava caajem pa sasjop ca nôveshelhvaycop pa lhchinish. Pa cotsjaat yiey pa yie' nintajulhsham pa lhôc pava lhclôy. 8Lhe'naa pa Esaú, pan lhey shta Edom, yichey ti yie' pava uticuy yiey pa cotsjaat Seir.
9Papuque lhcles pa Esaú, lhnavot'esh papi edomitas papin yie' pa lhech'e yiey pava uticuy yie' pa Seir. 10Navôque lheyis papi lhcles pa Esaú: Pa Elifaz, lhô'selh lhpa Ada shi' pa Esaú; shi' pa Reuel, lhô'selh lhpa Basemat shi' pa Esaú. 11Papi lhcles pa Elifaz papuque pa Temán, pa Omar, pa Zefo, pa Gatam shi' pa Cenaz. 12Pa Elifaz caaj shta lhpa yictsôyan atesha lhey Timna. Ti nivat'aj pa lhaôs pa lhey Amalec. Papuque tô'lha lhpa Ada, lhch'acfa pa Esaú. 13Papi lhcleselh pa Reuel papuque pa Nahat, pa Zera, pa Sama shi' pa Miza. Papuque lhcles pa Basemat, lhch'acfa shta pa Esaú. 14Lhpa Aholobama lhavaatsha lhch'acfa shta pa Esaú. Vooy papi lhcleselh pa lhech papuque pa Jeús, pa Jaalam shi' pa Core. Lhavaatsha lhôse pa Aná lhantôclishchee pa Zibeon.
15Papi lhcaanvaclesesh tô'lha pa Esaú papuque: Papi lhcles pa Elifaz pa c'utsa'jesh lhaôs pa Esaú, papuque lhcaanvaclesesh pa Temán, pa Omar, pa Zefo, pa Canaz, 16pa Corê, pa Gatam shi' pa Amalec. Papuque lhcaanvacles tô'lha pa Elifaz yiey pa cotsjaat Edom, lhacôm'a ti tô'lha lhpa Ada. 17Papi lhcles pa Reuel, Esaú lhaôs papi lhcaanvaclesesh papuque pa Nahat, pa Zera, pa Sama shi' pa Miza. Papuque lhcaanvaclesesh tô'lha pa Reuel yiey pa cotsjaat Edom, papi tô'lha lhpa Basemat lhch'acfa pa Esaú. 18Papi lhcles lhpa Aholibama, lhôse pa Aná lhch'acfa shta pa Esaú, papi lhcaanvaclesesh papuque pa Jeús, pa Jaalam shi' pa Corê. 19Lhacôm'a papi lhech tô'lha pa Esaú, lhey shta Edom, pa lhcaanvacleesh papi lhchifas.
Papi lhcles pa Seir
20Papi lhcles pa Seir pa horeo, papi yie' pa lhech'e cotsjaat, papuque pa Lotán, pa Sobal, pa Zibeóm, pa Aná, 21pa Disón, pa Ezer shi' pa Disán. Papuque lhanvaclesesh papi horeos, tô'lha pa Seir, yiey pa cotsjaat Edom. 22Papi lhcles pa Lotán papuque Hori shi' pa Heman. Lhpa Timna lhch'injô pa Lotán. 23Papi lhcles pa Sobal papuque pa Alván, pa Mahanat, pa Ebal, pa Sefo shi' pa Onam. 24Papi lhcles pa Zibeón pa Aja shi' pa Aná. Pa Aná lhech lhavaatsha yi'van pa yinôôt yalhatôlhch'een yiey pa am'e pa'na, lhechesh ti yiclôvalh pava cuvôyutas lhclôy pa lhtata Zibeón. 25Pa Aná caaj pa lhaôs lhey Disón, pa ve'lha shta lhpa lhôse lhey Aholibama. 26Papi lhcles pa Disón papuque pa Hemdán, pa Esban, pa Itrán shi' pa Querán. 27Papi lhcles pa Ezer papuque pa Bilhán, pa Zaaván shi' pa Acán. 28Papi lhcles pa Disán papuque pa Uz shi' pa Arán.
29Papi lhanvaclesesh papi horeos, papuque pa Lotán, pa Sobal, pa Zibeón, pa Aná, 30pa Disón, pa Ezer shi' pa Disán. Papuque lhanvaclesesh papi horeos yiey pat'ajôj'e ts'ivee yiey pa cotsjaat Seir.
31Papuque lhcaanvaclesesh'e yiey pa cotsjaat Edom, ti jôjjeclay ampa lhanvaclea papi israelitas. 32Pa Bela, lhaôs pa Beor, lhcaanvacleesh'e pa Edom, vooy pa lhavtsaat lhey Dinaba. 33Ti vaf pa Bela nicôyôjesh pa Jobab ti lhcaanvacleesh, lhaôs pa Zera, tô'lha pa Bosra. 34Ti vaf pa Jobab pa nicôyôjesh pa Husam, tôlh'e' pa cotsjaat Temán. 35Ti vaf pa Husam, pa nicôyôjesh ti lhcaanvacleesh pa Hadad, lhaôs pa Bedad. Pa lhech yash'apee pa Madián yiey pa joot pa Moab. Pa lhavtsaat lhey Avit. 36Ti vaf pa Hadad pa nicôyôjesh pa Salma ti lhcaanvacleesh tô'lha pa yitsaat Masreca. 37Ti vaf pa Salma pa nicôyôjesh pa Saúl, tô'lha pa Rohobot, pa lhech yitsaat shalheema pa tovôc. 38Ti vaf pa Saúl, pa nicôyôjesh pa Baal-hanán, lhaôs pa Acbor. 39Ti vaf pa Baal-hanán, pa nicôyôjesh pa Habar. Pa lhavtsaat lhey Pau. Lhpa lhch'acfa pa Hadar lhey Mehetabel. Lhavaatsha lhôse pa Matred pa lhantôcleshchee pa Mezaab.
40Navôque lheyis papi lhcaanvacles tô'lha pa Esaú. Chiyisclanvatich'e ca t'ajôôjamsha'ne pava yie' ts'ivee shi' cava lheyis: Pa Timna, pa Alva, pa Jetet, 41pa Aholibama, pa Ela, pa Pinón, 42pa Cenaz, pa Temán, pa Mibzar, 43pa Magdeel shi' pa Iram. Pa Esaú lhey shta Edom, papuque lhcaanvacles tô'lha pa Edom, chiyetônesh shta pava yie' shi' pava lhc'oovtes ti yitsôt'ajesh.
Currently Selected:
Génesis 36: NIVA
Highlight
Share
Copy
Want to have your highlights saved across all your devices? Sign up or sign in
Nivacle Bible © Sociedades Bíblicas Unidas, 1994.
