Mariko 3
3
Owebyala byumire
1Kandi mwingira omo nyumba yeribindana, aho habya omundu owebyala byumire. 2Mobamutungerera, ambu balebaye nga kandimulamya omo sabatu, ibatoka erimuhandi kirira. 3Neryo mwabuga nomundu owebyala byumire ati, Uhangane omukati-kati. 4Kandi mwabuga nabo, Rinatolere omo bihano erikola ndeke kutse erikola ebibi omo sabatu, erilamya engebe kutse eriitayo kwehi? Nabo mobamubya bukutu. 5Neryo mwatimbya ameso gokubo iniahitene, iniaka galawa busana nobutsibu bwabo bwomutima, neryo mwabuga nomundu oyo ati, Kakaya ebyala byawe. Naye mwakakyabyo, nebyala biwe mobyalama. 6NabaFarisayo mobahuluka, neryo neryo mobaya embita haguma nabaHerodi ngoko bangatoka erimwita.
Bandu bangi mobalama
7Yesu na biga buwe mobalwaho mobaya oko ngetsi, nendeko nene moyamukwama ikalwa eGalilaya; nabaYudea nibya 8neYerusalema na Idumea neyisirya yeYorodani nabahere renie neTiro na Sidoni endeko nene, ibakowa ebyosi akola, mobasa ahari. 9Naye mwabwira abiga buwe ati basikaye busana naye obwato buke bohakuhi busana nendeko, siyimwamatiraye; 10kusangwa abirilamya bangi, kyaleka abosi ababya nesyo ndwala ibamuhatatania erimutulako. 11Nebirimu bibi omu gulu byamulolako, mobyagwa ahisi embere siwe mobyabirikira kutsibu biti, Uri Mugala woMungu. 12Naye mwategekabyo kutsibu sibimuminyikalaye.
Yesu mwayisoga
13Neryo mwahetukira oko bitwa, mwabirikira abo asonda; nabo mobamuhikako. 14Mwahirabo erikumi nababiri babye haguma naye, atumebo eritulago 15neribya nehamuli erilusya esyombinga:
16Simoni oyo aluka mo Petero; 17na Yakobo omugala wa Zebedayo na Yoane mugala wabo Yakobo, nabo mwalukabo mo Boanerge, riti, Abagala bomulumo; 18Anderea na Filipo, na Bartolomayo, na Matayo, na Toma, na Yakobo mugala wa Alufayo, na Tadeo na Simoni muKanana, 19na Yuda Iskariota, oyo wamuhotera.
Eritsuma eKirimu Kibuyirire
Neryo mwakuluka; 20Nendeko moyahindana kandi, nabo mobatatoka kutse erirya akaryo. 21Nabira buwe babere bowa mobendiya mutsimba, bati, anganabya ini musire. 22Nabasaki abandagala erilwa eYerusalema mobabuga bati, Ari ko Belzebuli, busana neribya mukulu wesyombinga akalusaya esyombinga. 23Naye mwabirikirabo, mwatwirabo emisyo ati, Satani anga toka erihiga Satani ati kwehi? 24Obwami bwamagabana omwisi wabo, obwami obo sibwangatoka erihangana. 25Ne nyumba yamagabana omwisi wayo, siyangatoka erihangana. 26Ne Satani yamahangana eriyirwania iyagabana, siyangatoka erihangana, nikwa iyamahika oko nduli yayo. 27Nikwa sihari omundu wangatoka eriingira omo nyumba yomundu wamaka akahunga ebindu biwe, atari atsuka eriboha omundu oyo wamaka; neryo anganatoka erihunga enyumba yiwe.
28Kwenene ngabuga nenyu, ebibi byosi byasyabugirwa abagala babandu, neritsuma emisindo yosi bakabuga; 29nikwa oyu katsuma eKirimu Kibuyirire siari neribuyirwa na kera, nikwa iniamakola ekibi kyakera nakera— 30kusangwa ibama bibuga bati, Awite embinga nyibi.
Nyinya na bagala babo
31Kandi nyinya na bagala babo mobasa; bakahangana eyihya mobamutumirako mobamubirikira. 32Nendeko yabya yikere inimutimbireko; nabo mobamubwira bati, Koyo wawe nabagala benyu bane ahihya, bakakusonda. 33Naye mwasubirya ati, Koyo ni ndi na bagala betu ni bahi kwehi? 34Kandi mwa timbya ameso oko babya bikere banamutimbireko, mwabwirabo ati, Hano ho koyo wage ari na bagala betu! 35Oburi mundu oyu kakola erisonda ryoMungu ni mugala wetu, na mwali wetu, na koyo.
Currently Selected:
Mariko 3: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
