Luka 9

Yesu akatuma abiga eritulago

1Kandi mwabirikira erikumi na babiri mwahindanyabo mwahabo amaka nehamuli oko syombinga syosi nerilamya amakoni, 2mwatumabo eritula omwatsi wobwamibwo Mungu nerilamya abakoni. 3Neryo mwabuga nabo ati, Simuheke kindu busana nolugendo lwenyu, kutse mutso, kutse engunza, kutse obundu, kutse esyofaranka; kandi simubye nesyokanzu ibiri. 4Nenyumba yahi mwasingiramo, mwikalemo, erihika aho mwasyalwirayo. 5Naho ehosi bakagana eribakokya, omugulu mukalwa omo muyi oyo mukungute olututu omo bisandu byenyu ngo mulangiri kubo. 6Neryo mobalwayo mobalaba omo hiyi, neritula engulu yowene nerilamya abehosi.

Herode akasonda erilola uku Yesu

7Nikwa oMwami Herode mowa ebyosi byakolawa, mwa hangahangya kusangwa mokyabugwa ambu Yoane abirilubu kibwa oko baholi, 8nabandi bati Elia abiriswahuluka, nabandi bati omuguma wokobaminyereri bakera yo walubukire. 9Herode mwabuga ati, Yoane monamutwa ko mutwe; nikwa oyo nindi oyo namowa kwemyatsi eyi kwehi? Nikwa mwa sonda erimulolako.

Yesu akugutaya abandu 5000

10Neryo omugulu abakwenda basubula mobamubwira emyatsi eyo bakola. Naye mwatwalabo bobene oko muyi owakahulawa mo Betesaida. 11Nesyondeko syabere syaminya, mosyamukwama; naye mwakokyabo mwatulirabo ebyobwami bwoMungu, mwalamya ababya nobwaga bwerilamibwa. 12Nikwa bwabere bwasonda erihumbera; erikumi nababiri mobamuhikako bati, Ulagane nendeko, bagende omo hiyi nomo kihugo ekihererenie naho, erigotsera neribana akaryo; kusangwa turi mo kisuki. 13Nikwa mwabwirabo ati, Muhebo akerirya. Nabo mobabuga bati, Situwite ebindi wana mandu atanu namahere abiri—twamatindaya gula ebyalya busana nabandu aba bosi. 14Kusangwa habya abalume nga maelfu atanu. Naye mwabuga nabiga buwe ati, Mwikalayebo mondekondeko amakumi atanu-atanu. 15Nabo mobakola batya, mobikalya bosi. 16Neryo mwimya amandu atanu namahere abiri mwalalamira elubula, mwatsumulabyo mwata hangulabyo, mwahabyo oko biga bahirebyo emuliro wendeko. 17Nabosi mobarya mobuguta. Moba-songa-songya ebyasaka, ebitiri ikumi nebibiri byebitahangukira.

Yesu yona Kristo

18Nikwa omugulu abya akasaba iyowene abiga babya haguma naye; neryo mwabulyabo ati, Abandu bakabuga bati, Ingyendikwehi? 19Mobamusubirya bati, Yoane Mubatisa; nikwa abandi bati, Elia; nabandi, bati muguma woko bami nyereri bakera abirilubuka. 20Naye mwabuga nabo ati, Nikwa nenyu mukabuga muti ingye ndi kwehi? Petero mwasubirya ati, Kristo woMungu. 21Nikwa mwahanabo mwategekabo ati sibabwire mundu mwatsi oyu, 22ati, oMugala womundu atolere eriagalwa omo myatsi mingi, neriganwa na bakulu nabahereri bakulu nabasaki, initwa, nerilubukibwa ekiro kyebisatu.

Eriyilandako

23Kandi mwabuga nabosi ati, Omundu amasonda eri ngwama, ayigane aheke omusalaba wuwe ebiro byosi angwame. 24Kusangwa oyu kasonda erilamya engebe yiwe asyatalyayo; noyu katalaya engebe yiwe busana nage, asyalamyayo. 25Ku sangwa ni ndundi yahi oko mundu amabana e kihugo kyosi akayitalya kwehi? 26Kusangwa oyu kakwa esisoni busana nage na busana nebinywa byage, oMugala womundu asyakwa esisoni busana naye omugulu asyasa omo lukengerwa luwe nolukengerwa lwise wuwe nolwa balaika babuyirire. 27Nikwa ngababwira kwenene, hari bandi oko bahangene hano aba tindisyagerya oluholo batebalangira obwami bwoMungu.

