LUKE 8

Jisu Galilee lü mithi kesürho mu mi metha

1Hisalü, Jisu revü khi nadelü mu natsü kolüvo. Zhopothi kenü thejupo, Jihova kede popü mi metha, mu metha keyiko mikerikena püzüta. 2Thenomikori hu uko züta, therü-kesu rüpü mu kethilü ne thimenü kesüko; Mary Magdalene, therükesu thüna püyo tapra ketapü sheri ta. 3Joanna, Chuza cemi, Herod kedeo celü mhanyoko kepe kezhoo cemi rita; Susanna mu kekremi kekro sheri ta, theno hiko mha khapü uko tsakhu khrühi ketako. 4Thüma kekro vori kenguyita, rüna kolü ta Jisu cevori, pü jüve khi ukoce posü

Tsavaju

5Yitemipü teso sosü toli tsü (tsava). Pü tehatsa pü prüsü, humi ta chodelü tsüta, süko mipo kedüva mu merapo tiyita. 6Humi tsüroyo tsüta, mu süko cüsüri tice renyo kedila nacepo süko thsü mesa va. 7Humi tatsahu tsalü tsüta, süko cüsüri tice tsahupo pügükhriva. 8Humi ta renyo kevelü kiyi de use zhüyi, sekrapü kezü pü hiko po kesüsa, sesü, de poti, uni kenemi po reni yite. 9Pü sajiko pü ketso de poti, jüve hio püco dipüta? 10Pü uko ce poti, “nekola Jihova kede ketekhri tiko seyive, ti khasü te; vele kekremiko la jüvelü poyo. Kepe no uko peto vele ngoyi ho, reni sheri uko seyi ho (lüyi ho)” 11Jüve püco hibi, telha tsa sü Jihova jü. 12Chokhü tsüketako, jüo reniyi; therü kesu vorita uko melülü jüo khipü tata, kemosa uko melüyi mu kelariyito. 13Tsürolü ki ketako, jüo reniyi, uko nüyi; süko ume bamo, dopü melüyi vele medo kephi kevorice retuta. 14Tsahu dolü ki ketako, jüo reniyi de cüsüri vele cejülü zhoko, cesücene mu ukemenyü kopo uko royita de usezhüyi mo ketako. 15Vele cejü kevelü kekiko, kejütho keve melü, jüo reniyi thi mu züyi; usezhüyi mu sügüsüheyi.

Metopü kejüvekesü

16Mipüri metokhapü merhakhro süyomo mori kha thezikhro süho; vele khapü ubalü miva meve süyo, sülü kelüko mhango ketola. 17Kekrelamori, khapü resü va yomo, mipo ngomo ketodo thide; mhakehopü püri khapü resü revayomo, püchozuco mipo ngomo toleno. 18Süla no renimenuyite, kekrelamori khapü kebami tsüsüto, mhaba kemoo püyo kebakori pütatato,

Choro kesa

19Süsa püzu mu püsazüko ta püce vori, vele uko talü püzü kesüyi hota, kekrelamori thümako kefüphi ketala, 20Humi püce poti, nzu mu nsazüko nphu voride chozu thale, uko nzü kesünyü bale, 21Pü uko fü kelasü, de poti, azu mu a sazüko sü Jihova jü reniyi mu thisü keyi kozo.

Jisu jü repfü kethi züzi keva

22Pünhapü püsajiko zü rulü tavozü, pü poti, uko ta jü kezho khü kekreco kukhe, side uko tavozü. 23Uko rulü tavozüri pü zürenyü ta, tükhrakhradepü vorita ruyo, mu uko ru jüpo chuyita; uko vekedi thita. 24Uko tavo pükesü de poti kemethao, kemethao, uko kata tozütele. Süsa pü cosüri, de tükhra-o kethisü, mu jürephü sheri; siri lazü zita, kemekre züta. 25Pü ukoce poti, neko kemelü dipüce ba? Uko mpe ketala uko ngo phita; de ukodolü kepoti thümahio zhorele dipü bita? Pü jü mu tükhra sheri kethi vati he, uko sheri püfü zü ketahi.

Gadera lü therü kesu ukebüketamipüyo hu keva.

