Mariko 2
2
Oyu basire
1Nenyuma webindi biro abisuba eKapernaumu, engulu moyaminyikala kwari eka. 2Nabangi mobahindana haguma, mohata swabanika omwanya busana nabo kutse noko lukyo; kandi mwatulirabo eKinywa. 3Mohasa abandu ibakamuletera oyu basire iniahekirwe nabandu bani. 4Nomugulu bataluka erimuhikako busana nendeko, mobasambula olutwe endata kwiye; babere babitula ho mwanya mobamwandagalya oko ngingo eyo abyako. 5Nomugulu Yesu alangira erikirirya ryabo, mwabwira oyu basire ati, Mugala wage, ebibi byawe byamabibuyirwa. 6Nikwa abandi babasaki babya bikeremo, bakabulya omo mitima yabo, bati, 7Busana naki omundu oyu akabuga atya kwehi? Ni tsuma! Ni ndi wangatoka eribuyira ebibi ate muguma, oMungu kwehi? 8Neryo-neryo Yesu mwaminya omo kirimu kiwe ngoko babulaya omo mitima yabo batya, mwabulyabo ati, Busana naki mukayibulaya mutya omo mitima yenyu kwehi? 9Kwekyolo ni kyahi eribwira oyu basire nyiti, Ebibi byawe byamabuyirwa kutse erimubwira nyiti, Hangana wimaye engingo yawe ugende, kwehi? 10Nikwa mutoke eriminya kwoMugala womundu awite ehamuli omo kihugo yeribuyira ebibi—mwabuga noyu basire— 11Ngabuga nawe, Uhangane, wimaye engingo yawe ugende omwawe. 12Naye mwahangana, neryo-neryo mwimya engingo mwahu luka embere wabo bosi; nikwa abosi mobasweka mobapipa Mungu, bati, Na kera sitwetalangira ekiringa eki.
Yesu akabirikira Lawi
13Neryo mwalwayo mwalanda oko ngetsi; nendeko yosi moyamutimbako, naye mwakangiriryabo. 14Neryo abere aka laba, mwalangira Lawi omugala wa Alufayo inianikere omo nyumba yerisoleramo, mwamubwira ati, Ungwame. Naye mwahangana mwamukwama.
15Nomugulu abya ikere oko butara bakarya omo nyumba yiwe, abasolesya bangi na bakola nabi mobikala haguma na Yesu na biga buwe; kusangwa habya bangi abamukwama.
16Abasaki babaFarisayo, omugulu balangira akarira haguma na bakola nabi na basolesya, mobabuga nabiga buwe bati, Busana naki akarya na basolesya na bakola nabi kwehi?
17Yesu abere owa ekyo, mwabuga nabo ati, Abatalwere sibari nobwaga bwomusaki, nikwa abalwere; Sinasa eribirikira aba tunganene, nikwa abakolanabi.
18Nibya abiga ba Yoane nababaFarisayo babya ibakatsira karyo; na bandu mobasa mobamubulya bati, Busana naki abiga ba Yoane nababaFarisayo bakatsira karyo, nikwa abiga bawe sibetsira kwehi? 19Yesu mwabuga nabo ati, Abageni beri herukania bakatoka eritsira karyo omugulu iba womuheruki ari nabo kwehi? Bakine haguma niba womuheruki, sibetoka eritsira. 20Ebiro byasyasa, iba womuheruki amabilusibwa kubo, nekiro ekyo basyatsira. 21Sihari mundu wangalandira ekihande kyolukimba luhyaluhya oko lukimba lwakera; ama yira atya, ekitomeko kikatahuka kulo, oluhyaluhya lukalwa oko lwa kera, neritulika ryalo iryabya ibi kwilaba. 22Kandi sihari oyu kahira ebinyu bihyabihya omo bihu byebinyu bikulukulu; amayira atya, ebinyu ibikandisyatula ebihu, nebinyu ibyahera, nebihu ibyahera nibya; nikwa ebinyu bihya bihya ni byebihu bihyabihya.
OMukama wesabatu
23Oko sabatu nguma abya akalaba omo marima wenganu; babere banemogenda abiga buwe mobatsuka eritwa amakundi. 24Na baFarisayo mobamubwira bati. Lebaya, busana naki bakakola ebite kobihano oko sabatu kwehi? 25Naye mwabuga nabo, ati, Simweta-soma ekyo Dawidi akola omugulu abya nobwaga iniakwire nenzala nabo babya haguma naye kwehi? 26ngoko ingira omo nyumba yoMungu, omugulu Abiatari abya muhereri mukulu, mobarya obundu bwendiro yeribyaho riwe, obutatolere eriribwa nabandi, ibana abahereri ibobene, naye mwahabo oko babya haguma naye. 27Neryo mwabuga nabo ati, Esabatu yayirawa busana nabandu, abandu mobata hirwa busana ne sabatu; 28ritya oMugala womundu ni mukama wesabatu nibya.
Currently Selected:
Mariko 2: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
