Хосталыышкын 21

Кулдар дугайында

1«Сээң израильчилерге чарлап чугаалаар хоойлуларың бо-дур: 2бир эвес еврей эр кул садып алзыңза, ол кижи сеңээ алды чыл дургузунда ажылдап берзин, а чедиги чылда халаска хосталып чорутсун#Лев. 25:39-40; Ы. х. к. 15:12; Иер. 34:14. 3Бир эвес ол кул чааскаан келген болза, чааскаан хосталып чорутсун, а кадайлыг турган болза, кадайы база чоруй барзын. 4А бир эвес ээ кижи кулунга кадай ап бээрге, ол кадай оолдар азы кыстар божаан болза, кулдуң кадайы-даа, ажы-төлү-даа ээзинге хамаарышсын, а кул кижи чааскаан хосталып чорутсун. 5Ынчалза-даа кул кижи: „Бодумнуң ээмге, кадайымга болгаш ажы-төлүмге ынак болгаш, хосталгаже үнмес мен“ – дээр болза, 6ээзи ону Бурганның мурнунга#21:6 Азы: «Шииткекчилерниң мурнунга» (22:8, 9 көр). эккелгеш, эжик аксынга азы кастык чанынга тургускаш, кулаан шивегей-биле үттезин, ынчан ол кул ээзинге бүгү назынында бараан болур#Ы. х. к. 15:16-17.

7Бир эвес кандыг-бир кижи уруун кул кылдыр садыптар болза, ооң хосталыры эр кулдарның хосталыры ышкаш эвес болур. 8Бир эвес ол кул кыстың ээзи ону бодунга кадай кылып алыр деп турган, ынчалза-даа аңаа хөңнү чок апарган болза, ону дедир садып хостаарын чөпшээрезин; ээзи кулу кысты бак көрген ужурунда, ону өске чоннар кижизинге садар эргези чок. 9Бир эвес ээ кижи ол кысты оглу-биле дүгдеп каар болза, аңаа бодунуң уругларынга дег хамаарылгадан көргүссүн. 10Бир эвес ээ кижи өске херээжен-биле өгленип алыр болза, кул-кадайынга аъш-чем, идик-хеп бээринден база ооң-биле чоок харылзаалыг боорундан ойталавас ужурлуг#1 Кор. 7:3. 11А бир эвес ээ кижи ол үш чүүлдү демги кул херээженге кылбас болза, ол херээжен акша төлевейн, халаска чоруй барзын».

Күш дөгээр кемниг херектер дугайында

12«Кандыг-бир кижи өлүрген кижиниң бодун өлүрер ужурлуг#Э. д. 9:6; Лев. 24:17; Сан. 35:31. 13Ынчалза-даа бир кижи боду кемниг херек үүлгедирин бодаваан, харын ооң холундан өске кижиниң өлүрүн Мен чүүлдүг деп көрген болзумза#Ы. х. к. 19:4-5, сеңээ өжээн негекчизинден өлүрүкчүнүң дезип чоруй баары черни айтып бээр мен#Сан. 35:11, 22; Иис. 20:3. 14А бир эвес кандыг-бир кижи өске кижини кара сагыштыы-биле, баш удур бодап алгаш, өлүрер болза, ол кижини Меңээ өргүл салыр бедигээш чанындан безин#21:14 Эрте-бурунгу Чоокку чөөн чүкке өргүл салыр бедигээшти хоргадалдың ыдыктыг чери деп санаар турган, ынчангаш өжээн негекчилери ол черден хоргадал дилеп келген улуска холун дегзиринден коргар турган. ап алгаш, өлүрүп каар ужурлуг#3 Хаан. 2:28-34.

15Ачазын азы авазын шанчар кижини өлүрүп каар ужурлуг.

16Бир кижини оорлап алгаш, садыптар азы бодунга тудуп турар кижини өлүрүп каар ужурлуг#Ы. х. к. 24:7.

17Ачазын азы авазын бак сөглээр кижини өлүмге онаар херек#Лев. 20:9; У. ч. 20:20; Мф. 15:4; Мк. 7:10.

