Юхан 12

Бетанияда Исанынъ аякъларына ягъ якъалар

1 # Мт 26.6-13; Мк 14.3-9 ‌#Чыкъ 12.1-30; Мт 21.17; Юх 11.1, 18, 55Песах Байрамындан алты кунь эвель Иса Бетаниягъа кельди. Анда Иса олюлерден тирильткен Лазар яшай эди. 2#Лк 10.38О ерде Иса ичюн акъшамлыкъ ашыны азырладылар. Марта хызмет этмекте эди, Лазар Исанен берабер ашагъан адамлардан бири эди. 3#Юх 11.2О вакъыт Мерьем бир кучюк бардачыкъ#12.3 Бир кучюк бардачыкъ – къ. юн. «бир литра». темиз, паалы къокъулы ягъ кетирип, Исанынъ аякъларына якъты ве сачларынен Онынъ аякъларыны сюртип къурутты. Ягънынъ къокъусына бутюн эв толды.

4Исанынъ шегиртлеринден бири, Оны сатаджакъ Иуда Искариот:

5– Бу ягъны учь юз динаргъа#12.5 Учь юз динар – къ. юн. «300 денарион», я да 300 кунь чалышкъан адамнынъ къазанчы. сатып, фукъарелерге болип берсе, яхшыджа олмаз эдими? – деди.

6 # Юх 13.29 Бу сёзлерни о фукъарелерге къайгъыргъаны ичюн дегиль, хырсыз олгъаны ичюн айтты. Онда ортакъ акъча къутусы эди, ве о къутугъа къоюлгъан паралардан озюне алып хырсызлай эди.

7– О къадынны раатсызлама! – деди Иса. – О, бу ягъны Меним дефн этиледжек кунюм ичюн сакълады. 8#Текр 15.11Фукъарелер сизинъ аранъызда эр вакъыт оладжакълар, Мен исе эр вакъыт олмайджам.

Лазаргъа къаршы фитне

9 # Юх 11.44 Исанынъ не ерде олгъаныны билип, о ерге чокъ еудийлер кельдилер. Олар тек Исаны дегиль, Иса олюлерден тирильткен Лазарны да корьмеге истей эдилер. 10Баш руханийлер Лазарны да ольдюрмеге тырыша эдилер, 11чюнки онынъ ичюн чокъ еудийлер кетип, Исагъа иман эте башладылар.

Исанынъ Ерусалимге тантананен киргени

12 # Мт 21.1-11; Мк 11.1-11; Лк 19.28-40 Эртеси куню байрамгъа кельген чокъ адамлар Исанынъ Ерусалимге келеяткъаныны эшиттилер. 13#Збр 117.25-26Пальма терегининъ пытакъларыны алып, Оны къаршыламагъа чыкътылар ве кучьлю сеслернен къычырып башладылар:

– Аллагъа шукюр! Раббининъ Ады иле Келеяткъанны, Исраильнинъ Падишасыны шуретленъиз!

14Иса бир яш эшекни тапып, устюне минди. Бу акъкъында эвельден бойле язылгъан эди: 15#Зек 9.9; Мт 21.4-5«Эй, Сион къызы, къоркъма! Сенинъ Падишанъ яш эшекке минип келеята!»

16 # Юх 2.22 Шегиртлери буны башта анъламадылар. Иса Озь шуретине тек иришкен сонъ, бу сёзлер Онынъ акъкъында язылгъаныны ве халкъ Оны бойле къаршылагъаныны хатырладылар. 17Иса Лазарны къабирден чагъыргъан ве олюлерден тирильткен вакъытта Онен берабер олгъан халкъ бу акъкъында шаатлыкъ эте эди. 18Иса бойле бельгини косьтергени акъкъында эшиткен халкъ Оны къаршыламагъа чыкъты.

19 # Юх 11.47-48 Фериселер исе бир-бирине:

– Коресизми, энди ич бир шей япып оламайсыз. Онынъ артындан бутюн дюнья кетти! – дей эдилер.

Исаны юнанлар къыдыралар

20Ибадет этмек ичюн байрамгъа кельгенлер арасында юнанлар да бар эди. 21#Юх 1.44Олар Галилеянынъ Бетсайда шеэринден олгъан Филипнинъ алдына барып ялвардылар:

– Эфенди, биз Исаны корьмеге истеймиз.

22Филип барып, бу акъта Андрейге айтты, сонъ Андрейнен Филип экиси Исанынъ алдына барып, Онъа айттылар. 23#Юх 2.4; 17.1Иса оларгъа шойле джевап къайтарды:

– Инсан Огълу шуретленеджек вакъты кельди. 24#1 Кор 15.36Сизге керчектен догърусыны айтам: эгер богъдайнынъ урлугъы топракъкъа тюшип ольмесе, о тек адий бир урлучыкъ олып къаладжакъ. Амма ольсе, чокъ берекет береджек. 25#Мт 10.39; Лк 14.26Ким озь джаныны севсе, оны гъайып этеджек. Ким бу дюньяда озь джаныны аджымаса, оны эбедий аят ичюн сакълап къалдыраджакъ. 26Ким Манъа хызмет этмеге истесе, Меним артымдан кельсин. Мен къаерде олсам, хызметчим де о ерде оладжакъ. Манъа хызмет эткенни Баба урьмет этеджек.

