Génesis 40
40
José ndachro keꞌe ruchro kayui kuthachrin
1Are ujuexin kuꞌen kain jiꞌi, xi bagajon vino ngain rey ko baketuꞌan ngain ni bakunchjeeya vino, ko xi baketuꞌen ni banchechjian niuthja jianꞌa binthencheꞌe ngain faraón. 2Ko guñao faraón, rey Egipto, ngain kayui xi ncheꞌe xra teꞌi, xi thetuꞌan ngain ni thekia vino ko thi thetuꞌan ngain ni nchechjian niuthja. 3Ko kuetuꞌan xa biaxiꞌin xi teꞌi ngain nduꞌa xiiso, xrajeꞌo thi biaxiꞌin José. 4Xi thetuꞌan nduꞌa xiiso kuetuꞌen xa José senda kayui xi teꞌi, ko see binthe na̱ ngain nduꞌa xiiso.
5Ko naa thi̱e yui xii teꞌi binthekuxinxin xa, ko nanaa thi kuxinxin xa jejee ruchro. 6Ko nduexin dakao are José juii bitsjeꞌe xii teꞌi, bikon ixin tatechiin xa. 7Mexinxin banchiangi:
—¿Unda anto tatechiꞌin ra jai?
8Ko binthendachro xa:
—Kayui ná kuxinanxin ná ko xruꞌin kensen nchao ndachjejin ná keꞌe ruchro thi kuxinanxin ná.
Ko ndachro José:
—Ndo Dio nchao rundachro Ndo keꞌe ruchro thi kuxianxin ra, thekina ni ra thi kuxianxin ra.
9Kuthimejan xi baketuꞌen ni bakunchjeeya vino kuekiin xa José thi kuxinxin xa:
—Ngain kuthachrina bikon naa ntha uva, 10ko ntha uva mee bechunda nii chaan ntha, ko jiduanma ntha tsjo ko bangibeꞌo tho uva. 11Ko jaꞌan barichunda ngaa rana thi dixin vino xi rey, ko bageni tho uva ko bagingo ndee tho ngaa copa. Ko jaꞌan bagakee ngaa raa faraón thi dixin vino.
12Ko ndachro José:
—Jiꞌi ruchro kuthachrian: thi nii chaan ntha uva, mee ruchro nii nchaꞌon, 13ko nthiꞌi nii nchaꞌon xi rey sinthatjañaꞌa xa jie̱ ko sinthakjan xa ngain xraa ixin tsetuꞌen ni tunchjeeya vino. 14Nthatsaꞌan ñao xraxaon ixin jaꞌan are rukjan ngain xraa ko nichjaxin na ngain xi faraón, ¡ko santsjexin na nthiꞌi! 15Jaꞌan kueꞌna na na̱ ngain nuntheꞌe ni hebreo, ko biaxina ko xruꞌin jianꞌa binthaꞌa.
16Ko are xi thetuꞌen ni nchechjian niuthja kuiꞌin ixin jian batheꞌe José ixin keꞌe ruchro kuthachrin, jeꞌe ndachro:
—Kai jaꞌan kuxinanxin ixin jitaꞌa jana nii nthaxra niuthja. 17Thi nthaxra beꞌe nui jejee niuthja bengaa ntha ixin rujine faraón, aro kunthua bakii ba ko bane ba niuthja jingaa ntha.
18Kuthimejan José batheꞌe:
—Thi kuxianxin suixin ruchro: ixin kanii nthaxra, yaa ruchro nii nchaꞌon. 19Ko nthiꞌi nii nchaꞌon faraón rutsjeꞌe thi bincheꞌe ko sinthaꞌa jie̱ ko tsetuꞌan ixin tserianda na̱ ngain naa nthaa, ko kunthua siji ba ko sixra ba nthauꞌa.
20Ko ngain nchaꞌon ninxin kiee faraón, ko ruaꞌan kunchjian naa kiai ixin rujinekaꞌo kain ni nchexree. Ko nthiꞌa ngathexin kon kain ni nchexree ruaꞌan bixrakua ngain nduꞌa xiiso xi thetuꞌen ni tunchjeeya vino ko xi thetuꞌen ni nchechjian niuthja ixin rukii na̱. 21Ko xi rey binchekjan ngain xree xi thetuꞌen ni tunchjeeya vino, ko kjan bajon vino ngain faraón. 22Ko xi thetuꞌen ni banchechjian niuthja kuerianda na̱, ko jañaa kuꞌen thi ndachro José.
23Aro xi thetuꞌen ni dajon vino ndatjañeꞌe xa ixin José.
Currently Selected:
Génesis 40: plsNT
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc. All rights reserved.
