A’NPHUTNA 36
36
Esau Tu leh Sahei
(1 Th 1.34–37)
1Hihei hi Esau tu leh sahei kae, Edom um anti hei. 2Esau in Canaan nuhmei aleiompui hei: Hit phunga Elon sanu Ada, Hiv phunga Zibeon sapa Anah sanu Oholibamah;#Aph 26.34 3khana Ishmael sanu, Nebaioth nainu, Basemath, jōr 3 hei hi aleiompui hei.#Aph 28.9 4Ada in Eliphaz amatet; Basemath in Reuel amatet; 5khana Oholibamah in Jeush, Jalam, leh Korah amatet hei. Hihei seng hi Canaan ram Esau in sapa aleinei hei kae.
6Khava sōa anuhmeihei, asapahei, asanuhei khan chu a-innshung mi rakip leh aranseng leh Canaan ram a ahlōsōt anei rakip achoia anaipa Jacob adahlona ram hlopting inthon jo. 7Ajârchu Jacob leh an-omsapna ram kha an-inhnia invei khopna changmak jo; an-inhnia ran katamtak anleinei heia omsap tor mak jo heia kae. 8Khava jâra Esau kha Edom tlânga ama vaka-om jo.
9Hihei hi Edom phunghei pusōn Esau tu leh sahei kae: 10-13Esau nuhmei Ada khan sapa inkhat amatet, Eliphaz inti, ama hin sapa 5 anei hei: Teman, Omar, Zepho, Gatam leh Kenaz, khana anuhmei alak Timnah khan Amalek inti sapa inkhat aneisa pek.
Esau nuhmei Basemath in sapa inkhat Reuel amatet, ama hin sapa 4 anei hei: Nahath, Zerah, Shammah, leh Mizzah hei hi kae.
14Anuhmei Oholibamah, Zibeon sapa Anah sanu khan sapa 3 amatet hei: Jeush, Jalam leh Korah hei hi kae.
15Hihei hi Esaua inphut ajōng kakōn phunghei kae. Esau sapa upapen Eliphaz hi athōia phunghei pusōn kae: Teman, Omar, Zepho, Kenaz, 16Korah, Gatam, leh Amalek. Anmani seng hi Esau nuhmei Ada leh ansōn anpârhei kae.
17Esau sapa Reuel hi athōia phunghei pusōn kae: Nahath, Zerah, Shammah, leh Mizzah. Anmani seng hi Esau in anuhmei Basemath leh ansōn anpârhei kae.
18Athōia phunghei hi Esau nuhmei Oholibamah, Anah sanu leh ansōn anpârhei kae: Jeush Jalam, leh Korah. 19Hiva phung seng ankhenga Esaua inphut ajōng kakōn hei kae.
Seir Sōnhei
(1 Th 1.38–42)
20-21Edom ram a ka-om mihei kha aphung aphunga inṭhen hei, anphung hrui kha Hor phunga Seir sōn heia inphut ajōng kakōn hei leikae, khahei khachu: Lotan, Shobal, Zibeon, Anah, Dishon, Ezer, leh Dishan hei kae.
22Lotan hi Hori leh Heman innshunghei pusōn kae. (Lotan sernu Timnah inti inkhat leika-om.)
23Shobal hi Alvan, Manahath, Ebal, Shepho, khana Onam hei pusōn kae.
24Zibeon in sapa 2 Aiah leh Anah anei hei. (Anah hin apa shakōrtung nêrdiram a akhemlai tuilum kapût tuisi ahmu sōt a kae.) 25-26Anah hi Dishon pa kae, ama hi Hemdan, Eshban, Ithran, leh Cheran hei pusōn kae. Anah hin Oholibamah inti sanu inkhat anei.
27Ezer hi Bilhan, Zaavan leh Akan hei pusōn kae.
28Dishan hi Uz leh Aranhei pusōn kae.
29-30Hihei hi Edom ram a Hor phunghei kae: Lotan, Shobal, Zibeon, Anah, Dishon, Ezer leh Dishan hei hi kae.
Edom Renghei
(1 Th 1.43–54)
31-39Israel reng tûte inkhatbek anleiom mak hma Edom ram kha hiva renghei hin abân bâna vai anleirôn:
Dinhabath khōa Beor sapa Bela
Bozrah khōa Zerah sapa Jobab
Teman ram rajeia Husham
Avith khōa Bedad sapa Hadad (Moab ram a rehmun a Midianhei re aleitor hei)
Masrekah khōa Samlah
tuidung panga Rehoboth khōa Shaul
Achbor sapa Baal Hanan
Pau khōa Hadad (anuhmei Mezahab tunu, Matred sanu Mehetabel kae)
40-43Esau hi athōia Edom phunghei pusōn kae: Timnah, Alvah, Jetheth, Oholibamah, Elah, Pinon, Kenaz, Teman, Mibzar, Magdiel leh Iram. Anmani omna ramhōm et kha anphung rahminga le’nhret a kae.
Currently Selected:
A’NPHUTNA 36: KOMRBSI
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.
