Johannes 21

O BISCHDAIJEKTO KAPITLO.

1Bala godo ssigadass pe o Jesuska bale ä Ssogalowonge baschey Dunera, garing i Tiberias. 2Aduntschi ssigadassass pe gade: Ketane ssass o Petrus dai o Thomas, ssawo buschol Gedescho, o Nathanaël andai Kana andi Galiläa dai ä Schawe ä Zebedäus dai duy awera Ssogalowura. 3Penel o Petrus lenge: Me jaw de maschasiy. Ä awera pendä leske: W’ame tussa jas. Dai gelä awri and’et Gompo, dai ande godi Rat, de tschi chutildä kantschi. 4Ssar o Hainalbo awilass, dordjollass o Jesuska bo Bardo; de ä Ssogalowura tschi janennas, hod woï ssi. 5Penel o Jesuska lenge: Schawalle, nai dume de chan kantschi? Won pendä leske: Nai. 6Woï pendass lenge: Schuden o Halowo be tschatschi Gomposke Rik, hat godo chutilna. Dai schudinä, dai tschi birinas awri de zirden les, getschi Masche ssass. 7Ale o Ssogalowo, ssawes o Jesuska gamellass, ä Petruseske: Woï ssi, o Rai! Gana o Petrus godo schundass, hod o Rai ssass, wastass pre pe o Gat, ga nango ssass, chuklass ande andi Dunera. 8Ä awera Ssogalowura awilä bey Gala, ga nass dur a Puwatar, ferri schell Metera, dai zirdennas o Halowo ä Maschenssa. 9Gana bo Bardo reslä, diklä Ujaro dai opre Maschen dai Marno. Penel Jesuska lenge: 10Anen andey Masche, sso akanik chutildan! 11O Petrus gelass ande dai zirdass o Halowo awri dai ssass ande schell dai banschwardesch dai trin bare Masche. Deissa gade but ssass, o Halowo tschi tschindjilo. 12Pendass lenge o Jesuska: Awen dai chan. Konig andey Ssogalowura dromande de puschen, hod goni? dai won janennas, hod o Rai ssass. 13Dai awel o Jesuska dai del le o Marno dai ä Masches. 14Godo ssass bo tritto, ga o Jesuska beske Ssogalowonge ssigadassass pe, gana woï katar ä Mule opre uschtilossass. 15Ssar chalässas, pendass o Jesuska ä Petruseske: Tu man, Petrus, mai feder games ssar gagala? Woï pendass leske: Jo, Raiya, tu janes, hod gamaw tu. Pendass woï leske: Chachaw mure Bakroren. 16Bale o Jesuska pendass leske: Simon Petrus, games ma? Woï pendass leske: Jo, Raiya, tu janes, hod gamaw tu. O Jesuska pendass: Chachaw mure Bakren. 17Pendass leske bo tritto: Petrus, games ma? O Petrus brigako ssass, ga bo tritto puschlass lestar, hod gamel les. Dai pendass leske: Raiya, tu ssako Baiyo janes, tu janes, hod gamaw tu. Pendass leske o Jesuska: Chachaw mure Bakren! 18Tschatschimassa, Tschatschimassa, me penaw tuke: Gana derno ssanas, pandessas tu gorkori dai jassas kote, ga tu gamessas; de tu de purossa, hat tsche Wast lundjaressa awri dai et awer pandella tu dai igrella tu ga tu tschi gamessa. 19Anda godo penellass o Jesuska godoy Worbi, hod o Petrus de janel ssoske Mermassa ä Dewles ascharla. Dai gana godo pendass leske, pendass: Awtar bala ma! 20O Petrus boldass pe dai diklass ä Ssogalowos, sso o Jesuska gamellass, dai sso mindig be lesko Kolin baschlolass dai pendassass: Raiya, gon ssi, gon tut awri biria? 21Gana o Petrus godoles diklass, pendass: Raiya, ei gagalessa sso awla? 22Jesuska pendass leske: Ei, me de gamos, hod de aschel, mek me awo, ssoski Briga chal tu kote? 23Awtar tschak tu bala ma! Dai kotar gelä ä Worbi delai Prall: Gado Ssogalowo tschi merel. De o Jesuska tschi pendassass, hod tschi merel, hamen: Me de gamos, hod de aschel, mek bale tschi awo, ssoski Briga chal tut ande? 24Gado godo Ssogalowo, sso ba godey Baiyura Hiro del dai skirindass godo; dai ame janas, hod lesko Hiro Tschatschimoy. 25Wi but awera Baiyura ssass, sso o Jesuska gerdass; de ssako Baiyo de awellass opre skirime, hat penos, tschi awennass dai tschi birennass i Luma de ginel le.

Currently Selected:

Johannes 21: LOV1930

Highlight

Copy