JOHANA 7
7
Jeso ak tupchosyekyik
1Ak kingo pata tuguuchu kowendot Jeso eng' Galilaya: amu ma cham kowendot eng' Judea, amu ki cheeng'ei Yahudik kobar ineendet. 2#A.La 23.34; NKNg'a 16.13 Ak kiga riik igoortap Yahudik, igoorto ne po keryosyek. 3Ki leenji anyun tupchosyekyik, Ui eng' oli, ui agoi Judea, si kogeer kasubiguk ak icheek poisyoniguk che iyae. 4Amu ma mi chii ne yaei kiy eng' ung'oot, ak kocheeng' kobartagei. Ngiyai tuguuchu, iboorchigei ng'wony. 5Amu agot tupchosyekyik ak icheek, koma iyan ineendet. 6Koleenji anyun `Jeso icheek, “Tom koit peetuunnyu; ago mi peetuung'wong' kotugul. 7Ma imuuchi ng'wony kowechok; ago wecho anee amu abaoryani agobo ng'wony ale yaach poisyonikyik. 8Otogosyi okweek igoorto. Tom atogosyini anee igoorita, amu tomo kosulda peetuunnyu.” 9Ak kingo kagomwachi tuguuchuuto, kota kotebi eng' Galilaya.
Koneetisye Jeso eng' Hekaluut
10Ago ye kingo togosta tupchosyekyik igoorto, kotogosta agine, ago ma ibartaatkei, ago ki wo ko uu ne ung'ootegei. 11Ki cheeng' anyun Yahudik ineendet eng' igoorto, ak kole, “Mi ano ineendet?”
12Ak ki mi kang'unyng'unyet ne oo eng' tuiyosyek agobo ineendet: amu ki le alak, Myee chiichi; kole alak, Achicha, ago imaasi tuiyet. 13Ago ma mwa chii ng'olyoo kotook agobo ineendet amu ki iywei Yahudik.
14Ago ye kingo kagoit kwenutap igoorto kotogosta Jeso kwo Hekaluut, ak koneetis. 15Kokwong'yo anyun Yahudik kole, “Kinaita ano chiichi siruutik, ago tomo koneetkei?” 16Kowolji anyun Jeso koleenji, “Kaneetisyennyu koma nenyu, ago po ineendet ne ki iyookwo. 17Ngo machei chii age tugul koyai mageennyi, konai kaneetisyoni, ngo po Kamuktaindet, anan ngamwae aneege. 18Ineendet ne mwaei che chechiik ineegei kocheeng'ei toroornatennyi: ago ne cheeng'ei toroornatetap ne ki iyook ineendet ko po iman, ama mi kiy ne ma po imanda eng' ineendet. 19Tos ki ma koonok Musa Ng'atuutyet, ago ma mi chii eng' okweek ne yaei Ng'atuutyet? Amu nee si ocheeng'e obara?” 20Kowol tuiyet, kole, “Itinye oindet: cheeng'ei ng'oo kobarin?”
21Kowolji Jeso koleenji, “Ki ayai poisyet agenge, ak okwong'ye okweek tugul. 22#Tau 17.10; A.La 12.3 Kigoonok Musa kamuratanet amu nooto (ago ma po Musa, po kwanisyek); ak omuratani chii eng' sabato. 23#Jhn 5.9 Ngeyatitoi chii eng' peetuutap sabato, si ma putok Ng'atuutyetap Musa, ko tos onereekyino, amu kaasoop chii komyee eng' peetuutap sabato? 24Amorwooch ko uu ye ogeere, ago orwooch kirwooget ne po imanda.”
Tos ma Jeso ni?
25Ki mwa alak eng' chooto po Jerusalem kole, “Ma ineendet ni ne kocheeng'ei icheek kobar? 26Ak ogeero, mwaitooti kotook, ama mwachi kiy icheek ineendet. Tos ingen pounik komyee kole, niito ko Kristo? 27Ago kingen ole punu chiichi: ago ye nyo Kristo, koma naei chii ole punu.”
