Matayo 21

Eriingira e Yerusalema

1Nomugulu bahika hakuhi neYerusalema bahika eBete fage, oko kitwa kyeMizeituni, Yesu mwatuma abiga babiri, 2mwabwirabo ati, Mugende omo kayi kari embere wenyu, neryo-neryo mukandieya epunda inahangire, nekyana kyayo haguma nayo; muhangulesyo mundeteresyo. 3Omundu amababwira kindu, mukandibuga muti, OMukama ari nobwaga bwasyo, naye akanditumasyo neryo-neryo. 4Eki kyabya eri berererya ekyabugawa nomuminyereri, ati,

5Mubwire mwali wa Sioni, muti,

Lebaya, omwami wawe amasa okuwe,

Neriyikehya, iniane oko punda,

Noko kyana kyepunda.

6Abiga mobagenda mobakola ngoko Yesu ategekabo; 7mo baleta epunda nekyana kyayo, mobahira kusyo kosyongimba syabo, naye mwikalako. 8Na bangi boko ndeko mobasanza esyongimba syabo omo nzira, nabandi mobatwa emitahi yemiti mobasanzayo omo nzira. 9Nesyondeko esygenda embere siwe nabamukwama mobabuya olukuko bati, Hosana oko Mugala wa Dawidi! Omuyisa abye noyu kasa omo rina ryoMukama! Hosana endata kutsibu! 10Omugulu ingira eYerusalema, omuyi gosi mwagulungukania, bati, Oyu nindi kwehi? 11Ne syondeko siti, Oyu ni muminyereri Yesu akalwa eNazareti we Galilaya.

Yesu mwahiga abatundi

12Yesu mwingira omo hekalu yoMungu mwahigira eyihya abosi abagulaya nabagula omo hekalu, kandi mwakubula amatara wabahinganaya esyofaranka nebitumbi byabagulaya hilikuku. 13Naye mwabwirabo ati, Kisakire kiti, Enyumba yage yasyahulwa mo nyumba yerisabiramo; nikwa inywe mwa biriyirayo mo buto bwabanyeyi. 14Esyondimatime nebirema mobamuhikako omo hekalu, naye mwalamyabo. 15Nikwa omugulu bahereri bakulu nabasaki balangira emyatsi yeriswe kera akola, na bana ibakabirikira omo hekalu bati, Hosana uku Mugala wa Dawidi! mobahitana; 16mobamubwira bati, Unowire ebyo bakabuga kwehi? Yesu mwabuga nabo ati, Ega; simweta-soma hati, Erilwa omo buno bwa bana balere na bakarya mabere, wabirileta eripipa erihikene kwehi? 17Neri sigabon mwahuluka omo muyi mwaya eBetania mwagotse rayo.

Omuti moma

18Omongyakya-ngyakya, abere akasuba oko muyi, mwakwa enzala. 19Nerilangira muti womutini oko musike wenzira mwaya ahari, mwatabanaho kindu byene bikoma bisa. Neryo mwabwirago ati, Susyeswaheta ko biguma na kera! NOmuti womutini moma neryo-neryo. 20Omugulu abiga balangira mobasweka, bati, Omuti womutini amoma neryo-neryo ati kwehi? 21Yesu mwasubiryabo ati, Kwenene ngabuga nenyu, mwamabya neriikirirya isimwetikatika na kera, simwendisya kola ekyo kiriakolawa oko muti womutini kisa, nikwa mwa mabuga nekitwa eki muti, Kulika ugusawe omo ngetsi, kyasya kolwa kitya. 22Nebyosi mwasyabulya omwisaba, mwasimya, munikirirye.

