Mariko 6
6
Yesu omo muyi weNazareti
1Neryo mwalwa eyo mwaya ewabo; nabiga buwe mobamu kwama. 2Noko sabatu mwatsuka erikangirirya omo nyumba yerihindana; neryo abangi abamowa mobasweka bati, Ebi byosi oyu alusirye byohi kwehi? Kandi amenge omundu oyu akahabawa ni wahi kwehi? Emibiri yamaka yingaha ikakolawa omo byala biwe! 3Oyu si mubatsi omugala wa Maria namugala wabo Yakobo na Yose na Yuda na Simoni, na bali babo sibari hano haguma netu kwehi? Neryo moba mupona. 4Yesu mwabuga nabo ati, Omuminyereri siaribula erikengwa imono omo kihugo kiwe, nomo katikati kekitunga kiwe, nomo nyumba yiwe. 5Neyo mwatatoka erikola emibiri ikalakalire, ibana balwere bake abahira kwebyala alamyabo. 6Kandi mwasweka busana neritendikirirya ryabo.
Kandi mwalendera omo miyi omo mbande syosi akaka ngirirya.
Erituma abakwenda
7Neryo mwayibirikirira erikumi nababiri, mwatsuka eritu mabo babiri babiri, mwahabo ehamuli busana nebirimi bibi. 8Mwategekabo sibatwale ekindu omo lugendo lwabo gono mutso musa butsira obundu, butsira engunza, butsira esyo faranka omo matusi wabo; 9nikwa bambale esyongendero kandi sibambale esyokanzu ibiri. 10Kandi mwabuga nabo ati, Aho mukingira omo nyumba, mubyemo erihika aho mwasya lwiramo. 11Aha bandu batinda-syabaliga eribakokya bakagana eribowa, omugulu mukalwayo, imwakunguta olututu oluri omo bisandu byenyu busana neritulago ukubo. 12Mobagenda moba tulago bati abandu babinduke. 13Mobalusya esyombinga nyingi, mobahakabya amaguta wabakoni bangi mobala myabo.
Erihola rya Yoane
14Omwami Herodi mowa engulu yiwe; kusangwa erina rya Yesu iryamabiminyikala. Abandi bati, Yoane mubatisa abiri lubuka omo baholi; kikaleka ebya kagala ebi ibyakolwa omwisi wuwe. 15Nikwa abandi bati, Ni Eliya. Nabandi bati, Ni munyereri, ngo muguma goko baminyereri bakera. 16Nikwa omugulu Herode owa engulu eyo mwabuga ati, Yoane oyo natwa komutwe, abirilubukibwa. 17Kusangwa Herode ini amabituma eriyatsimba Yoane nerimuboha omo muliki busana na Herodia muka mugala wabo ye Filipo; kusangwa iniabiri muhikya. 18Kusangwa Yoane mwabwira Herode ati, Ni kitsibu eriimya muka mugala wenyu. 19Neryo Herodia mwamukwa ekiniga, mwasonda erimwita. Nikwa mwataluka, 20kusangwa Herode mubaha Yoane, inianasi kwari mundu atunganene nomundu ubuyirire, neryo mwamuteya ndeke. Nomugulu amowa mwagangaganga; nikwa mwamowa nobu tseme.
21Nikwa omwanya mwabanika omugulu Herode oko kiro kyeributwa riwe mwaha erirya oko barongani biwe nesyo ndwalisya siwe nabakulu beGalilaya. 22Kusangwa omugulu mwali wa Herodia asyasatirabo, mwatsemesya Herode nabageni buwe; nomwami mwabuga nomwanamuto oyo ati, Unzabe ekyo wanzire kyosi, ngandikuhakyo. 23Kandi mwamulahirirya ati, Ekyosi wangasaba, ngandikuhakyo, nomo kyangabya eki hande kyobwami bwage. 24Naye mwaya eyihya mwabulya nyinya ati, Nyisabeki kwehi? Naye mwamusubirya ati, Omutwe wa Yoane Mubatisa. 25Neryo-neryo mwaya oko mwami luba, mwabulya, ati, Ngasonda iwamba linolino omutwe wa Yoane Mubatisa oko kisya. 26Nomwami mwabya nobulige bunene; nikwa busana nerilahirya riwe na busana nabageni buwe mwatanza erimukagago. 27Neryo-neryo omwami mwatuma omusoda wokobateya mwamutegeka erileta omutwe wa Yoane. 28Naye mwagenda mwatwirago omo nyumba yomuliki, kandi mwaleta omutwe wuwe oko kisya, mwahago omwanamuto; nomwanamuto mwahago nyinya wuwe. 29Nomugulu abiga buwe bowa engulu yiwe, mobasa mobaheka omubiri wuwe, mobahirago omwisinda.
