Лука 21

Тул апайнынъ капиги

1 # Мк 12.41-44 ‌#4 Пад 12.9; Мт 27.6; Юх 8.20Иса бакъып, садакъа сандыгъына акъча бахшышларыны ташлагъан зенгинлерни корьди. 2Олардан гъайры, бир фукъаре тул къадыннынъ эки капик#21.2 Эки капик – къ. юн. «эки лептос», пек уфакъ акъча. ташлагъаныны корьди. 3Иса:

– Сизлерге догърусыны айтам: бу фукъаре тул къадын эписинден чокъ акъча ташлады. 4#2 Кор 8.1-3, 12Оларнынъ эписи озьлерининъ буюк барлыгъынынъ кучюк бир къысмыны бахшыш оларакъ бердилер. Амма бу къадын, фукъаре олса да, озюнинъ яшамакъ ичюн олгъан бутюн парасыны багъышлады, – деди.

Иса Алланынъ Сарайы бозуладжагъы акъкъында эвельден айта

5 # Мт 24.1-2; Мк 13.1-2 Базы адамлар Алланынъ Сарайы не къадар гузель ташларнен къурулгъаны ве насыл зенгин бахшышларнен яраштырылгъаны акъкъында айта эдилер. Иса исе:

6 # Лк 19.44 – Ойле куньлер келеджек ки, сиз шу ерде корьген биналар эписи бозуладжакъ, мында таш устюнде таш биле къалмайджакъ, – деди.

Беля ве къувгъунлыкълар акъкъында

7 # Мт 24.3-14; Мк 13.3-13 Олар Исадан:

– Оджа, бу шейлер не вакъыт оладжакъ? Буларнынъ якъында оладжагъыны къайдан биледжемиз? Бельги насыл оладжакъ? – деп сорадылар.

8 # Йрм 14.14; 1 Юх 3.7; Кол 2.8; 2 Тес 2.3 Иса оларгъа:

– Ич кимсе сизлерни алдатмасын деп, сакът олунъыз! Чокъ адамлар: «Мен Месихим» ве «Вакъыт кельди», – деп, Меним Адым иле келеджеклер. Оларнынъ артындан барманъыз. 9Дженк ве исьянлар акъкъында эшиткенде, къоркъманъыз. Булар эвельден олып кечмелери керек, лякин сонъу бирден кельмейджек, – деди.

10 # 2 Тар 15.6; Сыр 6.4 Сонъ Иса девам этип:

– Халкъ халкъкъа къаршы, падишалыкъ падишалыкъкъа къаршы котериледжеклер. 11#Фаал 11.28; Сыр 6.8, 12Шиддетли ер тепренювлери келеджек, тюрлю топракъларда ачлыкълар ве веба хасталыкълары оладжакъ. Коклерде къоркъунчлы вакъиалар ве буюк бельгилер корюнеджеклер. 12#Фаал 4.3; 17.6; 18.12; 24.1; 25.6Лякин буларнынъ эписинден эвель сизни якъалайджакъ ве къувалайджакълар, синагогаларгъа береджеклер ве зинданларгъа ташлайджакълар. Меним Адым ичюн сизни падишалар ве акимлернинъ алдына алып бараджакълар. 13О вакъыт Меним акъкъымда шаатлыкъ этерсиз. 14Акъылынъызда буны тутунъыз: озюмизни насыл къорчалайыкъ, деп эвельден азырланманъыз. 15#Фаал 6.10Мен сизни ойле бир лафкъа уста ве икметли этерим ки, сизге къаршы чыкъкъанлардан ич бириси къаршынъызгъа турып, ич бир шей айтып оламаз. 16Ана-бабаларынъыз, агъа-къардашларынъыз, достларынъыз ве сой-сопларынъыз сизни сатаджакълар, базыларынъызны исе ольдюреджеклер. 17Меним Адым ичюн эписи сизден нефретленеджеклер. 18#1 Пад 14.45; 2 Пад 14.11; Фаал 27.34Амма башынъыздан бир дане сач биле гъайып олмайджакъ. 19Сабырлы олсанъыз, озь джанынъызны къуртараджакъсыз, – деди.

