Johannes 19

O DESCHUINJATO KAPITLO.

1Dai lass o Pilatus ä Jesuskas dai muklass de maren les Schugnanssa. 2Ä Gatani gerdä anda Karnen et Korona dai schudä la ande lesko Schero dai et lolo Subuno schudä bre les. 3Dai penennas: Droboyto, Graiya bey Jidowi dai malawnas les Balmi. 4Dai gelass o Pilatus bale awri dai pendass lenge: Diken, angla dume igraw les, hod de diken, hod tschi raklem Doosch ande les. 5O Jesuska awilass awri ä Karnenga‐Koronassa dai ä lole Subunossa. Pilatus pendass lenge: Diken, ssosko et Manusch! 6Gana ä Bare‐Raschaiya dai ä Bedenterra les diklä, zibindä mindjar: Bo Truschul lessa! Bo Truschul lessa! O Pilatus pendass lenge: Len les dume dai maren les bo Truschul; me tschi rakaw Doosch ande les. 7Ä Jidowi pendä: Ss’amen et Griessi dai ba godi Griessi ssite merel: Ga woï gerdass pe o Schawo ä Dewlesko. 8Gana o Pilatus godola Worbi schundass, darailo inke mai but. 9Dai gelass bale ande ande Griessinako Kher dai pendass ä Jesuskaske: Katar awilan? O Jesuska tschi dass les anglal. 10Dai pendass o Pilatus leske: Tschi worbis manza? Tschi janes, hod man ssi i Soor wai de murdaraw tu dai i Soor wai de mukaw tu? 11O Jesuska pendass leske! Tut tschi awellass Soor bra ma, hat dena awilo tuke opral dini; hamen sso man tute dass, godoles mai bari Doosch ssi. 12Katar godo Pilatus birellass de mukel les. Ä Jidowi zibindä. De mukessa les, hat tschi awessa ä Grayesko Amal. Gon gerel pe Grai, hat godo bo baro Grai ssi. 13Gana o Pilatus godo schundass, anadass Jesuskas awri dai beschlass be Griessinako Skamin, sso dordjollass bo Tann, sso buschol Barako‐Pflasteri, ebraitzko „Gabatha“. 14Worta Baraschtuje ssass anglei Batradji bo schowto Schasso, dai pendass ä Jidowonge: Dikenda, etta dumaro Grai. 15Won zibindä hamen: Inscha, inscha godolessa, bo Truschul lessa! Penellass Pilatus lenge: Dumare Grayes de marawaw bo Truschul? Ä Bare‐Raschaiya zibindä: Nai amen awer Grai ssar o baro Grai. 16Dai dass ä Jesuskas leske, hod bo Truschul de maren les. Dai linnä ä Jesuskas dai igerdä les kote. 17O Jesuska gorkori igerlass besko Truschul. Dai gelass ga o Tann, sso buschollass „Godjako‐Tann“, ebraïtzko „Golgatha“. 18Kote mardä les duye awre Jenenssa bo Truschul; ä Jesuskas maschgaral. 19Bey Jesuskasko Truschul muklass o Pilatus de skirin: Jesuska andey Nazareth, o Grai bai Jidowi. 20Godo Skirimo but Jidowi ginennas, ei o Tann basche ssass bascha Foro, ga o Jesuska opre ssass mardo. 21Dai pendä ä Bare‐Raschaiya ä Pilatusoske: Na skirin o Jidowongo Grai, hamen woï pendass: Me ssim ä Jidowongo Grai. 22O Pilatus pendass lenge: Sso me skirindem, hat godo skirindem. 23Ä Gatani linnä, gana ä Jesuskas mardä bo Truschul, leske Gada dai uladä le starigal, ssakona Gatana jek Agur. Dai ssass o Subuno anda jeke Agures, bissudo, de katar opral ji delal and’ot Kotor gerdo. 24Dai pendä jek awreske: Na mukas gadales de ulawas, hamen de schudas ä Kardji gasko awla. Hod o Skirimo de jal ande, ssawo penel: Won linnä mure Gada, dai uladelä dela pe, dai ba muro Subuno schudä i Kardja. Getssawo gerdä ä Gatani. 25Bascha Truschul dordjollass ä Jesuskaski Deý dai godolaki Penn, i Maria, i Romni ä Kleophaseski dai i Maria Magdalena. 26Gana o Jesuska beska Deya diklass, dai ä Johannes, pendass beska Deyake: Schuwle, dikta, etta tscho Schawo. 27Dai wi beske Ssogalowaske pendass: Dikta, kuki tschi Deý! Katar godo Tschasso lass o Johannes a Maria beste. 28Bala godo, gana o Jesuska janglass, hod ssa ssite awilas, sso o Skirimo penel, pendass: Truschalo ssim! 29Kote ssass et Piri perdo Schudessa. Dai won linnä et Girpa, perdä les Schudessa dai schudä les ba’t Desto dai igerdä les angla Jesuskasko Muiy. 30Gana o Jesuska o Schud lassass, pendass woï: Akanik gerdo. Dai bandjardass besko Schero dai mulass. 31Ä Jidowi, ga Baraschtuje angla Batradji ssass, hod ä Mule de na aschen bo Truschul, manglä ä Pilatos, hod lenge Burne de pagen dai de len le dele. 32Dai awilä ä Gatani dai paglä ä Jekeske Burne dai ä Awereske, sso lessa opre ssass mardo. 33Ssar ga o Jesuska awilä, diklä ga mulass dai tschi paglä leske Burne. 34Hamen et Gatana baladass beski Lantscha ande leski Ija dai folindass Ratt dai Bayi. 35Dai godo, sso godo diklass, schai del Hiro ba godo, dai lesko Hiro Tschatschimo; dai woï janel hod Tschatschimoy, hat wi dume de badschan. 36Anda godo ssass godo, hod o Skirimo de awel Tschatschimo: Dume leske Burne de na pagen. 37Dai et awer Skirimo penel: Won dikna ande ssawo won pussadä. 38Bala godo rudjindass o Joseph andey Arimathia, sso et Ssogalowo ä Jesuskasko ssass, tschoriganes Daratte angla Jidowi, ä Pilatos, hod de schai lel dele ä mule Jesuskas. Dai Pilatus muklass les. Dai awilass dai lass ä mule Jesuskas ba Truschul. 39Wi o Nikodemus, sso jekwar ratschi awilass ga o Jesuska, andass Myrrhe dai Aloe — schell Pfundi ssass. 40Dai linnä ä mule Jesuskas dai schudä les ande Diklen ä Drabenssa, ssar ä Jidowongo Ssogaschi ssass de brachon. 41Baschei Umblade Bela, ga opre ssass mardo, ssass et Baar; dai ande godi Baar ssass et newi Kripta, ande ssawi konig nass inke schudo. 42Dai schudä ä Jesuskas kote andai Jidowongi Baraschtuyi angla Batradji — ga i Kripta basche ssass.

Currently Selected:

Johannes 19: LOV1930

Highlight

Copy