Иса Озюнинъ гъалебеси акъкъында айта

27 # Мк 14.34; Юх 13.21 Энди юрегим сызлай. Мен не айтсам экен? «Эй, Баба, Мени бу сааттен къуртар», – дейимми? Лякин Мен шу саат ичюн кельдим. 28#Мк 1.11; 9.7Эй, Баба, Озь Адынъны шерефле!

Иса буны айткъанынен, коктен:

– Мен оны шерефледим ве даа шерефлейджегим, – деген сес кельди. 29#Фаал 23.9О ерде тургъан халкъ буны эшитип, кок гудюрдиси белледи. «Ёкъ, Онен мелек лаф этти!» – деди башкъалары.

30 # Юх 11.42 Бунъа джевап берип Иса деди:

– Бу сес Мен ичюн дегиль, сиз ичюн олды. 31#Юх 16.11; 2 Кор 4.4; Кол 2.15Шимди бу дюнья суд этиледжек, шимди бу дюньянынъ башлыгъы#12.31 Мында Шейтан козьде тутула. тышарыгъа чыкъарылып къувуладжакъ. 32#Сай 21.9; Хош 11.4; Юх 3.14; 6.44; 8.28Мен ерден юкъарыгъа котерильгенимде, Озюме эр кесни чекеджегим.

33 # Юх 18.32 Бу сёзлерни Иса Озюнинъ насыл оледжегини бильдирмек макъсадынен айтты. Халкъ бунъа джевап берип деди:

34 # Збр 88.5; 109.4; Еш 9.7 – Биз Къанундан Месих эбедий бизнен оладжагъыны эшиттик. Насыл этип Сен: «Инсан Огълуна юкъарыгъа котерильмеге керек», – дейсинъ? Ким бу Инсан Огълу?

Халкънынъ имансызлыгъы

35 # Икм 4.19; Еш 2.5; Йрм 13.16; Юх 1.4; 8.12; 9.4; 11.9; 1 Юх 1.6; Эф 5.8 Иса оларгъа деди:

– Даа къыскъа бир вакъыт ичинде ярыкъ сизнен оладжакъ. Къаранлыкъ сизни басмасын деп, ярыкъта юрюнъиз. Къаранлыкъта юрген адам къаерге кетеяткъаныны бильмей. 36#Лк 16.8; 1 Тес 5.5Ярыкъ даа сизнен олгъанда, ярыкъкъа иман этинъиз, сонъ ярыкънынъ огъуллары оладжакъсыз.

Бу сёзлерни айтып, Иса узакълашып гизленди.

37Иса халкънынъ козю огюнде о къадар чокъ бельгилерни косьтерген олса да, олар Онъа иман этмей эдилер. 38#Еш 53.1; Рим 10.16Ешая пейгъамбернинъ сёзлери беджериледжек эди: «Я Рабби! Бизим хаберимизге ким инанды? РАББИнинъ къудрети кимге ачылды?»

39Олар ана шу себептен инанып оламай эдилер. Ешая пейгъамбер даа айткъаны киби: 40#Еш 6.10; Мт 13.15; Мк 4.12; Фаал 28.27«Рабби бу халкънынъ козьлерини кёр этти, юрегини де бир шей анъламагъан киби этти. Бойледже, олар козьлеринен корьмезлер, акъылларынен анъламазлар, оларны тедавийлесин деп, Онъа кельмезлер». 41#Еш 6.1Ешая буны айткъанда, Месихнинъ шуретини корип, Онынъ акъкъында айта эди.

42 # Юх 3.1; 9.22; 16.2 Бунъа бакъмадан, чокъ башлыкълар Исагъа иман эттилер. Лякин, синагогалардан айырылмасынлар деп, олар фериселер ичюн Исаны ачыкъ танымай эдилер. 43#Юх 5.44Башлыкълар Алланынъ шуретинден адамларнынъ шуретини зияде севе эдилер.

Сонъки кунюнде Исанынъ Сёзю имансыз адамларны укюм этеджек

44 # Мт 10.40; Юх 13.20; 14.1 Иса къычырып:

– Манъа иман эткен адам Манъа дегиль, Мени Ёллагъангъа иман эте. 45#Юх 14.9Мени корьген адам Мени Ёллагъанны коре. 46#Юх 1.4; 8.12; 9.5Манъа иман эткен эр бир адам къаранлыкъта къалмасын деп, Мен дюньягъа ярыкъ олып кельдим. 47#Юх 3.17; 4.42; 8.15Ким Меним сёзлеримни эшитип иман этмесе, оны Мен суд этмейим. Мен дюньяны суд этмек ичюн дегиль, къуртармакъ ичюн кельдим. 48#Текр 18.19Мени ред этип, сёзлеримни къабул этмеген адамнынъ суд этиджиси бар – оны ахыр заманда Меним айткъан Сёзюм суд этеджек. 49Мен Озь Адымдан айтмадым. Мени ёллагъан Баба Манъа не айтмакъны ве насыл айтмакъны буюрды. 50Онынъ эмири исе эбедий аят олгъаныны билем. Мен не айтсам, Манъа Баба буюргъаныны айтам, – деди.

Currently Selected:

Юхан 12: CTB

Highlight

Copy