wandījo 36
36
Shibyalīlwe sha ng'wa Esau
1Īyī yene mihayo ya shibyalīlwe sha ng'wa Esau, (hū ng'wene ū Edomu).
2Ū Esau akatoola a bake bakwe kūfuma mu bakīma ba Kanaani, Ada, nshīke wa ng'wa Eloni Ng'hītī, na Oholibama, nshīke wa ng'wa Ana, ng'witūnja wa ng'wa Zibeoni, ūmò wa Bahīvī. 3Nke ūngī wa ng'wa Esau walī Basemati, nshīke wa ng'wa Ishimaeli, n'ilūmbūye wa ng'wa Nebaioti.
4Ū Ada akamyalīla ū Esau Elifazi, ū Basemati ūmyala Leueli; 5Ū Oholibama ūmyala Jeushi, Jalamu, na Koola. A benaba hū baalī bitūnja ba ng'wa Esau abo akabyalīlwa mu Kanaani.
6Ū Esau akabosola a bake bakwe na a bitūnja bakwe na a bashīke bakwe, ī kaya yakwe ī yose; nī mitugo jakwe, nī ndimu ī jingī ījo walī ajisugile. Ūjisola nī sabo jakwe pyī ī jose ījo walī wapandīka aho alī Kanaani; hūna wisunda ūng'wīngīla ū nzunaye ū Yakobo, ūsaamīla kūle. 7Ū būsabi wabo būkakwīla no, yūbiza shilambu ū kwikala hamò; ī sī īyo bikalaga īkabagehela, yūbiza shilambu ū kūbigela būbīlī wabo, nguno ya būsabi wabo. 8Na lūūlū ū Esau (hū ū Edomu) ūja kwikala Seili, sī ya magūlya.
9Īyī yene mihayo ya shibyalīlwe sha ng'wa Esau, ū nkūlūgenji wa Baedomu, abo baalī bikaji ba mu sī ya magūlya ga Seili.
10Aya galī mina ga bitūnja
ba ng'wa Esau:
Elifazi, ng'witūnja wa ng'wa Esau
mulī nke Ada;
na Leueli, ng'wana Basemati,
nke wa ng'wa Esau.
11A bitūnja ba ng'wa Elifazi bene:
Temani, Omali, Zefo,
Gatamu, na Kenazi.
12Ū Elifazi ng'witūnja wa ng'wa
Esau walī na nkīma ūngī,
witanagwa Timuna;
Ū ng'wene akamyalīla ng'witūnja
lina lyakwe Amaleki.
A benaba baalī bizūkūlū Esau,
kūfuma mulī nke wakwe Ada.
13A bitūnja ba ng'wa Leueli bene:
Nahati, Zeela, Shama, Miza.
A benaba baalī bizūkūlū Esau,
kūfuma mulī nke wakwe Basemati.
14Ū nke wa ng'wa Esau, ū Oholibama
nshīke wa ng'wa Ana, ng'witūnja wa
ng'wa Zibeoni,
akabyala baana bagosha ba:
Yeushi, Yalamu, na Koola.
A benaba h'abo Oholibama akamyalīla ū Esau.
15Ū mu banangwa ba Edomu
a ba shibyalīlwe sha ng'wa Esau,
baalīho na bahilya Elifazi, ū tangī
wa ng'wa Esau.
Ū mu benaba a banangwa baalī:
Temani, Omali, Zefo, Kenazi,
16Koola, Gatamu, na Amaleki.
A benaba baalī bahilya Elifazi,
bizūkūlū ba ng'wa Ada.
17Baalīho na bahilya Leueli,
ng'witūnja ūngī wa ng'wa Esau;
ū mu benabo, a banangwa baalī:
Zeela, Shama, Miza;
h'a bahilya Leueli, bizūkūlū Esau,
mulī nke wakwe Basemati.
Nabo baalī banangwa ū mu Edomu.
18A bitūnja ba nke wa ng'wa Esau
Ū Oholibama, abo baalī banangwa ba:
Yeushi, Yalamu na Koola.
A benaba hū baalī banangwa,
ba kūfuma mulī Oholibama,
Ū nshīke wa ng'wa Ana.
19Pye a benaba baalī ba būbyīle
bo ng'wa Esau (h'ū Edomu);
hama a benaba hū baalī banangwa babo.
