Mariko 8
8
Eriugutya 4000
1Oko biro ebyo, omugulu Endeko nene yamabihindaan, isibawite ekyerirya, mwabirikira abiga buwe, mwabwiroba ati, 2Namaganyira endeko eyi, kusangwa bamabisiba nage biro bisatu, na lino sibawite ebyerirya; 3namatumabo ewabo, batebarya bakandiwirira omo nzira; nabandi bakubo eyo balwa ni hali. 4Abiga buwe mobamubulya bati, Omundu angatoka ati eriugutya abandu aba nobundu kwehi? na hano ni mbwa rara. 5Naye mwabulyabo ati, Muwite amandu angahi kwehi? Mobamusubirya bati, Arinda. 6Naye mwategeka endeko yikale ahisi; neryo mwimya amandu arinda, mwaha ewasingya mwatwabo mwahago abiga buwe erihirago embere syendeko. 7Ibawite notuhere tuke; nahyo amabitsumulahyo, mwategeka erihirahyo embere wabo nibya. 8Mobarya, mobuguta; mobakumakuma ebitahangukira byasaka mobyusula omo bitiri birinda. 9Nabandu babya nga maelfu ani. 10Neryo mwa lagana nabo; neryo-neryo mwingira omo bwato haguma nabiga buwe, mobaya eDalmanuta.
AbaFarisayo mobasonda ekitiko-liko
11AbaFarisayo mobasa mobatsuka erimukubisania obuhaka, bakamusonda kwekitikotiko erilwa elubula, bakamulengako. 12Naye mwahumulikana omwisi wekirimu kiwe kutsibu, ati, Busana naki olulengo olu lukasonda-sonda ekitikotiko kwehi? Kundu, ngabuga nenyu, olulengo olu silwendisyahabwa ekitikotiko. 13Neryo mwasigabo, mwingira omo bwato kandi mwaya eyisiria.
Ekihamya kyabaFarisayo
14Kandi mobibirirwa erileta amandu; ibawite obundu buguma busa haguma nabo omo bwato. 15Naye mwahanabo ati, Mulebaye, muyitegaye busana nekihamya kyabaFarisayo nekihamya kyaHerode. 16Nabo mobakanirania bati, Situwite obundu. 17Yesu mwaminya ekyo, mwabuga nabo ati, Busana naki mukakaniranaya ko mutawite amandu kwehi? Simuri mwalangira neriminya kwehi? Emitima yenyu ikalakalire kwehi? 18Muwite ameso simwelangira kwehi? Muwite amatwi simuriowa kwehi? Simuriyibuka kwehi? 19Omugulu natsutsanga amandu atano busana na bandu maelfu atano, momwakumakuma ebitahangukira momusulya ebitiri bingahi kwehi? Nabo mobamusubirya bati, Ikumi na bibiri. 20Na warinda busana na maelfu ani, momwakumakuma ebitaha ngukira momusulya ebitiri bingahi kwehi? Mobamusubirya bati, Birinda. 21Naye mwabuga nabo ati, Simurimwaminya kwehi?
Endimatime
22Neryo mobahika eBetesaida. Nabandi bandu mobamu letera endimatime, mobamugonga-gonga bati amutuleko. 23Naye mwimya ebyala byendimatime, mwamusondolera ekyaswa kyomuyi; abere abitwira amatandi oko meso wuwe mwamuhira kwebyala, mwamubulya ati, Hari ekyo wamala ngira kwehi? 24Naye mwalalamira mwabuga ati, Namalangira bandu; nikwa basosire emiti ikagenda. 25Mwaswahira ebyala biwe kandi oko meso wuwe; neryo mwalangira ndeke mwa lamibwa, neryo mwalangira emyatsi yosi yo ndeke. 26Neryo mwamutuma oko wabo ati, Siwingire omo muyi.
27Neryo Yesu mwalaba na biga buwe, oko hiyi hya Kaisaria Filipi; nomo nzira mwabulya abiga buwe ati, Abandu bakabuga bati ingyendi kwehi? 28Nabo mobamubwira bati, Yoane Mubatisa; nabandi bati, Elia; nabandi muguma wokobami nyereri. 29Naye mwabulyabo ati, Nikwa nenyu mukabuga muti ingyendi kwehi? Petero mwamusubirya ati, Uri Kristo. 30Naye mwahanabo sibabwire mundu busana naye.
Eritulago rya Petero
31Naye mwatsuka erikangiriryabo ngoko oMugala womundu atolere eriagalwa omo myatsi mingi, neriganwa nabakulu naba hereri bakulu nabasaki, neriitwa, nerilubuka kandi enyuma webiro bisam 32Mwabuga ebi neriminyikala. Petero mwa mutwala ahayihengekire, mwatsuka erimukunga. 33Nikwa erikeba nerilangira abiga biwe mwakunga Petero ati, Usube enyuma kwingye, Satani! Kusangwa suri oko luhande lwo Mungu, nikwa oko lwabandu.
Eriyilandako ni bosa
34Neryo mwabirikira endeko haguma nabiga buwe, mwabuga nabo ati, Omundu amasonda erinyikwama, ayigane imaye omusalaba wuwe anyikwame. 35Kusangwa oyu kasonda erilamya engebe yiwe asyatalyayo; noyu katalaya engebe yiwe busana nage na busana nengulu yowene asyalamyayo. 36Ku sangwa omundu amabana endundi yahi amatunda e kihugo kyosi akatalya engebe yiwe kwehi? 37Kusangwa omundu asyahinganiaki busana nengebe yiwe kwehi? 38Kusangwaoburi mundu oyu kakwa esisoni busana nage nebinywa byage omo lulengo olu lwerisingira nolubi, oMugala womundu naye asyakwa esisoni busana naye, omugulu asyasa omo lukengerwa lwe Ise wuwe haguma nabamalaika babuyirire.
Currently Selected:
Mariko 8: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
