Mariko 1

1Eritsuka ryengulu yowene ya Yesu Kristo, oMugala wo Mungu. 2Ngoko kisakire nomuminyereri Isaya ati,

Lebaya ngatuma omukwenda wage embere syawe,

Oyo wasyakokotya enzira yawe;

3Omulenge woyu kabirikira omo mbwarara: ati,

Mukokotaye enzira yoMukama,

Mutungananaye esyonzira siwe—

4Yoane Mubatisa mwabanika omo mbwarara, iniakatula omwatsi weribatisya ryeribinduka busana neribugira ryebibi. 5Ne kihugo kyosi kyeYudea, nabandu bosi beYerusalema mobamweya; mobabatisibwa naye omo lusi lwa Yorodani, ibakakangaya ebibi byabo. 6Yoane abya ambite obweya bwengamia, iniakambala omukoba omo mbindi yiwe, naye mwabya akarya esyongike nobuki bwomoli. 7Kandi mwatu lago ati, Oyu nyilengirye akagala akasa enyuma kwingye, sinyitolere eriunama nerikundula omukoba wesyongendero siwe. 8Ingye nabiribabatisya omo magetsi; nikwa iye asyaba batisya omo Kirimu Kibuyirire.

Eribatisibwa rya Yesu

9Omo biro ebyo Yesu mwalwa eNazareti yeGalilaya mwa batisibwa na Yoane omo Yorodani. 10Abere abilwa omo magetsi, neryo-neryo mwalangira olubula ilukingukere ne Kirimu kikamwandagalirako nga kalikuku; 11nomulenge mwalwa elubula ati, Uri Mugala wage mwanze; ngakutsemera ndeke.

Erilengwako rya Yesu

12NeKirimu mokyamuhigira omo mbwarara neryo-neryo. 13Mwabya omo mbwarara eyo ebiro makumi ani, erilengwako neSatani; iniane haguma nesyonyama syomoli; nabamalaika mobamukolera.

14Babere babiboha Yoane, Yesu mwahika eGalilaya, eritula engulu yowene yoMungu, 15ati, Endambi yamahikana, nobwami bwoMungu buri hakuhi; mubinduke, mwikiriraye engulu yowene.

Abiga berimbere

16Nerilaba hakuhi nengetsi ya Galilaya, mwalangira Simoni na Anderea omugala wabo Simoni ibakagusa kisohi omo ngetsi; kusangwa babya abasohi. 17Yesu mwabwirabo ati, Mungwame nasyabayira mo basohi babandu. 18Neryo-neryo mobasiga ebisohi byabo mobamukwama. 19Kandi mwasegera emuliro hake, mwalangira Yakobo mugala wa Zebedayo na Yoane mugala wabo, babya omo bwato ibakalanda ebisohi. 20Neryo-neryo mwabirikirabo; nabo mobasiga ise wabo Zebedayo omo bwato haguma nabahingi, mobamukwama.

Erihiga esyombinga nyibi

21Mobingira eKapernaumu; neryo-neryo oko sabatu mwi ngira omo nyumba yerihindana mwakangirirya. 22Kandi mobasweka busana nerikangirirya riwe, kusangwa mwakangi riryabo ngoyu wite ehamuli, isiari nga basaki. 23Neryo-neryo habya omundu omo nyumba yerihindana oyuri kwembinga nyibi; 24mwalaka kutsibu ati, Turi nomwatsi wahi haguma nawe, uwe Yesu weNazareti kwehi? Wamasa erituherya kwehi? Nyinasi kuriwe, Omubuyirire woMungu. 25Nikwa Yesu mwakungayo, ati,. Ubye bukutu, umulweko! 26Ne mbinga nyibi eyo, moyamuperekumya nerilaka nomulenge munene, noyamulwako. 27Nabosi mobasweka, kyaleka babu lania, bati, Eki niki kwehi? Erikangirirya rihyarihya! Neha muli akategeka esyombinga nyibi, nasyo sikamowa. 28Neryo neryo engulu yiwe moyagendagenda ehosi omo kihugo kihererenye neGalilaya.

Erilama ryanyinyi-byala wa Simoni

29Neryo-neryo mwalwa omo nyumba yerihindana, mwingira omo nyumba ya Simoni na Anderea, haguma na Yakobo na Yoane. 30Nikwa nyinyi-byala wa Simoni inialwere erihuhana, neryo-neryo mobamutulirago omwatsi wuwe. 31Naye mwasa mwamuwata oko byala mwamusumba, nerihuhana moryamu lwako; naye mwakolerabo.

32Omwigolo-golo eryo, eryuba rikalenga, mobamuletera abosi ababya balwere nabari kwesyombinga. 33Nomuyi gosi mobahindana oko lukyo. 34Naye mwalamya abosi ababya balwere esyondwala emisindomisindo, kandi mwahiga esyo mbinga nyingi; kandi mwataliga esyombinga sikabuga, kusa ngwa syabya isinamwasi.

35Omongyakya-ngyakya mwahangana, mwaya ahate bandu, mwasabiraho. 36Na Simoni nababya haguma naye mobamu kwama, 37nabo mobamubana, mobabuga naye bati, abandu bosi bakakusonda-sondaya. 38Naye mwasubiryabo ati, Tugende oko yindi miyi ihererenie na hano, inatoka eritulago eyo nibya; kusangwa ekyo kyaleka inasa. 39Kandi mwalendera ehosi eGalilaya, akatulago nerigusa esyombinga syeyihya.

Omuhaga

40Nomuhaga mwamuhikako akamugo nerimuku kamira mwabuga naye ati, Wamabya wanzire wangatoka erinyerya. 41Naye mwamugenyera, mwakakya ebyala biwe mwamutulako ati, Nyanzire; were. 42Neryo-neryo ebihaga mobyamulwako, mweribwa. 43Naye mwamutegeka kutsibu, mwamutuma ati agende neryo-neryo, 44mwabuga naye ati, Subwire mundu ekindu; nikwa uyayikanganaye oko muhereri, uhere obuhere obo Musa ategeka busana neriera ryawe, busana nerikangania oko bandu. 45Nikwa iye mwagenda mwatsuka eribuga ehosi eritsungania engulu eyo yehosi, kyaleka iniatatoka eriingira omu muyi neriyiminyikala, nikwa abya omoli; nabandu mobamuhikako bakalwa oko mbande syosi.

Currently Selected:

Mariko 1: NTN62

Highlight

Copy