Yesu mwahindukibwa

28Kandi enyuma weribuga ebi ngebiro munani byamabikya mwatwala haguma naye Petero na Yoane na Yakobo, mwahe tukira oko kitwa erisaba. 29Abere anemosaba, erisosa ryobusu buwe moryahinduka, nesyongimba siwe mosyahenia nerika ngabania. 30Kandi lebaya, bandu babiri mobakania naye, babya ye Musa na Elia, 31ababutuka nolukengerwa ibakaka naya omwatsi woluholo luwe olo akandisyaberererya eYerusa lema. 32Nikwa Petero nababya naye mobayitsingirako notugotseri nikwa isibetayato, mobalangira olukengerwa luwe nabandu babiri ababya bahangene haguma naye. 33Nomugulu abandu abo basonda erigabana naye. Petero mwabuga na Yesu ati, Mukama, Ryowene itwe turi hano; tuhimbe ehinyumba hisatu, akaguma busana nawe, na kandi busana na Musa, na kandi busana na Elia—isiasi ekyo akabuga. 34Abere anemobuga ebi, ekitu mokyasa mokyasukulirabo; nabo mobubaha omugulu bingira omo kitu. 35Nomulenge mwalwa omo kitu, ati, Oyu ni Mugala wage, Musombolwa wage; momowe! 36Nomulenge abere abibuga, Yesu mwabanikaho iyowene. Nabo mobabya bukutu mobatabwira omundu emyatsi eyo balangira.

Omututsa

37Nomungyakya, babere babiandagala oko kitwa, endeko nene moyahindana naye. 38Lebaya, omundu wokondeko mwabuga nomulenge munene ati, Mukangirirya, ngakugonga gonga ulebaye mugala wage, kusangwa yonambutire iyowene; 39kandi lebaya, ekirimu kikamuhamba, inialaka; kikamusala salaya iniabimbya erihulo, kikamuhunza, sikirimuleka luba. 40Monagonga-gonga abiga bawe nyiti baguse kyeyihya, mobataluka. 41Yesu mwasubirya ati, Inywe lulengo lweriti ndiikirirya nolwobuhaka, nasikala nenyu omugulu gungahi neribabegerya kwehi? Ulete omugala wawe yo hano. 42Neryo abere anemwasa embinga moyamusatya moyamusalasalya. Nikwa Yesu mwakunga ekirimu kibi ekyo, mwalamya omu lwana, mwamusubya kwise wuwe. 43Nabosi mobaswekera obukulu bwoMungu. Nikwa omugulu barimusweka busana nemyatsi yosi akola, mwabuga nabiga buwe ati, 44Muhire ebinywa ebi omu matwi wenyu; kusangwa Mugala womundu akandisyahotelwa omo byala byabandu. 45Nikwa mobata minya ekyo abuga mokyabiswa kubo, sibaminyekyo; kandi mobubaha erimubulya omwatsi oyo.

Nindi yo munene

46Neryo mobakuba obuhaka omukati-kati kabo nga nindi wakubo yo mukulu. 47Nikwa Yesu amabiminya oburingikania bwemitima yabo, mwimya omwana mwamuhanganya oko luhande luwe, 48mwabuga nabo ati, Oyu kakokaya omwana oyu omo rina ryage iniakanyikokaya, noyu kanyikokaya iniaka kokaya oyo wanyituma; kusangwa oyuri mukemuke omukati kati kenyu yo mukulu.

49Yoane mwasubirya ati, Mukama twamalola oko mundu akahiga esyombinga omo rina ryawe, motwamukaga, kusangwa siarikwama haguma netu. 50Nikwa Yesu mwabuga naye ati, Simumukage; kusangwa oyute enzigu yenyu iniari oko luhande lwenyu.

AbaSamaria bakagana Yesu

51Neryo ebiro biwe byeritwalwa endata byabere byabya hakuhi, mwabya namaha weriya eYerusalema. Mwatuma abakwenda emuliro wuwe, 52abagenda omo muyi weba Samariya, erikokotya ahangahikira; 53nikwa abandu moba tamukokya, kusangwa mwabya ngakalabira eYerusalema. 54Kandi omugulu abiga buwe Yakobo na Yoane babere babilangira ekyo, mobabuga bati, Mukama ukasonda uti tutegeke omuliro eriandagala erilwa elubula neribugabo kwehi? 55Nikwa mwakeberabo mwakungabo, mwabuga ati, Simwasi omusindo wekirimu muriko; kusangwa Mugala womundu siasa neriherya esyongebe syabandu nikwa erilamyasyo. 56Nikwa mobaya oko gundi muyi.

Erikwama Yesu

57Neryo babere bakagenda omo nzira, omundu mwabuga naye ati, Ngandikukwama ehosi ukandiya. 58Yesu mwabuga naye ati, Esyoboha sinawite ebyuna, nesyonyonyu syomokyanya sinawite esyonyutu; nikwa Alugala womundu siawite aheri hira omutwe wuwe. 59Mwabuga nogundi ati, Unyikwame. Nikwa mwabuga ati, Mukama nyitange eriyata tata. 60Nikwa mwabuga naye ati, Leka abaholi bate abaholi babo; nikwa uwe, ugende utulego ogo bwami bwoMungu. 61Nogundi mwabuga ati, Ngandikukwama Mukama; nikwa uleke ngaya lagana na benyumba yage. 62Yesu mwamubwira ati, Sihari oyu kawata okwisuka akakebera enyuma akatolera obwami bwo Mungu.

Currently Selected:

Luka 9: NTN62

Highlight

Copy