TIRTÔNHEI SINTHO 6
6
Upa sarikahei rithlangna
1Khante, kha lâi zoro, kôilômhei an pung thiai mai lâiah khan an nîn tin thil semah khan an numeihei uksak rak ngai mak itin Grik ṭong imang Judahei khah Hebrai ṭong imang Judahei chungah an riphun a.
2Khanchu, Sômleiinikahei khan kôilôm danghei murdi khah an koi a, “Pathian thu sîr ibâng rakka, sumpuan izêk kin changin chu idik no nih. 3Khasikin, suapuihei, nin lâia mi, vârna neh Rithla Rithianga sip, mi sarikah rithlang unla, anni khah hi sin hih inkol ei ti. 4Keini chu ṭongṭai neh thusîrin ripelet kin ti,” an ti a.
5Kha thu khan mipuihei murdi ân lôm a; khanchu, Stefana, iamna neh Rithla Rithianga sip neh Filipa, Prokora, Nikanora, Timona, Parmena, Nikola, Judahei saphun, Antiokei khuaa mihei an rithlang a. 6Kha mihei khah tirtônhei makungah an inngîr a; khanchu, tirtônhei khan an lu chungah an kut ringatin an ṭongṭai a.#TS.1:24; 8:17; 13:3; 14:23.
7Khanchu, Pathian thu khah a hong indar mai a, Jerusalemah khan kôilômhei khom an ribôk tîr tîr a, thiampuhei lâia mi itam takkah khomin iamna khah an ipom tâk a.
Stefana an man thu
8Stefana khah Pathian lungkamna neh sinthotheinan a sip a, mihei lâiah sinrikhêl neh thilrikhêl roinpui tak tak a tho ngai a. 9Nikhomsela, Kurini khua neh Alekzandria khua ata Juda ṭhenkah “Suak izôk pôl,” #6:9 Suak izôk pôl Hihei hih Juda suaka tâng an nit a, khan an înzalen tâkhei an nit. Sinagog an itia ṭang ngaihei neh Kilikia neh Asia rama Judahei an hong a, Stefana kha an hong sêl a. 10Khannisela, Rithla khan vârna a pêk sikin ani khah sêlindong thei mak a. #Lk.21:15. 11Khanchu, “Mosia neh Pathian â sîrinsiat kin riat,” inti rangin mi ṭhenkah an tham a. #Mat.26:60-66. 12Khaangkan, mipuihei neh ulianhei neh Dân inriseituhei kha an ithor a, Stefana khah an man a, Sanhedrin maah an ṭhui a. 13Riatpuitu milak an siam a, kha mihei khan, “Hi mi hin kin Tempil rithiang neh Mosia Dân â sîrinsiat mai ngai.#Jer.26:11. 14‘Nazaret Jisuan kin Tempil hih ṭhet a ta, Mosian Dân a ne ipêkhei hih indanglam riai a ti,’ itin â sîr kin riat,” an ti a.
15Roirêlna buala om murdi khan Stefana kha an en ngit a, a mêl khah vântirtôn mêl angkan an mu a.
Currently Selected:
TIRTÔNHEI SINTHO 6: BIATBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2014, Used by permission. All rights reserved. More
