ROM 14
14
Mihmi Halii Bilyayo
1Henje papo giinii miyu mi, mohmi ahgiito, hojalo lukaniimi chesu dupa mapa. 2Kone henje do mo kapanemi diila kendo hiila, hojalo ajju miyu hii hama kontiisii diisu dunii. 3#Kol 2.16. Hopa hiimi huna diido nii diima bomi khiipayo, ho huna diima nii hiitiirḛ diinii bomi ayakacho kayo; niimpalukoda Pinii mohlumi larii tiiku. 4No hu ayakacho kaniipa lyido mika miira mi? Siikasi mohka atoh ka hata hosu lyikiñ siidonii mo dakiñ doha malo huyi kendoha. Ho mohmi seri kendo, niimpalukoda Atoh mohmi guriladopa miila kendo.
5 #
Gel 4.10. Miyu kone allo lohe mi aya yapa khiidu allo loheyami, hojalo miyu koneya hikha allo mi ahiñsiipa khiidu. Kone abi atoh ka ahha ho hiilasii loda hiila hengii to. 6Hii huna allo lohe mi khiiniiñ yapa hendonii, hiimi khiike nento Attoh mi khiibii dola. Hii huna diidonii, diito Attoh mi khiibii dola, niimpalukoda mo Pinii mi payapacho ludo; hii hutiina diima nii, Attoh mi khiibii dola miito ho Pinii mi payapacho hiila luto. 7#Gel 2.20; 2 Kor 5.15. Ngunu kone hetrḛ atoh pa sansu make, ho kone hetrḛ ngunu atoh pa shiisuma. 8#Pil 1.20. Ngunu matiirḛ sando koda, ngunu Attoh ko sando, ho ngunu matiirḛ shiido koda, ngunu Attoh ko shiido; hiikohopa, ngunu sanchi ha malo ngunu shiichi ha, ngunu Attoh kiiku. 9Niimpalukoda siika sipa Kristo shiitii ho hiira turiturku tiiku, hiikohopa mo anye ruka Attoh pa lyikiñdo shiinii ho turnii katrḛ.
10 #
2 Kor 5.10. Niimpa nunu ayakacho kadu nunuka anubarmii mi? malo nunu, niimpa khiimahama miidu nunuka anubarmii mi? Niimpalukoda ngunu miilañru dakiñdo Pinii ka ayakacho kako duko ho; 11#Pil 2.10-11. niimpalukoda hiila ketola do,
“Ngiika sando so, Attoh ludo, koneabi ka liibañ ngiiko khañha kendoke,
ho aguñ gonge abi assañ kendo Pinii mi.”
12Hopa kone abi ngunu luko siikiñ do atohka miiniiñ luniiñmi Pinii mi.
Mihmi Giihi Dopa Miilyayo
13 #
Mt 7.1; 1 Kor 8.13. Hopa ngunu kone anyañmi ayakacho mi kasumasa, hojalo hiilaya lususa iche hetrḛ miitiñ miiko siimasa malo anubarmii ka lembo mi miitiñ bimasa. 14Ngo chindo ho ngiimi yartiiku Attoh Jisu ko hangja kacho make danyopa; hojalo hiikahii kachodo hiipa huna hii kachodo hiila hendonii. 15#Rom 14.20; 1 Kor 8.11. Niika anubarmii matiirḛ niika diiko hopa heru dokoda, no hensu niiho damake. Niika diiko hopa pema kone mi lyuhi kiineyo hupana Kristo shiibi tiinii. 16#1 Kor 10.30. Hopa niika ayado hiiniiñmi diimmah hiila armyañ myanke neyo. 17Niimpalukoda Pinii ka raddeganda hii diigo la tango kiimake hojalo denki ho chimie ho hempyo ke Darii Yajiyallo agiñho; 18mo huna Kristo mi miiho donii hii Pinii ka talii lasanii ho miyu atañka kahe kuniiñ. 19#Mk 9.50; Rom 12.18; 1 Tes 5.11. Kiije ngunu hokoda niihna chimie giidonii hiimiya mesa ho niimpalukoda kone anyañ ka aya sako. 20#Rom 14.15; 1 Kor 8.9-12. Iche hetrḛ, diigotango pa, Pinii ka miigomi pyadu lyayo. Kapane lusu dokoda dariike, hojalo siikasi miikha doke koneabi huna khiibemiyu mi huhi dopa miidonii mohka diiniiñlo; 21#1 Kor 8.13. hopa yoh diima dokoda aya kendo malo ow tama dokoda malo hang drih jalo niihna niika anubarmii mi liichi giidonii. 22#Rom 2.1. Nunuka henje giiniiñ mi, atiito nunukala ho Pinii ka punkoho; hempyo kendo mo humina hang halii sanii giimanii atoh atohmi nii mina mo padotiinii. 23Hojalo mo huna hemmo donii hiimi khiilii tiiku, mo matiirḛ diido koda, niimpalukoda mo henje biidola miima; niimpalukoda niijalopa henje hokii lima hii ingyamiigya ke.
Currently Selected:
ROM 14: APATBSI
Highlight
Share
Compare
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