28Ki ng'alaal anyun Jeso eng' kutit ne oo eng' Hekaluut, koneetisyei, kole, “Ongeno, ak ongen ole abunu; ak kama anyoo aneege, ago po iman ineendet ne ki iyookwo, ne mongen okweek. 29Angen ineendet; amu abunu ineendet ak ki iyookwo ineendet. 30Ki cheeng' anyun pichooto konam ineendet: ama nam chii ineendet, amu kitom koit peetuunnyi. 31Ak ki iyan ineendet che chaang' che po tuiyet; ak ki le, Ye nyo Kristo, ko tos yai kaboorunoik che siirei cho koyaei chiichi?”
Ketyemei kenam Jeso
32Kigasei Pharisaik kong'unyng'ung'jin tuiyet tuguuchuuto agobo ineendet; ak ki iyook tisiik che eecheen ak Pharisaik kiptainik kobwa konam ineendet. 33Kole Jeso anyun, Ta ami kobootok ne matya, si awo ole mi ineendet ne ki iyookwo. 34Tuun ocheeng'a, amonyoorwo: ak ole ami, ko momuuchi obwa. 35Komwachigei anyun Yahudik kole, “Wendi ano chiichi si ma kinyooru ineendet? Tos wendi ole mi icheeget che ki koiyestoochi Yunanik, si koneet Yunanik? 36Nee anyun ng'olyoondoni kamwa, kole ocheeng'a, amonyoorwo! Ak ole ami, ko momuuchi obwa?”
Peek che saptos
37 # A.La 23.36 Eng' peetuut ne po let, peetuunooto oo po igoorto, kotonon Jeso ak komwa eng' kutit ne oo, kole, “Ngo amei chii melel, ko ingonyoonjo, ak koe. 38#Ezk 47.1; Zek 14.8 Ineendet ne iyana, ko uu ye ki komwa siruutyet, kole punu moennyi ainoosyegap peek che sabei. 39Ago ki mwaei niito agobo Kabuuset ne Tiliil, ne tuun taachei icheek che iyani ineendet: amu ki tom kegon Kabuuset ne Tiliil; amu kitom kitoroor Jeso.”
Kobiitu toiyet
40Ye kingo kas alak che po tuiyet ng'aleechuuto, kole, “Niito maotyot iman. 41Kole alak, ‘niito ko Kristo.’ Ago ki le alage, ‘tos punu Kristo Galilaya?’ 42#2Sam 7.12; Mik 5.2 Ma mwa siruutyet, kole, ‘mang'une Kristo kesweek che po Daudi, ak kobun Bethlehem, nganaseet ole ki mi Daudi?’ ” 43Ki piit anyun toiyet eng' tuiyet agobo ineendet. 44Ak kimach alak konam ineendet; ago ma nam chii ineendet.
Rutoito ne po Kiptainik
45Ki pwa anyun kiptainik ole mi tisiik che eecheen ak Pharisaik; ak koleenji, “Kalya si momutu ineendet?” 46Kowol kiptainik kole, “Kitom kong'alaali chii ko uu ni.” 47Kowolji anyun Pharisaik icheek, koleenji, “Kagibeetook ak okweek? 48Ki koyan ineendet age tugul eng' pounik, anan eng' Pharisaik? 49Ago chubootiin pichu che ma naei Ng'atuutyet.”
50 # Jhn 3.1-2 Ki leenji Nikodemo (ne kigawo ole mi ineendet atkinye tai, ne ki age eng' icheek), 51Tos irwookyin chii Ng'atuutyennyo, kotom kegas ng'aleekyik ak kenai kiit ne yaei? 52Kowolji anyun ineendet koleenji, “Ii po Galilaya aginye? Cheeng', ak igeer amu ma mang'une Galilaya maotyondo.”
Komachei siriik ak Pharisaik kole kelach kobogoryot
53Ki wo chii tugul anyun koonnyi:
Currently Selected:
JOHANA 7: KALDC
Highlight
Share
Copy
Want to have your highlights saved across all your devices? Sign up or sign in
Kalenjin Revised Bible Catholic Edition © Bible Society of Kenya, 2015.
