Эге дөс 22

Бурганның Исаакты өргүлге салырын дужааганы

1Ол болуушкуннар соонда элээн үе эрткенде, Бурган Авраамны шенеп, хынаар деп шиитпирлээн#Ыд. ыр. 10:5. Бурган: «Авраам!» – деп кыйгырарга, ол: «Мында мен» – деп харыылаан#Аж.-ч. 9:10. 2Бурган мынча дээн: «Эр чаңгыс ынак оглуң Исаакты алгаш, Мориа деп черже аппар#2 Чыл. 3:1. Ону ында дагларның кайы-бирээзинге Меңээ өргүл кылдыр сал. Каяа дээрзин Мен айтыптар мен».

3Авраам эртен эрте тургаш, өргүлге хереглээр ыяжын чаргаш, элчигенге чүдүргеш, бодунуң ийи чалчазы биле оглу Исаакты эдерткеш, Бурганның айыткан черинче чорупкан. 4Авраам орукка чораанының үшкү хүнүнде ырактан ол черни көрүп каан. 5Авраам чалчаларынга мынча дээн: «Силер элчиген-биле кады маңаа артып калыңар. Оглум-биле ынаар чедип мөгейип кааш, дедир чедип кээр бис». 6Авраам оглу Исаакка өргүлге кыпсыр ыяшты чүктеткеш, боду изиг көс биле бижекти алгаш, иелээ чорупканнар.

7Исаак: «Ачай!» – дээрге, Авраам: «Дыңнап тур мен, оглум» – дээн.

«Өргүлге хереглээр от биле ыяшты көрүп тур мен. А өргүп өрттедир мал кайыл?» – деп, Исаак ачазындан айтырган.

8Авраам: «Өргүп өрттедир малды Бурган Боду билип хайырлаар, оглум» – дээн. Оон улаштыр чорупканнар.

9Бурганның айыткан черинге чедип келгеш, Авраам өргүл салыр бедигээш кылгаш, аңаа ыяжын өрттедиринге белеткеп алган. Оон оглу Исаакты бедигээште ыяштың кырынга хүлүп салып алгаш, 10ону өлүрери-биле бижээн тудуп алган. 11Ол өйде Дээрги-Чаяакчының төлээзи: «Авраам! Авраам!» – деп дээрден кыйгыра берген.

Авраам: «Дыңнап тур мен» – деп харыылаан.

12 Дээрниң төлээзи мынча дээн: «Оглуңче холуң көдүрбейн көр, аңаа кандыг-даа хора чедирбе. Чүге дээрге сээң Бургандан коргарыңны, Мен дээш чаңгыс оглуңну безин хараадавааныңны ам билир мен».

13Авраам артынче көрүптерге, мыйыстары-биле шырышта орааштына берген кошкар турган. Ол кошкарны Авраам оглунуң орнунга өргүп өрттедипкен. 14Авраам ол черни «Дээрги-Чаяакчы билип хайырлаар» деп адап каан. Бо хүнге чедир «Дээрги-Чаяакчы Бодунуң даанга бүгү чүвени билип хайырлаар»#22:14 Азы: «Дээрги-Чаяакчы дагга көстүп келир». деп чугаа бар.

15Дээрги-Чаяакчының төлээзи дээрден Авраамны база катап кыйгырган. 16Дээрги-Чаяакчы мынча дээн: «Бодумнуң адым-биле даңгыраглап тур мен: ол херекке бодуңнуң эр чаңгыс оглуңну безин хараадавааның дээш, 17сеңээ ачы-буянны бажын ажыр хайырлаар мен. Сээң үре-салгалыңның саны дээрниң сылдыстары дег, далай эрииниң элезининиң саны дег хөй болзун#Э. д. 15:5; 3 Хаан. 4:20; Иер. 33:22; Евр. 6:13-14. Сээң үре-салгалың дайзыннарыңның чер-чуртун өнчү кылдыр алыр болзун. 18Мээң сөзүмнү тооп дыңнааның дээш, сээң үре-салгалың дамчыштыр чырык черде бар-ла чоннар ачы-буян алыр#Э. д. 12:3; 26:4; Аж.-ч. 3:25».

19Авраам чалчаларынга чедип кээрге, олар шупту кады Беэр-Шеваже чорупканнар. Авраам Беэр-Шевага чурттап турган.

Нахорнуң ажы-төлү

20Ол болуушкуннар соонда элээн үе эрткенде, ооң дуңмазы Нахорнуң кадайы Милка ашаанга оолдар божуп бергениниң дугайында Авраамга дыңнатканнар: 21дун оглу Уц, Уцтуң дуңмалары Буз, Кемуил (Арамның ачазы), 22Кесед, Хазо, Пилдаш, Идлаф база Батуил төрүттүнген болган. 23(А Батуилден Ревекка деп кыс уруг төрүттүнген.)#Э. д. 24:24 Авраамның дуңмазы Нахорга сес оолду Милка ынчаар божуп берген. 24Реума дээр кул-кадайы Нахорга Тевахты, Гахамны, Тахашты база Мааханы божуп берген.

Currently Selected:

Эге дөс 22: TUV

Highlight

Copy