Хосталыышкын 20
20
Бурганның берген он айтыышкыны
(Ы. х. к. 5:6-21)
1Бурган чонга бо бүгүнү чугаалаан: 2«Мен дээрге сени кул болуп чорааның Египеттен үндүре берген Бурганың Дээрги-Чаяакчы-дыр мен#Лев. 26:13.
3Сеңээ Менден өске кандыг-даа бурганнар турбазын#Ы. х. к. 32:39; 4 Хаан. 17:35; Ыд. ыр. 80:10.
4Бодуңга дүрзү-бурган кылба; өрү дээрде, куду чер кырында болгаш чер адаа сугда чоруур чүвениң кандыг-даа чурук-дүрзүзүн кылба#Лев. 19:4; 26:1; Ы. х. к. 27:15. 5Оларга мөгейбе база бараан болба, чүге дээрге сээң Дээрги-Чаяакчы Бурганың болур Мен – хүннээчел Бурган-дыр мен#Хост. 34:14; Ы. х. к. 4:24; 6:15; Иис. 24:19; Наум 1:2; Мени хүлээп көрбес улустуң ажы-төлүн, ада-өгбезиниң кем-буруузу дээш, үшкү болгаш дөрткү салгал чедир кезедир мен#Хост. 34:7; Сан. 14:18. 6А Меңээ ынак база Мээң айтыышкыннарымны күүседир улуска муң салгал чедир энерелдиг болур мен#Ы. х. к. 5:10; 7:9.
7Дээрги-Чаяакчы Бурганыңның адын хей черге адава; Дээрги-Чаяакчының адын хей черге адап турар кижини Ол кеземче чок арттырбас#Лев. 19:12; 24:10-16.
8 Амыр-дыш хүнүн ыдыктап, утпайн чор#Э. д. 2:2; Хост. 31:14-17; Лев. 19:30; 23:3; 26:2; Сан. 15:32-36; Мк. 2:27-28; Лк. 13:14. 9Алды хүн дургузунда ажылдап, янзы-бүрү ажыл-херектериң кыл. 10А чедиги хүн – Дээрги-Чаяакчы Бурганыңга бараалгаткан амыр-дыш хүнү-дүр. Ол хүнде сен бодуң-даа, сээң оглуң-кызың-даа, сээң эр, херээжен кулдарың-даа, мал-маганың-даа, сээң аал-ораныңда турар даштыкы кижи-даа – дөгереңер кандыг-даа ажыл-херек кылбаңар. 11Дээрги-Чаяакчы алды хүн дургузунда дээрни, черни, далайны база оларда бар бүгү чүвени чаяап келген, а чедиги хүнде дыштанган болгай, ынчангаш Ол амыр-дыш хүнүн алгап-йөрээп, ыдыктап каан-дыр.
12Ачаң биле аваңны хүндүлеп чор#Лев. 19:3; Ы. х. к. 27:16; Мф. 15:4; 19:19; Мк. 7:10; 10:19; Лк. 18:20; Эф. 6:2, ынчан Дээрги-Чаяакчы Бурганыңның сеңээ берип турары чер кырынга амыдыралың узаар.
13Кижи өлүрбе#Э. д. 9:6; Лев. 24:17; Мф. 5:21; 19:18; Мк. 10:19; Лк. 18:20; Рим. 13:9; Иак. 2:11.
14Кады чурттаан эжиңге өскерилбе#Лев. 18:20; 20:10; Ы. х. к. 22:22; У. ч. 6:32; Мф. 5:27; Рим. 13:9.
15Оорлава#Лев. 19:11; Мф. 19:18; Рим. 13:9.
16Өске кижиге удур меге херечилел кылба#Хост. 23:1; Ы. х. к. 19:16-20; У. ч. 19:5; Мф. 19:18.
17Өске кижиниң аал-оранын алыксава; өске кижиниң кадайын, ооң эр, херээжен кулдарын, ооң бугазын, ооң элчигенин – өске кижиде бар чүү-даа чүвени алыксава#Иер. 5:8; Мф. 5:28; Лк. 12:15; Рим. 7:7; 13:9».
18Бүгү чон диңмирээшкиннерни, эдиски эткенин дыңнап, кызаңнаашкыннарны, дагны бүргээн ышты көрүп турган. Ол бүгүнү көрүп, дыңнааш, чон коргуп-иргип, ырадыр туруп алган. 19Чон Моисейден: «Бистиң-биле сен чугаалажып көр, тооп дыңнаар бис, а Бурган Боду бистиң-биле чугаалашпазын, оон башка өлүп каар бис#Ы. х. к. 5:27; Евр. 12:19» – деп дилээн. 20Моисей чонга: «Кортпаңар! Бурган силерни шенээр дээш, Оон кортсун дээш база бачыт үүлгетпезин дээш чедип келген-дир» – деп харыылаан. 21Чон ырадыр туруп алган, а Моисей Бурганның турганы сырый булутче кире берген.
Бурганга мөгеериниң дугайында дүрүм-хоойлу
22Дээрги-Чаяакчы Моисейге израиль чонга мынча деп дамчыдарын айыткан: «Мээң силер-биле дээрден чугаалажып турганымны көрген силер. 23Мен бар-дыр мен – боттарыңарга мөңгүн, алдын бурганнар кылбаңар. 24Довурактан Меңээ өргүл салыр бедигээш кылгаш, аңаа бүрүн өрттедир өргүлдериңни база эп-найырал өргүлдериңни – шээр болгаш бода малыңны эккеп сал. Мээң адымны алдаржытсын дээним чер бүрүзүнге ынчалдыр кыл – Мен ынчан сеңээ келгеш, ачы-буянымны хайырлаар мен. 25Меңээ өргүл салыр бедигээшти даштардан кылыр болзуңза, хоюглап дүрбүвээн даштар-биле тудуп үндүр#Ы. х. к. 27:5-6; Иис. 8:31. Ол даштарның кайы-бирээзинге сээң херекселиң дээр болза, өргүл бедигээжи бужартай бээр. 26Меңээ өргүл салыр бедигээшче тепкииш кырлап үнме, оон башка ооң кырынга чанагажың көстү бээр».
Currently Selected:
Хосталыышкын 20: TUV
Highlight
Share
Copy
Want to have your highlights saved across all your devices? Sign up or sign in
© Институт перевода Библии, Москва, 2011