Loma 5
5
Mabundu ya mpulusu
1Mpilayai, sambu na beto imene kunungiswa mu lukwikilu, Mfumu Yesu Klisto ya beto ya imene kupesa beto yenge kwa Nzambi;
2yandi imene kusongaka beto nkotolo mu lukwikilu ku nlemvo yai mu yo beto telema ye beto yangalala mu vuvu ya nkembo ya Nzambi. Yoa. 14:6; Ef. 2:18; 3:12; 1 Pet. 5:12
3Kaka yai ve, kansi beto ikele kuyangalala mpe mu mpasi ya beto, kuzaba na mpasi ikele kupesa mvibudulu; Fili. 1:29; Yak. 1:3
4mvibudulu pesa kitezo ya lunga, kitezo ya lunga pesa vuvu; Eb. 10:36
5ye vuvu monisa nsoni ve, sambu na zola ya Nzambi fuluka ntima ya beto mu Mpeve Yanlongo ya peswaka kwa beto. Nk. 22:5; 25:2, 19
6Kadi bu beto vandaka lebakana, mu ntangu ya lunga Klisto kufwaka sambu na bankwa konda vumina Nzambi. 1 Pet. 3:18
7Kadi muntu luta kuzola ve kufwila nkwa lunungu, kadi bankaka lenda kupesa na bau kufwila nkwa mbote.
8Kansi Nzambi songaka zola ya yandi kwa beto, kadi bu beto vandaka bankwa masumu Klisto fwilaka beto.
9Buna bu beto nungiswaka mu menga ya yandi, buna mu kieleka beto tavuluswa tuka makasi ya Nzambi sambu na yandi.
10Kadi kana bu beto vandaka bambeni beto vutukaka kwa Nzambi mu lufwa ya Mwana ya yandi, buna beto imene kuvutuka kieleka kwwa Nzambi, beto tavuluswa mu moyo ya yandi;
11mpilayai kaka ve, kansi beto yangalala mpe mu Nzambi mu Mfumu ya beto Yesu Klisto, mu yandi beto imene kubaka vutuka kwa Nzambi. 1 Kol. 11:30
Masumu ye lufwa kwiza mu Adami lunungu ye moyo mu Klisto
12Sambu na yai, bonso masumu kotaka mu nsi mu muntu mosi, ye lufwa sambu na masumu, buna lufwa kotaka mu bantu yonso, kadi yonso imene kusala masumu, 1 Mose 2:17; 3:6; Lom. 6:23; 1 Kol. 15:21; 2 Kol. 5:18
13kadi masumu vandaka mu nsi ti nsiku, kansi ya konda nsiku masumu ikele kutangwa ve. Lom. 4:15
14Kansi lufwa yalaka tuka Adami ti Mose, va bau mpe ya salaka masumu ve, bonso masumu ya Adami salaka. Yandi ikele kifwani ya yandi ya takwiza. 1 Kol. 15:45
15Kansi matabisi ya nlemvo ikele ve bonso masumu yina. Kadi kana mu masumu ya muntu mosi, bantu mingi kufwaka, buna ya luta nlemvo ya Nzambi ye matabisi ya yandi kwenda kwa bantu mingi, mu nlemvo ya muntu mosi, Yesu Klisto.
16Matabisi ya nlemvo ikele ve bonso yina ya kwizaka mu muntu mosi ya salaka masumu, kadi mfundusu kwizaka mu muntu mosi ku mbedoso, kansi matabisi ya nlemvo kwizaka sambu na masumu ya bantu mingi ku mambu ya lunungu.
17Kadi kana mu masumu ya muntu mosi, lufwa yalaka sambu na muntu mosi, buna ya luta, bau ya baka fuluka ya nlemvo ye matabisi ya lunungu tayala mu moyo sambu na muntu mosi, Yesu Klisto.
18Buna bonso mbedoso kwizaka kwa bantu yonso sambu na masumu ya muntu mosi, buna ndungusu kwizaka ya pesa moyo kwa bantu yonso mu kisalu ya funungu mosi. Lom. 6:23
19Kadi bonso bantu mingi kwizaka bankwa masumu mu nkolomono ya muntu mosi, buna mpe bantu mingi takwiza bankwa lunungu mu lemvuka ya muntu mosi.
20Kansi nsiku kwizaka mpe, na masumu lenda kwiza mingi, kansi sika na masumu ikele mingi, nlemvo lutaka mingi; Lom. 7:8
21kadi bonso masumu yalaka mu lufwa, buna mpe nlemvo lenda kuyala mu lunungu mu moyo ya mvu ya mvu mu Yesu Klisto Mfumu ya beto.
Currently Selected:
Loma 5: NTK50
Highlight
Share
Copy
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.
