Luka 7
7
Omukulu wabasoda
1Neryo abere abibuga ebinywa biwe byosi omo matwi wabo abamowa mwingire eKapernaumu. 2Nikwa habya omukulu wabasoda iniawite omukobe oyo abya anzire kutsibu, abya alwere hakuhi nerihola. 3Omugulu owa engulu ya Yesu, mwamutuma kwa bakulu babaYuda erimugonga-gonga ati ase alamaye omukobe wuwe. 4Nomugulu bahika uku Yesu, mobamugonga-gonga kutsibu, bati, Atolere iwamukolera eki, 5kusangwa anzire ekihanda kyetu, kandi abirituhimbira enyumba yetu yerihindana. 6Neryo Yesu mwagenda nabo. Abere ahika hakuhi nenyumba, omukulu wabasoda mwamu tumako abira buwe, ati, Mukama suyiluhaye, kusangwa sinyi tolere ukingira omo nyumba yage; 7kyaleka inaringikania ko nyitatolere erikuhikako. Nikwa ubuge eKinywa kisa, omukobe wage abane erilamibwa. 8Kusangwa nage ndi mundu weha muli, ngwite abasoda abo ngategeka: ngabuga nomuguma oyu nyiti Genda, iniagenda; noko gundi, Asa, iniasa; noko mukobe wage nyiti, Koleki, iniakolakyo. 9Omugulu Yesu owa ebi mwamuswekera, mwakeba mwabuga nendeko eyamukwama, ati, Ngababwira, nyiti sinditabana erikirirya eririgene neri kutse omo Israeli. 10Abatumawa babere basuba omo nyumba, mobeya omukobe oyo iniabirilama.
Yesu mwalubukya omugala wa Mukwakali
11Enyuma waho akatambi kake mwaya oko muyi owaka hulawa mo Naina, nabiga buwe nabandu bangi mobagenda naye. 12Neryo omugulu ahika hakuhi neririmbo ryomuyi, lebaya, habya oyu holire iniahekirwe erihulukiribwa ekyaswa, ini mugala iyo nyinya anabutire iyowene, naye abya mukwakali; na bandu bangi abeka babya haguma naye. 13OMukama abere amulolako, Mwamuganyira mwabuga naye ati, Surire. 14Neryo mwasa mwatula okwisanduku eriri mwe kinda, nabamuhekire mobahangana. Neryo mwabuga ati, Mulwana, ngakubwira, nyiti, Hangana. 15Nomuholi mwikala, mwatsuka eribuga. Neryo mwamuha nyinya wuwe. 16Neriubaha moryahika kubo abosi; mobakenga Mungu mobabuga bati, oMuminyereri munene abiribanika omukati-kati ketu! Kandi Mungu amabisyabana abandu biwe! 17Nengulu eyi yiwe moyagendagenda omo Yudea hosi ne kihugo ekyo kihererenye naho.
Abiga baYoane
18Nabiga ba Yoane mobamubwira emyatsi eyi yosi. 19Na Yoane, mwabirikira abiga buwe babiri, mwatumabo oko Mukama ati, Nina we oyu kasa, kutse tulindirire ogundi kwehi? 20Nabandu abo babere babimuhikako, mobabuga bati, Yoane Mubatisa amatutuma ukuwe, ati, Ni we oyu kasa, kutse tulindirire ogundi kwehi? 21Noko ndambi eyo mwa lamya bangi bamakoni nesyondwala nyibi nebirimu bibi, nesyondimatime nyingi mwahasyo erilangira. 22Neryo mwasubiryabo ati, Mugende mubwire Yoane ebyo mwamalolako nebyo mwamowa: esyondimatime sikabana erilangira ryasyo, ebilema birimugenda, abahaga bameribwa, abatsiha bakowa, abaholi barimulubukibwa, nabera barimutulirwa engulu yo wene. 23Nomuyisa ari kwoyu tindasyatwikala busana nage.
