ROM 13
13
Ganda Otority Paka Miigo
1 #
Tai 3.1; 1 Pit 2.13-14; Jn 19.11. Kone abi garasogii niika otority ka luniiñmi tato. Niimpalukoda Pinii mi apa lala hang otority atohpa linsu make ho siisika donii atañ Pinii ka miiliñ niike. 2Hopa huna otority mi miitḛr siidonii hii Pinii nii mina kahe tiinii hiimi ke miitḛr siidonii, ho huna miitḛr siidonii hii ayakacho kako kendoke. 3#1 Pit 2.14. Niimpalukoda sangiibo aya miigomiinii mi muluñ make, hojalo diimmah mike. Nunu hang biiso mapo mohmi huna otority ho dunii? Hiilakoda niihna aya donii hiimi miito, ho nunu mohlo lyanko kendoke, 4#1 Tes 4.6. niimpalukoda mo Pinii ka miira ke nunuka aya kiipa. Hojalo nunu matiirḛ ayamapa miido koda, biiso nyato, niimpalukoda mo ilyo mi danyo pa bagii make; mo Pinii ka miirake mohka hadii mi tiilii dupa huna ayamapa miidonii. 5Hopa kone abi luniiñ tato, Pinii ka hadii mi lapa dupa kontii mapa hojalo attoh henka siiniiñ pa miilañ. 6Hiipa nunu tiirḛ biijokajo bido, niimpalukoda otority atañ Pinii mika ihomiiho niike, siika drih miigo siimi miidupa. 7#Mt 22.21; Mk 12.17; Lk 20.25. Bito hikha miilañru nunuka bisaniimi, biijokajo humina bikiñ donii hiimi biijokajo bito, iliimiilii biiniiñmi humina bikiñ donii hiimi iliimiilii biiniiñmi bito, khiito humina khiikiñ doniiñ kito humina kikiñ doniiñ.
Koneanyañ Paka Miigo
8 #
Mt 22.39-40; Rom 13.10; Gel 5.14; Kol 3.14; Jem 2.8. Kone tiirḛ hangdrih gyandi giilyayo, hensuniimi kontii apa lala; niimpalukoda huna hendonii atohka ariapii mi hii dapo hoka luniiñmi miitii kuke. 9#Mt 19.19. Lujubiniiñ, “nunu ipfyo lyayo, nunu miyu melya yo, nunu diipyo lyayo, nunu kalyi-kabyo lyayo,” ho khiibe lujju biniiñ atañ hiitiirḛ, siika luniiñ soke ahdonii, “Nunu atohka ariapii mi atoh mika henchañho hentolya.” 10#Mt 22.39-40; Rom 13.8; Gel 5.14; Jem 2.8. Hensunii hii ariapii mi hang ayamapa miima; hopa hansunii hii dapo mike miipe donii.
11 #
Ipi 5.14; 1 Tes 5.6. Siikahaho so nunu chindo nii myodu ku siikasi hiila, niihtañ siisi myodu khe doku nunu iminii hokii guri dukupa. Niimpalukoda sangopyako hii tunii yaya doku ngunupa siisi ngunuka henje hentu hokiimi hentola; 12#1 Jn 2.8; Ipi 5.11; 1 Tes 5.8. ayoh hii yoja talyi kuke allo hii tunii dokuke. Kiije ngunu kamo hoka miigolugo mi apakusa ho hutoh ka gyambogiiju mi giisa; 13#1 Tes 4.12; Gel 5.19-21. Kiije ngunu atoh atohmi hutoh hoka danii hiilyañ dasa, hempyopa sola ho ow tangiitola damasa, ayamapa hela ho hensamanii hemasa, pasugasula ho kariñsiila miimasa. 14#Gel 3.27; 5.16.Hojalo Jisu Kristo mi atii biisa, ho asiialyo ka henju pa atiibimasa, hiika henju mi miipe kiine dupa.
Currently Selected:
ROM 13: APATBSI
Highlight
Share
Compare
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.