Matayo 27

Yuda mwayita

1Neryo bwasonda erikya, abahereri bakulu bosi nabakulu babandu mobaya embita yeriita Yesu; 2mobamuboha mobamutwala nerimuha oko Pilato murongani. 3Neryo Yuda, omuhoteri wuwe, mwalebya kwamasingwa, mwabinduka mwa subulya ebihande byebitsipa amakumi asatu oko bahereri bakulu na bakulu, 4ati, Nabirikola nabi erihotera omusasi owate nolubanza. Nabo mobabuga bati, Ekyo niki kwitwe kwehi? Olo ni lwawe. 5Naye mwagusa ebihande byebitsipa ahisi omo hekalu mwalwaho; mwagenda mwayayihanika. 6Nikwa abahereri bakulu, mobimya ebihande byebitsipa, bati, Siritolere oko bihano erihirabyo omo kibu, kusangwa ni byo buguri bwomusasi. 7Neryo mobaya embita, mobagula kubyo kwekitaka kyomubumbi, busana nerita abagendi. 8Neryo elotaka ekyo kikahulawa kitya erihika na lino mo kitaka kyo musasi. 9Neryo mokyaberera ekyabugawa nomuminyereri Yeremia, ati, Mobimya ebihande byebitsipa amakumi asatu, obuguri bwoyo abandi abagala baIsraeli bahira kwenzwere, 10mobahabyo busana nekitaka kyomubumbi, ngoko oMukama anyitegeka.

Yesu emuliro waPilato

11Nikwa Yesu mwahangana emuliro womurongani; noinu rongani mwamubulya ati, Uri mwami wabaYuda kwehi? Yesu mwabuga naye ati, Wamabibuga, 12Nikwa omugulu ahandi kirirawa na bahereri bakulu na bakulu, mwatasubyaki. 13Neryo Pilato mwabuga naye ati, Suritowa emyatsi ingaha bakakuhandikirira kwehi? 14Nikwa mwatamusubirya, kutse noko kinywa nekiguma; kyaleka omurongani inasweka kutsibu. 15Nikwa okwirya eryo omurongani agenda akaboholera endeko omundu muguma womuliki oyo banzire. 16Neryo oko mugulu oyo babya bawite omundu womuliki oyo wabya asibwe ndeke ahulawa mo Baraba. 17Neryo babere babihindana, Pilato mwabuga nabo ati, Ni ndi yo mwanzire inababoholera kwehi? Baraba kutse Yesu oyo kahulawa mo Kristo kwehi? 18Ku sangwa abya asi ko bamuhotera busana neritsuro. 19Kandi, omugulu abya ikere oko kitumbi kyeritswera, mukaliwe mwa mutumirako ati, suyihire omo mwatsi womundu utunganene oyo na hake, kusangwa nabiriagalwa kutsibu omwilota muna bwire busana naye. 20Nikwa abahereri abakulu na bakulu mobahana endeko babulaya busana na Baraba baheraye Yesu. 21Omurongani mwabuga kandi nabo ati, Ni ndi oko babiri yo mwanzire inababoholera kwehi? Mobabuga bati, Baraba. 22Pilato mwabuga nabo ati, Neryo ngandikolaki na Yesu oyu kahulawa mo Kristo kwehi? Abosi mobabuga bati, Abambawe oko musalaba. 23Naye mwabuga ati, Busana naki, akolire ekibi kyahi kwehi? Nikwa mobalabya kwaho emilenge bati, Abambawe oko musalaba. 24Neryo Pilato amabilangira kwate ngatoka erikolaki, nikwa olukanda lunene lukandibyaho, mwimya amagetsi mwanabya ebyala biwe embere syendeko, ati, Ingye sindi ko kibi kyomusasi womundu oyu tunganene; olo ni lwenyu. 25Abandu bosi mobasubirya bati, Omusasi wuwe abye kwitwe noko bana betu! 26Neryo mwaboholerabo Baraba, neryo abere abiswirya Yesu emikoba, mwamuhabo eribambwa oko musalaba.

Embita yamahwa

27Neryo abasoda bomurongani mobatwala Yesu omwibu giro, mobahindania omulondo gosi wabasoda embere siwe. 28Mobamwambula kwesyongimba mobamwambalya ekanzu yomunyama, 29mobaluka embita yamahwa mobahirayo oko mutwe wuwe, mobahira olubingo omo byala biwe byamali. Mobamukukamira mobamusiningulira bati, Obuholo, Mwami wa baYuda! 30Mobamutwira kwamatande, mobimya olubingu mobamuswirya oko mutwe. 31Neryo babere babimusiningu lira, mobamwambula kwekanzu, mobamwambalya esyongimba siwe, mobamutwala eriyabambwa oko musalaba.