Yesu na Yoane
24Nabakwenda ba Yoane babere bagenda, mwatsuka eribuga nesyondeko busana na Yoane, ati, Mwaya omo mbwarara erilola kuki kwehi? Olubingo olukatengatenganibawa neri hunga kwehi? 25Nikwa mwayayo erilola kuki kwehi? Omundu wambite esyongimba nyolo-nyolo kwehi? Lebaya, abambite esyongimba sikangabenie nabakarya ebibuya, bari omo bibuga byabami. 26Ko mwayayo erilola kuki kwehi? OMuminyereri kwehi? Ega, ngababwira, na kwilaba omu minyereri. 27Yoyu kisakire busana naye kiti, Lebaya, ngatuma omukwenda wage embere syobusu bwawe, Oyo wasyakokotya enzira yawe embere syawe. 28Ngababwira nyiti, Kwabo ababutawa na bakali sihari oyu lengire Yoane; nikwa omuke kutsibu omo bwami bwoMungu amulengire. 29(Omugulu bowa ebi abandu bosi nabasolesya mobaganza Mungu kwari weritunganene, kusangwa ibamabibatisibwa na Yoane; 30nikwa abaFarisayo nabimiri byebihano mobagana erisonda ryoMungu busana nabo, isibetabatisibwa naye.) 31Nikwa nasyaringirirania abandu bolulengo olu naki kwehi? Kandi basosireki kwehi? 32Baringene nga bana abikere omwiguriro abakabirikirana bati, Turiababuhira erirenga, momutetasata; Motwasusumana, nenyu momutetarira. 33Kusangwa Yoane Mubatisa mwasa isiarirya obundu neritendipula ebinyu; nenyu mukabuga muti, Ari kwembinga. 34OMugala wo mundu mwasa iniakarya neripulya; nenyu muti, Lebaya, omuri webingi nomukundirya, omwira wa basolesya nabakola nabi! 35Nikwa amenge akayirawa mo atunganene busana nabana bago bosi.
Yesu akahakabibawa amalase
36Omuguma mwamubirikirira erirya haguma naye, naye mwaya omo nyumba yomuFarisayo oyo, mwikala okwirya. 37Neryo lebaya omukali womuyi oyo, abya mukola nabi, abere aminya kwikere okwirya omo nyumba yomuFarisayo oyo, mwaleta eritambya ryowenenga ryamaguta owakakumba ndeke, 38mwimana enyuma kwiye hakuhi nebisandu biwe, akarira, mwatsuka eritsapya ebisandu biwe nemisonia yiwe, nerisangulabyo mo nzwire syomutwe wuwe, neriryatsirira ebisandu biwe, nerihakabyabyo na maguta ayo. 39Nikwa omugulu omuFarisayo oyo wamubirikira abere alangira ekyo, mwayibwira omwisi wuwe ati, Kumbe mundu oyu alwe mu minyereri, kumbe abiriminya omusindo womukali oyu kamu tulako, kusangwa ni mukola nabi. 40Yesu mwasubirya mwabuga naye ati, Simoni, ngwite ekyerikubwira. Naye ati, Mukangirirya, Buga, 41Omubweki muguma abya na babiri bari nomwinda; omuguma iniari momwinda wa syofaranka amagana atanu, nogundi amakumi atanu. 42Omugulu babula ebyerituha, mwabuyira ababiri bosi. Nikwa nindi wakubo wasyamwanza kwilaba kwehi? 43Simoni mwasubirya ati, Mbino oyo abuyira bingi. Neryo mwabuga naye ati, Wama tswera ndeke. 44Neryo mwakebera omukali mwabwira Simoni ati, Wamalangira omukali oyu kwehi? Mongingira omo nyumba yawe, mutetamba amagetse busana nebisandu byage, nikwa iye abiritsapya ebisandu byage omo misonia abirisangu labyo nesyonzwiri siwe. 45Suritamba eriryatsirira, nikwa eritsuka omugulu indingira siaritombya eriryatsirira ebisandu byage. 46Mutetahakabya omutwe wage amaguta, nikwa iye abirihakabya bisandu byage omo malasi. 47Kikaleka inaku bwira nyiti, ebibi biwe, ni bingi, byabiribuyirwa, kusangwa abirianza kutsibu; nikwa oyu kabuyirawa bike, akanza hake. 48Neryo mwabuga naye ati, Ebibi byawe byamabibuyirwa. 49Neryo ababya okwirya haguma naye mobatsuka eriyitonga omukati-kati kabo bati, Oyu ni ndi oyu kabuyira ebibi nibya kwehi? 50Neryo mwabwira omukali ati, Erikirirya ryawe ryamakulamya; Ugende nobuholo.
Currently Selected:
Luka 7: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
