Johannes 20

O BIJTO KAPITLO.

1Ando Gurkesko angluno Djes awilass i Maria Magdalena hainalba Tunarikossa ga i Kripta dai diklass, hod ga o Bar anglei Kripta rigatei. 2Dai naschellass ga o Petrus dai ga o awer Ssogalowo, ssawes o Jesuska gamellass dai penel lenge: Won linnä ä Raiyes andai Kripta, dai tschi janas, hod ga schudä les. 3Dai gelass o Petrus dai o awer Ssogalowo awri dai awilä ga i Kripta. 4Ä duy Jene naschlä ketane, dai o awer Ssogalowo mai ssigo naschlal ssar o Petrus, dai awilass anglunes ga i Kripta. 5Dikel ande dai dikel ä Dikle schude; de voï tschi gelass ande. 6Dai reslass wi o Petrus dai gelass ande dai diklass ä Dikle ga ssi kote schude. 7O Diklo, sso bai Jesuskasko Schero ssass panglo, nass baschei awera Dikle schudo, hamen gorkori, ketane gerdo, bascha’t awer Tann. 8Wi o awer Ssogalowo ande gelass, sso anglunes awilass baschei Kripta, diklass dai badschandass. 9Ei tschi janennas inke o Skirimo, hod bey Mule ssite uschtel opre. 10Dai gelettar ä Ssogalowura bale Khere. 11I Maria anglei Kripta dordjollass dai rowellass awral. Ssar rowellass, diklass ande andi Kripta, 12dai diklass duye Andjelon, ande barne Gaden, beschlä kote, o jek baschei Burne, o awer baschei Schero, ga o mulo Jesuska baschlolass. 13Dai godola pendä lake: Schuwle, sso rowes? Woï pendass lenge: Mure Raiyes linnä, dai me tschi janaw, hod ga schudä les. 14Dai ssar godo pendass, boldass pe dai diklass ä Jesuskas, ssar dordjollass de tschi janellass, hod o Jesuska ssi. 15O Jesuska penel lake: Schuwle, sso rowes? Gas rodes? Woï gindiyass, hod o Gerdissiy dai penel leske: Raiya, tu igerdan les, hat pen mange ga schudan les, hod de schai anaw les. 16O Jesuska penel lake: Maria! Dai boldass pe dai penel leske: Rabbuni, godo buschol: Meisterinna. 17Pendass lake o Jesuska: Na absa mande. Ei tschi gelem inke opre ga muro Datt. De ja ga mure Pral dai pen lenge: Ga muro Datt jaw opre dai ga dumaro Datt, ga muro Del dai ga dumaro Del. 18Maria Magdalena awilass dai pendass ä Ssogalowonge: Me ä Raiyes diklem; dai godo pendass mange. 19Peradscha ande godo Gurkesko angluno Djes gidinä pe ä Ssogalowura ketane. Daratte ä Jidowondar ssas ä Wudara ande pandade; dai awilass o Jesuska maschgaral ande le dai pendass lenge: Batscha dumenssa! 20Dai gana godo pendass, ssigadass lenge beske Wast dai beski Ija; dai bukurindä pe, gana ä Raiyes diklä. 21Dai pendass lenge o Jesuska bale: Batscha dumenssa! Ssar man muro Datt sso bischadass, hat gade bischawaw me dumen. 22Dai gana godo pendass, purdass bre le dai pendass lenge: Len ä Sswunto Odji. 23Gaske ä Binura mukna, hat godolenge de awen mukle; dai gaske tschi mukna le, hat godolenge dena awen mukle. 24O Thomas, jek andey deschuduy ssawo buschollass Gedescho nass basche gana o Jesuska lende awilossass. 25Dai pendä leske ä awera Ssogalowura: Ame ä Raiyes diklam. Woï pendass lenge: Ssite dikos me ä Schebura ande leske Wast, dai muro Wast de schuwaw ande leski Ija, hat aduntschi badschos. 26Ba ochto Djessen bale ä Ssogalowura ketane ssass, wi o Thomas basche ssass. Andai pandade Wudara awilass o Jesuska ande dai pendass lenge: Batscha dumenssa! 27Bala godo pendass ä Thomaseske: Ande tschä Naja dai dik mure Wast, dai schuw tscho Wast ande muri Ija dai aw badschamango na bi badschamango. 28O Thomas dass anglal dai pendass leske: Muro Rai dai muro Del! 29Ale o Jesuska leske: Gana man diklan, Thomas, hat badschas. Bachtaley godola, ssawe tschi diken, deissa badschan. 30Wi awera Baiyura gerdass o Jesuska angla beske Ssogalowura, sso nai ande gadi Genwa skirime. 31De gadala anda godo skirime, hod dume de badschan, hod o Jesuska o Christus ssi, o Schawo ä Dewlesko dai anda dumaro Badschamo, de gabin o Draiyo ande lesko Anaw.

Currently Selected:

Johannes 20: LOV1930

Highlight

Copy