Matayo 23
23
1LIM’AKO Yesu aotefela la bitukuluku bi’anto l’akimi’akande, 2akela, Bakoci b’enkanda la Bafalusi baokit’ase nda mbata eki Mose: 3nd’ewela eko, baoyi ba iy’osangel’inyo bauma, lofonga, ko lokela: lolonde talakimake nd’eketo’ekiyo; el’iyo batefela, ko bafokele. 4Baolemba belito mongo beleki eefe nda ntatomba, ko baolafy’eko nd’asoko b’anto, lolo iyo mongo bafolange wae bafole beko la bosai’okiyo’omoko. 5Bakela beketo bekiyo beuma wete benya el’anto; ko iyo baofuza bonene wa ntaza indot’iyo ndalota, ko baolila nsomba ya nene nd’enkoto’ekiyo, 6ko balanga wiji wa joso nda bilambo, ko la mbata ya joso nda basunagoga, 7ko balanga biuo bia nsambela nda totenela ta bisombe, ko balanga wae banto baet’iyo, Labi, Labi. 8Lolo inyo talolangake wete banto bet’inyo Labi; ele Omo ale Bolaki’okinyo, o Masiya, ko iny’auma lole balongo. 9Taletake bonto ole nd’okili ise ekinyo; ele Omo ale Ise ekinyo wae Ende ole nda loola. 10Talolangake wete banto bet’inyo bankolo; ele Omo ale Nkolo ekinyo, o Masiya. 11Lolo end’oleki el’inyo kel’ende ayale bosali’okinyo. 12Ko ondalekoz’ende mongo ifosotsama; ko ondasots’ende mongo ifolekola.
13Lolo elo el’inyo, bakoci b’enkanda l’afalusi, bekakatano! el’inyo lokombel’anto likulaka ja loola: inyo mongo lofotswa, ko lofek’iy’andotswa, nyango bafotswa.
14[Elo el’inyo bakoci b’enkanda l’afalusi, bekakatano! el’inyo lofonola bamato ba bituka tolombe, ko loyoonde beondo bi’otale la bofombo; nd’ewela eko, inyo lifumbama l’umbelo ea likambo endekola.]
15Elo el’inyo, bakoci b’enkanda l’afalusi, bekakatano! el’inyo lolingola lieke j’okwa l’okili wae loate bokimi’omoko; ko a end’oyalem’okimi, lokel’ende bona owa Ngena bondekol’inyo mongo belekola befe.
16Elo el’inyo, balonji bawei’aiso, bandokela, Osimba nsimbi l’ilombe ya Nzakomba, nko likambo; lolonde osimba nsimbi la wolo bole nd’ilombe ya Nzakomba, aotungama la nsimbi ekande! 17Inyo belole la ba wei’aiso: la wolo l’ilombe ya Nzakomba ikela wolo boko boeko, olekola na? 18Ko osimba nsimbi la nkinda ea mbeka, nko likambo; lolo osimba nsimbi la nganji endambema nda nkinda eko, aotungama la nsimbi ekande. 19Inyo belole la bawei’aiso, la nganji la nkinda ekela nganji eko boeko, olekola na? 20Nd’ewela eko, osimba nsimbi la nkinda ea mbeka, aosimba l’eko, ko la toma tondambem’eko touma. 21Ko osimba nsimbi l’ilombe ya Nzakomba, aosimba l’iko, ko la Bomongo oyal’eko. 22Ko osimba nsimbi la loola, aosimba la ngwende ea Nzakomba, ko la Bomongo okit’as’eko.
23Elo el’inyo bakoci b’enkanda l’afalusi, bekakatano! el’inyo loekya minti la anise la kumini nda mpoji, ko ntalokela baoyi ba bisekyelo bandekola, ko l’etenelo e’akambo ea ci, ko l’isei, ko l’imeezo; sik’inyo lotokela baoyi’ane, ko ntalotocika bankina nk’okela. 24Inyo balonji bawei’aiso, lokonga lombembele, ko lomela ngamela.
25Elo el’inyo, bakoci b’enkanda l’afalusi, bekakatano! el’inyo lofetola bafeka b’ekala la lokongo, lolo nd’etei baokama la bokembi la mposa efosukame. 26We Bofalusi owei’aiso, fetola nda joso etei ea ekala la lokongo, wete bafeka bayale feto.
27Elo el’inyo, bakoci b’enkanda l’afalusi, bekakatano el’inyo lole ngole tolombe ta nkakunda ea bawei tok’iy’oisaka la boko wa fe, tolenya la lituka nd’anza, lolo nd’etei tokama la biese bia bawei, ko la linyamo liuma. 28Eleng’eko inyo lolenya el’anto nga banto ba liongi, lolo betema’ekinyo beokama la bokakatano la bobe.
29Elo el’inyo, bakoci b’enkanda l’afalusi, bekakatano! el’inyo lotonga tolombe ta nkakunda ea bateli bawei, ko lokombya beomba bia banto ba liongi, 30ko lokela, Ng’iso toki eko nd’ekek’eki baise’akiso, sik’iso ntatoamana l’iyo nda likambo ja balongo ba bateli. 31Nd’ewela eko, lolimeza wae inyo mongo lole bana b’anto baomaki bateli. 32Loyoza jeza ja baise’akinyo. 33Inyo njwa, inyo bana ba lonkonga, lolot’olo etenelo e’akambo ea Ngena ngamo? 34Nd’ewela eko, bala, ntomel’inyo bateli, ko la banto ba wanya, ko l’akoci b’enkanda; lifoom’amo, ko lifoak’amo nda bikulusu; lifokund’amo la njiji nd’asunagoga, ko lifanyokola lim’onanga l’onanga; 35wete likambo ja balongo ba banto ba liongi banduteli nd’okili bauma likit’el’inyo, lim’aki balongo ba Ebele owa liongi elaka nko balongo ba Zekalaya bona owa Belekaya, ok’iy’oomaka ndats’itenela ibuzama nd’oeko la nkinda ea mbeka, 36Nsosolo; nsangel’inyo, baoyi’ane bauma bifiela banto b’eotswelo ene.
37O Yelusalema, Yelusalema, oomaka bateli, ko onduselak’iy’atomamaki ele we bikenje; siki ntakanyaki bana’akawe l’etakanya, elenge etakanya nsoso baasa’akande nd’ase b’afafu’akande, ko inyo ntalolanga! 38Bala, ilombe ikinyo iciki el’inyo la bolalengo. 39El’emi nsangel’inyo, Lim’aeyoko lofaonjena, elaka nko lokela, Oyei nda lina ja Yawe aosakema l’okako.
Currently Selected:
Matayo 23: NTMN58
Highlight
Share
Copy
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