18Ийи кижи бактажып турда, бирээзи өскезин даш-биле сопкан азы чудуруу-биле шанчыпкан, а соктуруп азы шаштырып алган кижи өлбейн, орун-дөжээнде чыдып алган дижик. 19Бир эвес ол кижи туруп келгеш, бажыңындан даянгыыштанып үнүп, кылаштай бээр болза, ону сопкан азы шанчыпкан кижи кем-буруузу дээш өлүртпес, а чүгле демги кижиниң ажылдаваан үези дээш төлеп бээр база ооң эмнээшкинин бүрүнү-биле харыылаар ужурлуг.

20Кандыг-бир кижи бодунуң эр азы херээжен кулун мерге-биле хапкан, а демгизи ооң холундан өлүп калган болза, ол кижиге кеземче онаар ужурлуг. 21Ынчалза-даа кул кижи бир азы ийи хүн эрткенде, туруп кээр болза#21:21 Азы: «Кул кижи бир азы ийи хүн иштинде өлүп каар болза». , ээ кижиге кеземче онааштырбас, чүге дээрге ол ээ кижи кулу дээш акша-мөңгүн төлээн-дир.

22Чокшуп-кыржып турган улус иштиг-сааттыг херээжен кижини теп-шанчыптарга, ол херээжен уруун элекке божупкан, ынчалза-даа аңаа хора чедирбээн болза, буруулуг кижи демги херээженниң ашааның онааган торгаалын шииткекчилер көрүп турда, төлээр ужурлуг. 23Бир эвес аңаа хора чедирген болза: амы-тын дээш – амы-тын алыр; 24карак дээш – карак, диш дээш – диш, хол дээш – хол, бут дээш – бут алыр; 25өртең дээш – өртең, балыг дээш – балыг, кемдээшкин дээш – кемдээшкин кылыр болзун#Лев. 24:19-20; Ы. х. к. 19:21; Мф. 5:38.

26Кандыг-бир кижи бодунуң эр азы херээжен кулунуң караанче хап-сопкаш, кемдедип каар болза, карак дээш кулун хосталгаже салзын. 27Бир эвес ээ кижи эр азы херээжен кулунуң дижин турулдур шанчыптар болза, диш дээш кулун хосталгаже салзын».

Мал-маган дугайында

28«Бир эвес буга эр азы херээжен кижини өлүр үзүп каар болза, буганы даштар-биле соп каар ужурлуг#Э. д. 9:5, ынчаарга ооң эъдин чип болбас, а малдың ээзинде буруу чок болур. 29Ынчалза-даа ол буга ооң мурнунда-даа улус үзүп турган, а ооң ээзи ол дугайында дыңнааш-даа, малын кадарып-хайгаараваска, буга эр азы херээжен кижини өлүр үзүп каан болза, буганы даштар-биле соп каапкаш, ооң ээзин өлүмге онааштырар ужурлуг. 30А бир эвес ол кижиге төлевир онаап каан болза, ол акшаның дөгерезин бодунуң амы-тынының садыызы кылдыр төлезин#Сан. 35:31. 31Бир-ле кижиниң оглун азы кызын буга үзүп каар таварылгада база ол-ла хоойлуну ажыглаар ужурлуг. 32Бир эвес буга эр азы херээжен кулду үзүп каар болза, оларның ээзинге буганың ээзи үжен шекел мөңгүннү төлээр, а буганы даштар-биле соп каар ужурлуг.

33Кандыг-бир кижи кудук аксын ажык кааптарга азы кудук каскаш, ону дуглавайн баарга, олче буга азы элчиген кире берген болза, 34кудуктуң ээзи өлген мал дээш ооң ээзинге акша-мөңгүн төлээр ужурлуг, а мал сеги кудук ээзинии болур#Лев. 24:18.

35Кандыг-бир кижиниң бугазы кожа аалдың бугазын өлүр үзүп каар болза, кожалар дириг арткан буганы садыпкаш, өртээн үлежип алзыннар; өлүг буганы база деңге үлежип алзыннар. 36Демги буганың ооң мурнунда-даа мал үзүп турганы билдингир, а ээзи ону кадарып-хайгаараваан болза, ол ээ өлген буганың дуюун тургузуп, орнунга буга бээр ужурлуг, а өлүг буга ооңуу болур».

Currently Selected:

Хосталыышкын 21: TUV

Highlight

Copy