Matayo 20
20
Abahingi omwirima
1Kusangwa obwami bwelubula buringene nomwenye nyumba oyo wasinduka erisondya bahingi busana neri rima riwe ryebinyu. 2Amabilagana nabahingi busana nesyo faranka ikumi oko kiro kiguma, mwatumabo omwirima riwe ryebinyu. 3Neriyayo oko ndambi isatu mwalangira abandi ibanimene buyira omwiguliro; 4mwabuga nabo ati, Nenyu mugende omwirima ryage ryebinyu, nesitolere nasyabahasyo. Nabo mobagenda. 5Neriyayo kandi oko ndambi endatu nendambi yomwenda, mwakola atya. 6Noko ndambi ngikumi nenguma mwayayo mweya abandi ibimene; mwabuga nabo ati, Busana naki mwimene buyira esyondambi syosi kwehi? 7Mobamubwira bati, Kusangwa sitwetabana omundu werituha omubiri. Neryo mwabuga nabo ati, Nenyu mugende omwirima ryebinyu. 8Omugulu erigologolo ryahika, omwenye eririma ryebinyu mwabwira omwimaniri wuwe ati, Birikira abahingi urihebo obuhingi bwabo, eritsuka oko munyumanyuma, erihika oko werimbere. 9Nomugulu abahabawa omubiri oko ndambi ikumi nenguma mobasa oburi mundu mwangirira esyofaranka ikumi. 10Nikwa abatsuka eriasa, mobaganirya nga bakandiimya kwilaba aho; nikwa oburi mundu mwangirira esyofaranka ikumi. 11Babere babiangirirasyo mobatonga mwenye nyumba, 12bati, Abenyuma aba bamakola oko ndambi nguma, wabiriri ngiriraniabo netu itwabirisiba tukahinga omwitungi ryosi nekihuhira kyeryuba. 13Naye mwasubirya muguma wakubo ati, Mwira, sinditakuyira nabi; motutetalagana nawe busana nesyofaranka ikumi kwehi? 14Wimaye esyawe, ugende; Mongayisoga eriha oyu wenyuma ngawe. 15Siritolere ngakola nebyage ngoko ngayisoga kwehi? Kutse ukanyiganira erihitya ryage kwehi? 16Ritya owenyuma asyabya werimbere, kandi owembere asyabya wenyuma.
Omugala womundu asyagalwa
17Omugulu Yesu abya akahetukira eYerusalema, mwatwala erikumi na babiri aha yihengekire, mwabwirabo mo nzira ati, 18Lebaya, tukandisyahetukira eYerusalema; oMugala womu ndu asyahoterwa oko bahereri bakulu nabasaki, basyamutswera olwerihola, 19nerimuha oko Bihanda erimusekererya nerimu swirya emikoba nerimubamba, noko kiro kyebisatu asyalubu kibwa.
Yakobo na Yoane
20Neryo nyinya wa bagala baZebedayo mwamuhikako haguma nabagala biwe, mwamukukamira mwamusaba kindu. 21Naye mwabuga naye ati, Ukasondaki kwehi? Naye mwa musubirya ati, Utegeke bagala bage aba babiri bikale, muguma oko byala byamali nomuguma oko malembe omo bwami bwawe. 22Nikwa Yesu mwamusubirya ati, Simwasi ebyo mukasaba. Inywe mwanganatoka eripulya oko lutehi olo ngandipulyako kwehi? Mobamubwira bati, Twanganatoka. 23Naye mwa bwirabo ati, Mwasyapulya oko lutehi lwage, nikwa eriikala oko byala byamali byage noko malembe si ryage eribaharyo, nikwa ni ryabo Tata wage abirikokoteryaryo. 24Omugulu erikumi bowa ebyo, mobahitana busana nababutirwe haguma babiri abo. 25Nikwa Yesu mwayibirikirirabo ati, Munasi abatabali beBihanda bakatabala kubo erikala kubo, nabakulu babo baka tegekabo. 26Sibyendisyabya bitya omukati-kati kenyu; nikwa oyu kasonda eribya mukulu omukati-kati kenyu ritolere iniabya mugombe wenyu, 27noyu kasonda eribya werimbere omukati kati kenyu atolere iniabya mukobe wenyu; 28ngoko Mugala womundu siasa erikolerwa, nikwa erikolera, neriha engebe yiwe nge ndongolya busana na bangi.
Esyondimatime ibiri
29Omugulu balwa eYeriko, endeko nene mobamukwama. 30Neryo lebaya, esyondimatime esibiri isikere oko musike wenzira, omugulu syowa ko Yesu akalaba, mobabirikira kutsibu bati, Mukama utugenyere, uwe Mugala waDawidi! 31Nendeko moyakungabo, eribwirabo bati babye bukutu; nikwa mobalabya kwaho eribirikira kutsibu bati, Mukama, utuganyire, uwe Mugala wa Dawidi! 32Neryo Yesu mwahangana mwabiriki rabo ati, Mukasonda inabakoleraki kwehi? 33Mobamubwira bati, Mukama, ameso wetu alibulawe. 34Yesu mwakwirabo bulige mwatula oko meso wabo, neryo-neryo mobabana erila ngira mobamukwama.
Currently Selected:
Matayo 20: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