Eribambwa

32Babere bakalwaho, mobahindana nomundu weKurene, oyu kahulawa mo Simoni; mobahatikana mundu oyo bati aheke omusalaba wuwe. 33Neryo babere babihika ahakahulawa mo Golgota (eribindula riti aherihanga), 34mobamuha ebinyu ebitulungene nendulu eripulya; nikwa mwaganabyo abigerya byo. 35Neryo babere babimubamba oko musalaba, mobagaba esyongimba siwe omukati-kati kabo mobakanga obukanga; 36neryo mobikala ahisi mobamuteya aho. 37Nendata oko mutwe wuwe mobahira erihandikirira erisakire riti, Oyu ni Yesu oMwami wabaYuda. 38Neryo abanyeyi babiri moba bambwa oko misalaba haguma naye, omuguma oko mali nogundi oko malembe. 39Nabalabaho mobamutsuma baka sukya emitwe yabo 40bati, uwe wangaherya ehekalu neriswa himbayo omo biro bisatu uyilamaye! Wamabya uri Mugala woMungu, ukime ulwe oko musalaba. 41Batya abahereri nabasaki nabakulu mobamusiningulira, bati, 42Mwalamya abandi; siaritoka eriyilamya. Ni mwami wa Israeli; alwe oko musalaba linolino, netu twasyamwikirirya. 43Akayiketera Mungu; Mungu amutongolaye lino, amabya amwanzire; kusangwa mwabuga ati, Indi Mugala woMungu. 44Naba nyeyi ababambawa haguma naye nabo mobamutsuma batya.

Oluholo lwa Yesu

45Nikwa eritsuka oko ndambi yendatu erihika oko ndambi yomwenda mohabya omwirimya omo kihugo kyosi. 46Hakuhi nendambi yomwenda Yesu mwabirikira nomulenge munene ati, Eli, Eli, lama sabaktani kwehi? eribindula riti, Mungu wage, Mungu wage, busana naki ukanyisiganaya kwehi? 47Abandi boko babya bimeneho babere babiowakyo, moba buga bati, Omundu oyu akabirikira Elia. 48Neryo-neryo muguma wakubo mwatibita mwimya esifongo, musulyayo mwepata mwahirayo oko lubingu mwamuhayo eripulya. 49Nikwa abandi bati, Ulinde, twatalebya nga Elia akandiasa erimulamya. 50Kandi Yesu mwaswabirikira nomulenge mu nene mwaha ekirimu kiwe kyenzira. 51Neryo lebaya, omwenda munene gomo hekalu mwasatibwa mwibiri, eritsuka endata erihika ahisi; ne kihugo mokyatitimana, namabwe mwasata ngika; 52nesisinda mosyakingulwa, nimibiri mingi yababu yirire ababya bari to moyalubukibwa, 53mobalwa omo masinda enyuma werilubuka riwe mobaya oko muyi abuyirire mobabutukira abangi. 54Omugulu omukulu wabasoda naba bya haguma naye, abategaya Yesu, babere babilangira omusiki nebyamabya, mobubaha kutsibu, bati, Kwenene oyu alwe mugala woMungu! 55Kandi habya abakali bangi aho, ibani mene hali bakalebya, abakwama Yesu akalwa eGalilaya, bakamukolera; 56ukubo habya Maria Magdalene, na Maria nyinya wa Yakobo na Yose, na nyinya wabagala ba Zebedayo.

Eritabzoa rya Yesu

57Bwabere bwabya igologolo, mohasa omundu webindu alwa Arimatia, erina riwe Yosefu, oyo wabya mwiga wa Yesu. 58Oyo mwaya uku Pilato mwasaba omubiri wa Yesu. Neryo Pilato mwategeka ati, ahabawego. 59Neryo Yosefu mwimya omubiri, mwalangira kugo ko lukimba lwomusohe, 60moba hirago omwisinda yiwe nyihyanyihya, eyo abatsa omwibwe; mwakumbagarirya eribwe inene oko lukyo lweyisinda, mwa genda. 61Maria Magdalene nogundi Maria babyaho, ibanikere eyisiria okwisinda.

62Nengyakya ekiro kikwamire Erikokotya, abahereri bakulu na baFarisayo mobahindana embere syaPilato 63bati, Mukama, twamibuka ngoko mutebya oyo mwabuga akiriho ati, Enyuma webiro bisatu nasyalubuka. 64Neryo utegeke eyisinda iteyi bawe erihika oko kiro kyakasatu, sibase bakamwiba, bakabwira bandu ambu, Abirilubuka oko baholi, neriteba ryerinyuma iryabya ibi kwilaba eryerimbere. 65Pilato mwabuga nabo ati, Munawite abateya babasoda; mugende, muwatayeyo ngoko mwasi. 66Neryo mobayawatya eyisinda erihiraho ekibohi okwibwe nerihiraho abateya.

Currently Selected:

Matayo 27: NTN62

Highlight

Copy