Юхан 13
13
Иса шегиртлерининъ аякъларыны юва
1 #
Чыкъ 12.1-30; Мк 14.41; Юх 2.4; 7.6; 8.20; 12.1 Песах Байрамындан эвель Иса бу дюньядан Бабанынъ янына кетмек вакъты кельгенини биле эди. О, бу дюньяда Озюнъкилерни севген эди ве шимди оларны сонъунадже севди. 2#Юх 6.70Акъшамлыкъ ашы вакъты эди. Шейтан энди Симон Искариот огълу Иуданынъ юрегине Исаны сатмакъ ниетини къойгъан эди. 3#Мт 11.27; Юх 8.14; 17.2; 16.28Баба эр шейни Исанынъ къолуна бергенини, Алладан чыкъып, кене Алланынъ янына къайтаяткъаныны билип, 4Иса софра башындан турды, усть урбасыны чыкъарды, бир эльбез алды да, белине багълады. 5#Мт 20.28; Лк 22.27Легенге сув къойып, шегиртлерининъ аякъларыны юва, белине багълагъан эльбезнен сюртип къурута башлады.
6Симон Пётрнынъ янына кельгенде:
– Рабби! Сен меним аякъларымны ювмагъа истейсинъми?! – деди Пётр.
7– Не япкъанымны шимди анъламайсынъ. Сонъ анълайджакъсынъ, – деди Иса онъа джевап берип.
8 #
1 Кор 6.11; Эф 5.26; Тит 3.5; Еуд 10.22 – Меним аякъларымны ич бир вакъыт ювмайджакъсынъ! – деди Пётр.
– Эгер ювмасам, Меннен бирликте пайынъ олмайджакъ, – деди Иса. 9О вакъыт Симон Пётр:
– Рабби, тек аякъларымны дегиль, къолларымны, башымны да юв! – деди. 10#Юх 15.3Иса онъа:
– Ювулгъан адам бутюнлей темиз, онынъ тек аякъларыны ювмакъ керек. Сиз темизсиз, амма эпинъиз дегиль, – деди. 11#Юх 6.64; 18.2Иса Оны сатаджакъ адамны биле эди, шунынъ ичюн: «Эпинъиз темиз дегильсиз», – деди.
12Шегиртлерининъ аякъларыны ювгъан сонъ, Иса усть урбасыны кийип, ерине ерлешти. Шегиртлерине деди:
– Мен сизге не япкъанымны анъладынъызмы? 13#Мт 7.22; 23.8; Лк 6.46; Флп 2.11Сиз Манъа «Оджа» ве «Рабби» дейсиз, эм догъру айтасыз, чюнки Мен бу олам. 14#1 Тим 5.10Эгер Мен Рабби ве Оджа олып, аякъларынъызны ювгъан олсам, сизге де бир-биринъизнинъ аякъларынъызны ювмакъ керек. 15#1 Пётр 2.21Мен сизге орьнек косьтердим. Энди Мен сизге не япкъан олсам, сизге де ойле япмакъ керек. 16#Лк 6.40; Юх 15.20Сизге керчектен догърусыны айтам: къул озь эфендисинден устюн дегиль, ёлланылгъан да оны ёллагъандан устюн дегильдир. 17#Мт 24.46; Лк 11.28; Якъ 1.22; Рим 2.13Эгер буны анъласанъыз, буны беджерип бахтлы олурсыз!
18 #
Збр 40.10; Юх 6.70 Мен эпинъиз акъкъында айтмайым, – девам этти Иса. – Мен сайлагъан адамларымны билем. Лякин отьмегимни ашагъан адамнынъ Манъа къаршы табаныны котергени акъкъында Языда язылгъан сёзлер беджерильмек керек. 19#Мк 13.23; Юх 14.29; 16.4Шимдиден, даа бу вакъиалар олмаздан эвель, Мен буны сизге айтам, чюнки бу вакъиалар олгъан сонъ, сиз иман этеджексиз ки, Мен – Одырым. 20#Мт 10.40; Лк 10.16; Юх 12.44Сизге керчектен догърусыны айтам: ким Мен ёллайджакъ адамны къабул этсе, Мени къабул эте. Мени къабул эткен исе Мени Ёллагъанны къабул эте.