26Uko tavo Gadarenes rüna tsoyi, Galilee peco; 27Uko cejü sülü tavo kezüc ethümapü therü kesu rüpüko ukebü ketamipü pütü kecho sizi tata, füne khimo, ce pülüri hüyomo; vele mhakhre kolü hütayo. 28Pü Jisu ngosü, de seta, de retuki pü reshüta, füphra metode poti, I n zü dipü thita no Jisu, no kerekhrütho Jihova nu? I ncechoyo, no amethi hite. 29Kekrelamori pü thümao celü tapra tano mesakemo rüpü ce posü ketala, tsükenu thegiro khapü püpha pübayo, mu tsahuko, po püzü nhatsalü vo tayo. 30Jisu pü ketsoti, “nza sopü?” Pü pokesü aza “legion” kekrelamori therü kekro pülü lü ketala. 31Uko püce choti, püpo uko ketsü pü kerelü lü süva hino chota. 32Süce thevo kekro cejütuyo nha patita, uko püce chode ukopo thevo kolü lütano chota. Pü süla uko ketsü süva. 33Süsa therükesüko thümayo ta thevokrode kolü lüta; side thevoko ta rechü thikhalü tsüta, de jülü uko mehü khri phrüva. 34Süko füpü nhapati ketako dipü bi sheri tavo rünakolü, nadekolü posü. 35Süla thümako tapra dipü thita sheri pe, ta Jisu cevori mu Thümao ngo, püyo therükesuko tapra ketao, Jisu phece babata, ufüne khi, mu ukelü tsüba keta, side uko mpeta. 36Pü kengoko ukoce po küsü dipübide therükesüpo ukebü ketao sürho ta sheri posü. 37Süsa makro Gadarenes rüna kemetuko metü püpo tatano chota, kekrelamori uko mpeshu ketala; süla püta rulü lüde sala püra vota., 38Therükesu püyotade praketa-o püzü batanyü de püce chosü, vele Jisu pü ketsü metava, püce poti, 39Ta ntho ncelü votate, Jihova mhakezho n yo thikesü pü mi mhüngo thisüte, pütho pücholü vota, nadelü metü Jisu püyo mhakezho thi kesü povota.

Thenomipü thikesürho sü, mu Jairus nupü thimerhüsü

40Jisu sala voritice miko unüshude püzüyi, kekrelamori uko pü meri kebala. 41Hi he, mipü Jairus zitipü synagogue lü kezhomi ta vori nekütsü Jisu phece pü reshüta, side püpo tapücelü vorino chota. 42Kekrelamori pünupü mipü lebi kebao tsekerikena bari mhathi bata de sata tolizü vele pü tavozü ticethümako pügü tutu tata. 43Thenopüpü tütse kerikena thüzakrü tata, pü mhango keyiko metü khipü daru kesemi la ketseva, sizizori püthi kesürhoyi mo. 44Süpü tavori de pü bolaphre nisü, sizi sümetha thüza krümota. 45Jisu poti “sopü a jüsü?” Miko metü pü nimole zi ketasa, Peter püce poti mu püzü ketakosheri, kemethao, thümako n gü tutu ta, (nfüta) no, “sopü anisü” zitola? 46Jisu poti “humi ani süle, kekrelamori kekupü ayo taprate.” 47Thenopü resüyi (kevayi) mota, tatsü pü mhüjülü pü reshüta, dipüla pü tavo pünisüsheri popü thüma metüko mese süta, pü dipü bide sürho mhai tasheri posü. 48Pü thenopüce poti, “Anupü nnütate, n kemelü nthi meve süteho; nlümenü de tavotate.” 49Pü sükopo kebalü, mipü synagogue kezhoo celü tavori, de püce poti, nnupü sateho kemethao kebühitate. 50Vele Jisu süo se kesüce, püfü kelade poti, mpe hite, melü keyi lebizo, sizide thenopü veyito. 51Pü celü vori, mipüpori celü lü mota, Peter, James mu John ko lebisa, mu püpo püzuni, (thenopü nepo mu uzuni). 52Miko kra mu thekri thiba, vele pü ukoce poti, “krahite, thenopü satamo, vale zü kebazo.” 53Uko pükrünyü bata, pü sa keta se kebala. 54Pü ukopo cetavota, pübepü thenopü be ceyi (thezüyi) de poti, relipü, tasürite. 55Pü rüpü sala vorita, rekri thenopü tasürita, süsa pü ketico khapütsüno posü. 56Püpo püzu neko ungophita, vele pü ukopo mhathi kesüko pü mipü ceri pohino, ketüva.

Currently Selected:

LUKE 8: NAG5BSI

Highlight

Copy