23Kandi omugulu mwingira omo hekalu, abahereri bakulu nabakulu babandu mobamuhikako anemokangirirya, bati, Ukakola emyatsi eyi nehamuli yahi kwehi? noyu wakuha ehamuli eyi ni ndi kwehi? 24Yesu mwasubiryabo ati, Nage ngandibabulya eKinywa kiguma; nenyu mwamanzubirya, nage ngandibabwira nga ngakola emyatsi eyi yumu hamuli yahi. 25Eribatisya rya Yoane, ryalwahi kwehi? Yalwa elubula kutse yalwa oko bandu kwehi? Mobakubisania buhaka bati, Twama buga tuti yalwa elubula, akanditubwira ati. Busana naki simu ritamwikirirya kwehi? 26Nikwa twamabuga tuti, Yalwa oko bandu, tukubaha endeko; kusangwa abosi bakaliga Yoane kwari muminyereri. 27Kyaleka ibasubirya Yesu bati, Sitwasi Naye mwabuga nabo ati, Kwehi nage sindindibabwira nga ngakola emyatsi eyi nehamuli yahi. 28Mukaganirayaki kwehi? Omundu abya na bagala babiri; mwaya oko werimbere mwa mubwira ati, Mugala, ugende ukole mubiri omwirima ryebinyu ryage munabwire. 29Naye mwasubirya ati, Namagana; nikwa enyuma mwabinduka mwayayo. 30Mwaya oko wakabiri mwa mubwira ngogundi; naye mwamusubirya ati, Ngayayo Mukama, nikwa mwatayayo. 31Oko babiri ni ndi wakola erisonda rise wuwe kwehi? Nabo bati, Owerimbere. Yesu mwabuga nabo ati, Kwenene ngabuga nenyu, nyiti, Abasolesya nabasingiri bakabatanga omo bwami bwoMungu. 32Kusangwa Yoane mwabahikako omo nzira yeritunganene, nenyu momutamwi kirirya, nikwa abasolesya nabasingiri mobamwikirirya; nenyu nomo mwanalangira mutya, momutabinduka mukamwikirirya.

33Mowe ogundi musyo. Habya omundu mwenye nyumba oyu wahere eririma ryebinyu, mwatimbya kwekiyite, mwatakula abo endindo yerikamiramo, mwahimbaho enyumba nyiri, mwa sigiraryo abarimi, mwaya omo kindi kihugo. 34Ekirimu kyebiguma kyabere kyahika, mwatuma abagombe buwe oko barimi, erienda ebiguma biwe; 35na barimi mobatsimba abagombe buwe mobaswirya omuguma, mobita ogundi, no gundi mobamuswirya amabwe. 36Kandi mwatuma abandi bagombe, kwilaba aberimbere; nabo mobakolabo batya. 37Enyuma waho mwatumirabo omugala wuwe ati, Bakandi kenga omugalagala wage. 38Nikwa abarimi babere balangira omugala, mobabwirana bati, Oyu ni muri womwandu; mwase, tumwite twimaye omwandu wuwe. 39Mobamutsimba moba mugusa eyihya weririma ryebinyu, mobamwita. 40Nikwa omugulu mwenye eririma asyasa, asyakolaki na barimi abo kwehi? 41Mobamubwira bati, Asita abandu bahanya abo omo luholo lubi, asyasigira eririma ryebinyu ryabandi barimi aba syamuha ebiguma oko birimo byabyo. 42Yesu mwabuga nabo ati, Simuritasoma na kera omo masako kwehi?

Eribwe eryo abahimbi bagana

Ryabiribya omutwe womugongo-gongo;

Eri ryabya erikola ryoMukama,

Ni kyeriswekera omo meso wetu.

43Neryo ngababwira nyiti, obwami bwoMungu mwasyasa gulwabo bwasyahabwa ekihanda kikabana ebiguma byabo. 44Noyu wasyaterera okwibwe eri asyatsutsangika mo bitswe bitswe; nikwa omugulu ryasyatogera mundu ryasyamugunzu ngula. 45Omugulu abahereri bakulu nabaFarisayo bowa emisyo yiwe, mobaminya kwahulabo. 46Nikwa omugulu balenga erimutsimba, mobubaha esyondeko, kusangwa moba muliga kwari muminyereri.

Currently Selected:

Matayo 21: NTN62

Highlight

Copy