ROM 16
16
Ayahelyi Ngiikii hokii
1Ngo ngunuka barmii Poibe mi lubii lyike, Kenkrea gyoliñkonii daka nyimii deakon mi, 2nunu mohmi Attoh ko larii tolya piniimiyu atañ miichañ ho, ho mohmi hembyuñ tolya niihna mo nunukokii anna donii, niimpalukoda mo abuje miyu mi hembyuñ niipa dane ho ngiimi tiirḛ.
3 #
Miin 18.2. Priska la Ekuila nyimi ayahelyi, Kristo Jisu ko ngiika miigo miihiñ ahiñ, 4huna mohluka sango mi ngiika sango pa hempa siibi nii, humina ngo kontiima hikha Midomiyu hokiika gyoliñkonii atañ payapacho lukiñdo; 5#1 Kor 16.19. mohluka ude daka gyoliñkonii atañ mitrḛ ayahelyi luto. Ngiika heniiñja Ipanetas mi ayahelyi, huna kapyo japa ka Asia hokii Kristo pa lyiguhnii. 6Mary mi ayahelyi, huna hempḛr uro miigo miitiinii nunuka punkoho. 7Endronikas la Junias nyimi ayahelyi, ngiika henii-myanii ho ngiika pattiih tuhiñ koniiñ; mohlu kiiniñkonii punko hotiirḛ khiikonii miyuatañ ke, ho mohlu ngiimi tiirḛ kapyo yake Kristo ko. 8Emplitas mi ayahelyi, ngiika heniiñja Attoh ko. 9Arbanas mi ayahelyi, ngunuka miigo miihiñnii Kristo ko, ho ngiika heniiñja Istakis. 10Apelles mi ayahelyi, humina Kristo ko patiinii. Hiika atañ mitrḛ ayahelyi Eristobulus ka uru atañmi. 11Ngiika disho Herodian mi ayahelyi. Hiika atañmi ayahelyi hutiina Narsisas ka uru hokiinii. 12Attoh koka miigo miinii atañmi ayahelyi, Tripena la Triposa mi. Heniiñja Parsis mi ayahelyi, huna Attoh ko uro miigo miine nii. 13Rupus mi ayahelyi, ayaloda miinii Attoh ko, mohka annii la ngiikii mitrḛ. 14Esinkritas mi ayahelyi, Plegon, Harmes, Petrobas, Harmes, ho anubarmii hutiina mohluka agiñho danii atañmi. 15Pilologus mi ayahelyi, Julia, Nerias ho mohka barmii mi, ho Olimpas, ho hikha piniimiyu atañmi hutiina mohluka agiñho dabo danii. 16#2 Kor 13.12; 1 Tes 5.26; 1 Pit 5.14. Kone anyañ mi dariipa mochu biidola ayahelyi hiila lusu tolya. Hikha Kristo koka gyoliñkonii atañ nunumi ayahelyi.
Kami paka Lukokuniiñ
17 #
Gel 1.8-9; 2 Tes 3.6,14; 2 Jn 10. Ngo yarlyi ke nunumi, anubarmii atañ, hendi nyatolya hiika kokii hutiina luku luche ho ahiare miipa donii, nunu mika lukonii hokii chekho laka lunii atañmi; mohlumi adhopa atii tolya. 18Niimpalukoda sitañ miyu atañsi ngunuka Attoh Kristo mi miiho make, hojalo mohluka erre misuke, ho lujuaya ho luhiluso la aguñ lula la mohlu chimanii miyu atañmi gollu nyabiido. 19#Rom 1.8; 1 Kor 14.20. Niimpalukoda niika lunii taniiñ mi hikharu chindo ke, hopa ngo niimi hempyo biidu, Ngo hendo no niihna aya nii hiimi chinkiñ cho ho niihna diimmah nii hiimi chima kencho hiila; 20#1 Kor 16.23; 2 Kor 13.14; Gel 6.18; Pil 4.23; 1 Tes 5.28; 2 Tes 3.18; Mih 22.21. ho chimie ka Pinii nyibya loda Saitan mi nunuka alih lo nyota lokiñ do. Ngunuka Attoh Jisu Kristo ka aroh-aya nunuka agiñho dabo kencho.
21 #
Miin 16.1. Timoti, ngiika miigo miihiñ ahiñ ayahelyi niimi; hii chulipa Lusius ho Jason ho Sosipeter, ngiika henii-myanii.
22Ngo Tartius, siika pota siimika keniibo, Attoh ko ayahelyi.
23 #
1 Kor 1.14. Gayas, huna ngiimika dugiibo ho hikha gyoliñkonii, nunumi ayahelyi. Irastas, citi ka tiickobiibibo, ho ngunuka anu Koartas, nunumi ayahelyi. 24#16.24 Goñkhu 24 Attoh Jisu Kristo ka aroh-aya hikha nunu miilañ ruka agiñho dobo kencho. Amen.
Assañ laka Kuniiñ mika kujakunii
25Siisi mohko huna nunumi alḛr giila kendonii ngiika ayapuyu chulipa ho Jisu Kristo ka tonsḛr khenyo nii hokii, chila maniiñ mika mihukakiñ nii chulipa nii mina ayu kolyuñ kolo hokii achuñ tola doniimi mih chimapa 26hojalo siisi kakiñ doku ho nyibuhenii atañ keniiñho hikha miyu atañmi kakiñ tiiku, shiilamasa nii Pinii ka luniiñ chulipa, agiibitii henje laka luniiñ talii niimi 27chiniiñ Pinii mi kontii assañ kencho ayudahepa Jisu Kristo kiilo! Amen.
Currently Selected:
ROM 16: APATBSI
Highlight
Share
Compare
Copy
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.