Иса Ерусалимнинъ бозуладжагъы акъкъында эвельден айта

20 # Мт 24.15-21; Мк 13.14-19 – Ерусалимни ордулар сарып алгъаныны корьгенде, билинъиз: шеэрнинъ гъайып оладжакъ вакъты якъынлашкъан. 21О вакъыт Еудиеде олгъан адамлар дагъларгъа къачсынлар, шеэрнинъ ичинде олгъанлар андан чыкъсынлар, этрафларында олгъанлар шеэрге асыл къайтмасынлар. 22Бу куньлер джеза куньлери оладжакълар. О вакъыт Алланынъ Китабында язылгъаны ерине келеджек. 23#Мт 27.25; 1 Тес 2.16Шу куньлерде юклю ве бала эмиздирген къадынларгъа беля оладжакъ! Ер юзюни буюк мусибетлер беклей. Бу халкънынъ башына Алланынъ гъазабы ягъаджакъ. 24#Сыр 11.2Базылары къылычтан кечирилип оледжеклер, башкъаларыны эсирге алып, тюрлю мемлекетлерге ёллайджакълар. Халкъларнынъ вакъты битмегендже, олар Ерусалимни аякъларынен таптайджакълар.

Инсан Огълунынъ келюви акъкъында

25 # Мт 24.29-31; Мк 13.24-27 Кунеш, ай ве йылдызларда бельгилер пейда оладжакълар. Денъиз ве буюк далгъалар шувулдагъаныны эшитип, ер юзюндеки халкълар гъам-къасеветленип чаресизликке тюшеджеклер. 26Адамлар, ер юзюне келеяткъан мусибетлерни беклеп, къоркъудан нефес алмайып йыкъыладжакълар. Коклердеки кучьлер сарсыладжакълар. 27#Дан 7.13О вакъытта булут устюнде, къудрет ве буюк шан-шурет иле келеяткъан Инсан Огълуны кореджеклер. 28Бу вакъиалар юзь берип башлагъанда, догъру турып башынъызны котеринъиз, чюнки энди къуртуладжакъ вакътынъыз якъындыр!

Инджир тереги акъкъында кинаели икяе

29 # Мт 24.32-35; Мк 13.28-31 Иса оларгъа бир кинаели икяе айтып берди:

– Инджир ве башкъа тереклерге бакъынъыз. 30Оларнынъ япракълары корюнгенде, сиз бакъып, яз энди якъынлашкъаныны билесиз.

31Бойлеликнен, шуларнынъ эписи мейдангъа кельгенини корсенъиз, билинъиз: Алланынъ Падишалыгъы энди якъын. 32#Лк 9.27Сизлерге догърусыны айтам: шимдики несиль ёкъ олмаздан эвель, буларнынъ эписи оладжакъ. 33#Збр 101.26-27; Еш 51.6; 2 Пётр 3.10Кок ве ер из къалдырмайып кечерлер, лякин Меним сёзлерим кечмез.

Козь-къулакъ олып турмакъ кереклиги акъкъында

34 # Еш 24.17 Озюнъизге бакъынъыз, юреклеринъиз ахлякъсыз ишлер, сархошлыкъ ве аят къайгъылары ичюн агъыр олмасынлар. О кунь, тузакъ киби, сизге апансыздан кельмесин! 35О кунь ер юзюнде яшагъан эр бир адамны басып аладжакъ. 36#Мт 25.13; Лк 18.1; Рим 12.12; Эф 6.18; Кол 4.2; 1 Тес 5.6, 17Шу себептен эр вакъыт козь-къулакъ олып турунъыз. Бу келеджек мусибетлерден къуртулмагъа кучь тапмакъ, Инсан Огълунынъ алдында турмагъа ляйыкъ олмакъ ичюн, эр вакъыт дува окъунъыз.

37 # Мт 21.23; 26.55 Иса куньдюз Алланынъ Сарайында адамларны огрете, акъшам кельгенде исе, шеэрден чыкъып, геджесини Зейтюн дагъында кечире эди. 38Исаны динълемек ичюн, бутюн халкъ саба эрте Сарайгъа, Онынъ алдына келе эди.

Currently Selected:

Лука 21: CTB

Highlight

Copy