Иса шегиртлеринден бири Оны сатаджагъы акъкъында айта
21 #
Мт 26.20-25; Мк 14.17-21; Лк 22.21-23 #Мк 14.34; Юх 12.27Бу сёзлерни айткъан сонъ, Исанынъ джаны пек сыкъылды. Энди ачыкътан-ачыкъ айтып башлады:
– Сизге керчектен догърусыны айтам: Мени сизден биринъиз сатаджакъ.
22Шегиртлери исе, О, ким акъкъында айткъаныны бильмейип, шашкъынлыкънен бир-бирине бакъып тура эдилер. 23#Юх 19.26; 20.2; 21.7; 21.20Олардан бири Исанынъ янында ята эди. Иса оны пек севе эди. 24Симон Пётр онъа, Иса ким акъкъында айткъаныны сораса, деп ишмар этти. 25О, Исанынъ кокрегине башыны къойып:
– Рабби, о кимдир? – деп сорады. 26Иса джевап берип:
– Мен бу пите парчасыны ашкъа батырып кимге берсем, одыр, – деди. Сонъ О, бир пите парчасыны батырып, Симон Искариот огълу Иудагъа берди. 27Шу ань, Иуда питени алгъанынен, онынъ ичине Шейтан кирди.
– Япаджагъынъны тез-тез яп, – деди онъа Иса.
28Иса бу сёзлерни не ичюн айткъаныны софра этрафындакилерден ич кимсе анъламады. 29#Юх 12.6Акъча къутусы Иудада олгъаны ичюн, базылары тюшюндилер ки, Иса онъа: «Байрам ичюн бизге керек олгъан шейлерни сатын ал» я да «Фукъарелерге бир шей бер», – деди. 30Иуда исе питени алып, бирден тышарыгъа чыкъып кетти. Энди гедже тюшкен эди.
Янъы эмир
31 #
1 Пётр 4.11
Иуда чыкъып кеткен сонъ, Иса деди:
– Шимди Инсан Огълу шерефленди, Инсан Огълунда Алла да шерефленди. 32#Юх 17.1, 5Эгер Алла Инсан Огълунда шерефленген олса, Алла Озюнде Инсан Огълуны шерефлейджек, Оны тез арада шерефлейджек. 33#Юх 7.34; 8.21Балалар! Мен сизлернен берабер даа аз вакъыт оладжагъым. Мени къыдыраджакъсыз. Еудийлернинъ башлыкъларына айткъаным киби, сизге де айтам: Мен кетеяткъан ерге сиз барып оламайсыз.
34 #
Лев 19.18; Юх 15.12; 1 Юх 2.7-8; 3.11; 2 Юх 1.5 Сизге янъы эмир берем: бир-биринъизни севинъиз. Мен сизни насыл севген олсам, сиз де бир-биринъизни шойле севинъиз. 35Эгер аранъызда бир-биринъизге севги олса, сиз Меним шегиртлерим олгъанынъызны эписи биледжек.
Иса Пётрнынъ ёлдан уруладжагъы акъкъында эвельден айта
36 #
Мт 26.31-35; Мк 14.27-31; Лк 22.31-34 Симон Пётр Исагъа деди:
– Рабби, Сен къаерге кетесинъ?
– Мен кетеяткъан ерге сен артымдан шимди барып оламайсынъ, амма сонъ бараджакъсынъ, – деп джевап берди онъа Иса.
37 #
Юх 11.16; 21.19 – Рабби, – деди онъа Пётр, – не ичюн артынъдан шимди барып оламайым? Мен Сен ичюн джанымны береджегим!
38 #
Юх 18.27
Иса джевап берип:
– Мен ичюн джанынъны береджексинъми? Санъа керчектен догърусыны айтам: хораз къычырмаздан эвель, сен Менден учь кере вазгечеджексинъ, – деди.
Currently Selected:
Юхан 13: CTB
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2016