Būbyīle bo ng'wa Seili
20A bitūnja ba ng'wa Seili,
Ū muna Hooli, abo baalī benīkīlī
sī yenīyo, baalī:
Lotani, Shobali, Zibeoni, Ana,
21Dishoni, Ezeli, na Dishani.
A bitūnja ba ng'wa Seili benaba,
hū baalī banangwa ba Bahooli
Ū mu Edomu.
22A bitūnja ba ng'wa Lotani baalī:
Hooli na Homamu,
ū Lotani walī n'ilūmbūye
witanagwa Timuna.
23A bitūnja ba ng'wa Shobali baalī:
Alivani, Manahati, Ebali,
Shefo na Onamu.
24A bitūnja ba ng'wa Zibeoni
baalī ba Aia na Ana.
Ū ng'wenūyū h'ū Ana ūyo akabona
lūzwīlo lwa minzī masebu kū matogolo
ikanza ilebe wadīīmaga nzobe
ja ng'wa ise Zibeoni.
25A baana ba ng'wa Ana baalī:
Dishoni na Oholibama, ūyo walī
nshīke ntogwa wa ng'wa Ana.
26A bitūnja ba ng'wa Dishoni baalī:
Hemudani, Eshibani,
Itilani na Kelani.
27A bitūnja ba ng'wa Ezeli baalī:
Bilihani, Zaavani na Akani.
28A bitūnja ba ng'wa Dishani baalī:
Uzi na Alani.
29Aba beene baalī banangwa
ba Bahooli:
Lotani, Shobali, Zibeoni, Ana,
30Dishoni, Ezeli na Dishani.
A banangwa ba Bahooli benaba,
būlī ng'wene walī n'igūngūli lyakwe
Ū mu sī ya Seili.
Basugi ba mu Edomu
31Aba bene batemi abo baalī basugi
mu Edomu kwīngīīla kale,
kūūko ataalī kwandya kūsuga ntemi
ose ose mu Baisilaeli.
32Bela ng'witūnja wa ng'wa Beoli,
walī ntemi wa Edomu.
Ū nzengo gwakwe gwitanagwa Dīnhaba.
33Aho waacha ū Bela,
Jobabu ng'witūnja wa ng'wa Zela,
munhū wa Bozila, ūgūsola ū nīmo
gwa būtemi.
34Aho waacha ū Jobabu,
Hushamu wa kūfuma sī ya Batemani
ūgūsola ū nīmo gwa būtemi.
35Ū Hushamu aho waacha,
Hadadi ng'witūnja wa ng'wa Bedadi,
ūgūsola ū nīmo gwa būtemi.
Ū munhū ng'wenūyo walī wabapyena
Bamidiani mu sī ya Moabu.
Ū nzengo gwakwe
gūkinhwa lina lya Aviti.
36Ū Hadadi aho waacha,
Samula wa kūfuma sī ya Masileka,
ūgūsola ū nīmo gwa būtemi.
37Aho waacha ū Samula,
Shauli wa kūfuma Lehoboti,
sī ya kū līmongo, nang'hwe ūgūsola
Ū nīmo gwa būtemi.
38Ū Shauli aho waacha,
Baali-hanani ng'witūnja wa ng'wa
Akiboli ūgūsola ū nīmo gwa būtemi.
39Ū Baali-hanani ū ng'witūnja
wa ng'wa Akiboli aho waacha,
Hadadi ūgūsola ū nīmo gwa būtemi.
Ū nzengo gwakwe gūkinhwa
lina lya Pau;
Ū nke wakwe witanagwa Mehetabeli,
nshīke wa ng'wa Matiledi.
Ū Matiledi walī nshīke wa ng'wa
Mezahabu.
40Aba h'a banangwa ba kūfuma
mu shibyalīlwe sha ng'wa Esau;
būlī ng'wene na lina lyakwe,
kūlenganīla nī sī jabo:
Timuna, Aliva, Yeteti,
41Oholibama, Ela, Pinoni,
42Kenazi, Temani, Mibuzaali,
43Magidieli na Ilamu.
A benaba hū baalī banangwa
ba mu Edomu kūlenganīla nī chalo
shabo ū mu sī īyo baalī bayīdima.
Ū ng'wenūyū hū walī Esau,
Ū nkūlūgenji wa Baedomu.
Currently Selected:
wandījo 36: SUKBI15
Highlight
Share
Copy
Want to have your highlights saved across all your devices? Sign up or sign in
Sukuma Bible © Bible Society of Tanzania, 2019.
