Luka 10
10
Yesu akatuma amakumi arinda
1Enyuma waho Mukama mwahira abandi amakumi arinda, mwatumabo embere siwe ababiribabiri, eriya omo miyi yosi naha asonda eriya. 2Kandi mwabuga nabo ati, Erigesa ni nene nikwa abakoli bomubiri ni bake; nikwa musabe Mukama werigesa atume abahingi okwigesa riwe. 3Mugende; lebaya, ngabatuma ngehyana hyembuli omukati-kati kama kungu. 4Simuheka eritusi, kutse engunza, kutse esyongendero; simubukaye omundu omo nzira. 5Nenyumba eyo mukingi ramo, mutsuke eribuga muti, Obuholo bubye omo nyumba eyi! 6Omugala wobuholo amabyaho, obuholo bwenyu bwasyamu byako; amabya ate, ibwasuba kwinywe. 7Mwikale omo nyumba eyo, imwarya neripulya ebyo bakabaha, kusangwa omuhingi atolere erihembwa riwe; simuhumire omo wandi manyumba. 8Omugulu mukingira omo muyi bakabakokaya, imwarya ebyo bakabaha; 9mulamaye abakoni abari mugo mubwirebo muti, Obwami bwoMungu bwamabihika hakuhi nenyu. 10Nikwa mwamingira oko muyi batetabakokya, mwingire omo syonzira syago muti, 11Olututu olwo muyi wenyu olumakirire omo bisandu byetu, tukasangulalo busana nenyu; nikwa muminye eki, ko bwami bwabirihika hakuhi. 12Ngababwira ryasyabya ryolo eryeSodomo ekiro ekyo okwi laba eryomuyi oyo.
13Obuhanya kuwe, Korazini! Obuhanya kuwe, Betesaida! kusangwa kumbe emibiri ya maka eyakolwa omwisi wenyu kumbe yakolawa omo Tiro ne Sidona, kumbe babiribinduka kera, ibanikere omo mitole nomwibu. 14Nikwa okwitswera erya Tiro na Sidona ryasyabya ryolo kwilaba eryenyu. 15Nawe Kapernaumu, wasyasumbirwa endata elubula kwehi? Wasya ndagalilibwa ekulimu. 16Oyu kabowa akanyowa, noyu kabagana iniakanyigana, noyu kanyigana akagana oyu wanyi tuma.
Erisubula ryamakumi arinda
17Amakumi arinda mobasubula nobutseme bati, Mukama esyombinga nasyo sikatowa omo rina ryawe! 18Naye mwa bwirabo ati. Monalangira Satani ikatoga ngeripalya rikalwa elubula. 19Lebaya nabiribaha ehamuli eriryatangirira esyo nzoka nesyonge, nokwilaba akagala kosi kenzigu; isihari kindu kyangabagalya na hake. 20Nikwa simutseme busana nesyo mbinga eribowa; nikwa mutseme kusangwa amena wenyu abirisakwa elubula.
21Noko ndambi eyo mwatsema omo Kirimu Kibuyirire mwabuga ati, Ngakuha ewasingya Tata, Mukama welubula ne kihugo, kusangwa wabiribisa emyatsi eyo oko bamenge naberiminya wabiribisulabyo oko bana balere; ega, Tata, ku sangwa erisonda ryawe ryolukogo ko ryabya ritya. 22Nabiri habwa emyatsi yosi na Tata wage; kandi sihari oyo wasi Mugala nga nindi, ni nise, kutse sihari oyu wasi Ise nga nindi, ni na Mugala nomundu oyo Mugala akayisoga erimubisulira. 23Neryo mwakebera abiga mwabwirabo bubi-sobiso ati, Omuyisa ari oko meso woyu kalangira ebyo mukalangira! 24Kusangwa ngababwira kwa baminyereri bangi na bami bayitsutsa erilangira ebyo mukalangira, mobatetalangirabyo, neriowa ebyo mukowa, mobatetowabyo.
OmuSamaria wolukogo
25Kandi lebaya, omwimiri muguma mwahangana nerimu lengako ati, Mukangirirya nangakolaki erilagwa engebe yerikota mo mwandu kwehi? 26Neryo mwabuga naye ati, Nikiekisakire omo bihano kwehi? Ukasomaki omo kitabu kwehi? 27Mwamusubirya, ati, Wanze oMukama Mungu wawe nomutima wawe gosi, nengebe yawe yosi, namaka wawe gosi, noburingikania bwawe bosi; kandi na mulikyenyu ngawe. 28Naye mwabuga naye ati, Wamabisubya ndeke; uyire utya, wasyabyaho. 29Nikwa iye, iniakasonda eriyiyira mo mutu nganene, mwabulya Yesu ati, Mulikyetu nindi kwehi? 30Yesu mwasubirya ati, Omundu abya alwa eYerusalema akandagarira eYeriko, mwawa omo byala byabanyeyi, abamulusaya kwesyo ngimba nerimuhunza, mobayigendera, mobamusiga hakuhi nerihola. 31Neryo mokyabya kitya omuhereri iniakandagala omo nzira eyo; mwamulolako mwayihengeka mwalaba. 32Ritya omuLawi, abere ahikaho mwamulolako, naye mwayihengeka mwalaba. 33Nikwa muSamaria, iniane oko lugendo, naye mwahika aho; abere abimulolako mwamuganyira, 34mwahika ahari mwasenga ebironda biwe, muta inubyo amaguta nebinyu; mwamuhira oko nyama yiwe mwamuleta omo kirimba kyaba geni, mwamutwanira. 35Nomungyakya mwabana esyofaranka ikumi mwahasyo omwenye kirimba, ati, Umutwanire; wama swabana esindi, nasyakuriha naswasa. 36Oko basatu aba ukaganiraya uti nindi yo wabya mulikyabo womundu oyo wagwa omukati-kati ka banyeyi kwehi? 37Naye mwabuga ati, oyo wamukwa eriganyira. Yesu mwamubwira ati, Ugende nawe ukole utya.
Maria na Marata
38Babere bakine oku lugendo, mwingira oko kayi; nomukali oyu kahulawa mo Marata mwamukokya omo nyumba yiwe. 39Abya awite mwali wabo oyu kahulawa mo Maria, oyo wabya ikere oko bisandu byoMukama neriowa erikangirirya riwe. 40Nikwa Marata mwahabukya omutima omo mibiri mingi; kandi mwamuhikako ati, Mukama, suritsomana kusa ngwa mwali wetu abirinyitekera emibiri kwehi? Umubwire anyiwatikaye. 41Nikwa Mukama mwamusubirya ati, Marata, Marata, ukayiganyira nerigangaganga busana nemyatsi mingi; 42nikwa omwatsi muguma atolere. Kusangwa Maria abiriyi soga erigabo eryowene, eryate angasagulwa.
Currently Selected:
Luka 10: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