Abakwenda mobasubula
30Nabakwenda mobasuba eyiri Yesu, mobamubwira ebyosi babya bamabikola nerikangirirya. 31Kandi mwabuga nabo ati, Mwase inywe bene ahate bandi, muluhuke akatambi. Ku sangwa habya bangi abakasa ibaswagenda, ibakabula endambi yerirya. 32Neryo mobalwayo omo bwato mobaya ahate bandi ibo bene. 33Nikwa bangi mobalola kubo bakagenda, moba minyirerabo, mobatibitayo omo bisandu erilwa omo miyi yosi, mobatangabo. 34Nomugulu amabisabuka mwalebya endeko nene, mwakwabo olukugo, kusangwa babya ngesyombuli sita wite omulisya; neryo mwatsuka erikangiriryabo emyatsi mingi. 35Neryo hasonda erihombera, abiga biwe mobamuhikako bati, Hano sihari bandu sihari miyi, bwamahombera; 36tumabo bagende omo kihugo omo miyi eyitimbire hano bayigulire ebyerirya. 37Nikwa mwasubiryabo ati, Nenyu muhebo ebyerirya. Nabo mobamubwira bati, Tugende tugure amandu wesyofaranka elfu ibiri tuhe gobo baryego kwehi? 38Naye mwabulyabo ati, Muwite amandu angahi kwehi? Mugende mulebaye. Nabo babere babilebya ibamusubirya bati, Ni atano namahere abiri. 39Neryo mwategekabo bikale ahisi abosi oko biti mo ndekondeko. 40Neryo mobikala omo ndekondeko, igani-igana namakumi atano-atano. 41Neryo mwimya amandu atano na mahere abiri mwalalamira elubula mwatsumulabyo mwatsutsanga amandu, mwahago abiga bahirego embere wabandu; kandi mwagaba amahere abiri omukati-kati kabo bosi. 42Abosi mobarya mobuguta. 43Mobakumakuma ebihandebihande byatahanguka nebyamahere mobyusula omo bitiri ikumi na bibiri. 44Nabosi barya amandu ayo babya balume amaelfu atanu.
Yesu mwatandayira oko mageisi
45Neryo-neryo mwatunda abiga buwe omo bwato, basoke embere siwe eyisirya, eBetesaida, asigale akalagana nendeko. 46Neryo abere abilagana nabo, mwaya oko bitwa erisaba. 47Neryo bwamabihombera, obwato bwabya omo ngetsi, naye abya iyowene oko kitaka. 48Neryo mwalangira kobakataluka erigoya, kusangwa erihunga moryahuluka embere syabo. Noko kisisimuko kyakani kyekiro, mwahika kubo, akagenda omo bisandu oko ngetsi. Mwabya ngakatwangana kubo, 49nikwa babere bamulolako akagenda oko ngetsi mobaganirya bati ni mulimu, mobalaka; 50kusangwa abosi mobamulolako, moba hahukya emitima. Nikwa neryo-neryo mwabuga nabo ati, Muhumule ni ngye; simubahe. 51Naye mwingira omo bwato haguma nabo nerihunga moryumbya nabo mobasweka kutsibu, 52kusangwa mobataminya busana namindu, kusangwa emi tima yabo iyabirikala.
53Neryo babere babisoka, mobahika oko kihugo kye Genesareti, mobahanga obwato oko mukokoro. 54Babere balwa omo bwato neryo-neryo abandu mobamuminya, 55bo batibita oko mbande syosi sye kihugo ekyo mobatsuka erileta abakoni oko ngingo syabo eriya aho bowa ambu ari. 56Nehosi ahika, omo hiyi, kutse omo miyi mineneminene, kutse omo kihugo, mobahira abakoni omo maguriro, mobamugonga-gonga bati batule oko musike wolukimba luwe; nabosi batula kulo mobalamibwa.
Currently Selected:
Mariko 6: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
