يُحَنَّ 12
12
مَرِيَمَ رُڢِ عُورْدِ دٛوْ کٛسْطٜ عِيسَى
(مَتَّ 26:6-13؛ مَرْکُسْ 14:3-9)
1لُتِّ بَلْطٜ جٛوٜىٰغٛ حَا جُولْدٜ ݠَسْکَ وَطَ؞ عِيسَى يٜحِ بَيْتَنِيَ، وُرٛ لَازَرُسْ مٛ عِيسَى عُمِّتِنّٛ دِغَ مَايْدٜ؞ 2ࢡٜمبَطَنِمٛ ࢩَامْدُوجِ حَا تٛنْ؞ مَرْتَ طٛنّٛ حٛکَّ ࢡٜ ࢩَامْدُ، لَازَرُسْ طٛنّٛ شَکَ ࢩَامْدَنْࢡٜ بٜى عِيسَى؞ 3ندٜنْ مَرِيَمَ حٛوعِ عُورْدِ نَرْدِ لَاࢡْندِ شَطْندِ مَسِنْ بَاکِنْ رٜىٰتَ لِيتِرْ، رُڢِ ندِ دٛوْ کٛسْطٜ عِيسَى، ندٜنْ عٛيِغِّ طٜ بٜى غَاسَ حٛورٜ مَاکٛ؞ سُودُ ڢُو حٜىٰوِ عُورٜىٰنغَ عُورْدِ مَاجُمْ#لُکَ 7:37-38؞؞ 4يَحُودَ عِسْکَرِيٛتْ، غٛوتٛ ندٜرْ ݠُکَرَعٜنْ عِيسَى، زَمْبٛتٛوطٛ مٛ وِعِ: 5«کٛنِ ࢡٜشٛورَّايْ عُورْدِ ندِعِ بَاکِنْ شٜىٰدٜ شَرْدِ تٜىٰمٜطّٜ تَتِ نغَمْ ࢡٜندٛکَّ تَلَکَعٜنْ؟» 6عٛوِعِ طُمْ نَا نغَمْ عٛعٜنْطِ تَلَکَعٜنْ، عَمَّا نغَمْ عٛ غُجّٛ؞ کَنغْکٛ وٛنِ جٛغٛووٛ بٛورٛ شٜىٰدٜ، عٛطٛنْ وُجَّ شٜىٰدٜ طٜ ࢡٜکَلْڢِنِمٛ؞ 7عَمَّا عِيسَى وِعِ: «عَشّٜ دٜبّٛ عٛو، عٛعَارْتِ وَطُغٛ طُمْ نغَمْ ࢩَلَادٜ عُوٜىٰکِ عَمْ؞ 8تَلَکَعٜنْ نغٛنْدَنْ بٜى مٛوطٛنْ ڢٛرٛيْ، عَمَّا مِنْ مِوٛنْدَتَا بٜى مٛوطٛنْ ڢٛرٛيْ#تٛوکْتَاکِ تَوْرٜىٰتَ 15:11؞؞»
دَبَرٜ مبَرُغٛ لَازَرُسْ
9يَحُودُعٜنْ طُوطْࢡٜ نَنِ عِيسَى طٛنْ حَا بَيْتَنِيَ؞ ࢡٜنجٜحِ تٛنْ، نَا نغَمْ دَلِيلَ عِيسَى تَنْ، عَمَّا نغَمْ لَارُغٛ لَازَرُسْ مٛ عِيسَى عُمِّتِنّٛ دِغَ مَايْدٜ بٛو؞ 10مَوْࢡٜ لِمَنْعٜنْ مبَطِ عَنِّيَ مبَرُغٛ لَازَرُسْ بٛو، 11نغَمْ دَلِيلَ مَاکٛ، يَحُودُعٜنْ طُوطْࢡٜ عَشِّ ࢡٜ، نُطِّنِ عِيسَى؞
عِيسَى نَسْتِ عُرُسَلِيمَ
(مَتَّ 21:1-11؛ مَرْکُسْ 11:1-11؛ لُکَ 19:28-40)
12جَنغٛ مَنْ، مٛوࢡْرٜ يِمْࢡٜ وَرْࢡٜ نغَمْ جُولْدٜ ݠَسْکَ غٛ نَنِ عِيسَى طٛنْ وَرَ حَا عُرُسَلِيمَ؞ 13ࢡٜکٛوعِ لِشٜ دِبِنٛوجٜ، ࢡٜنجٜحِ ڢٛتّٛيْغٛ بٜى مَاکٛ، ࢡٜطٛنْ نغٛوکَ بٜى سَوْتُ: «حٛسَنَّ! بَرْکَ لَاتَنٛ لَامِيطٛ إِسْرَاءِيلَ، غَرَنْطٛ بٜى عِنْدٜ جَوْمِرَاوٛ#جَبُورَ 118:26؞!» 14عِيسَى تَوِ وَمْندٜ مٛلْدٜ، وَعِّ ندٜ، بَنَ کٛ وِنْدَ ندٜرْ دٜڢْتٜرٜ:
15«تَا حُلْتٛرْ، عَنْ بٜرْنِوٛلْ سِيٛنَ!
ندَا، لَامِيطٛ مَاطَ طٛنْ وَرَ،
عٛطٛنْ وَعِّ وَمْندٜ مٛلْدٜ#جٜکَرِيَ 9:9؞؞»
16سَاعِ مَنْ ݠُکَرَعٜنْ مَاکٛ ݠَامَايْ طُمْ تَوٛنْ؞ عَمَّا ندٜ عِيسَى تٜدِّنَامَ، ࢡٜشِڢْتٛرِ، طُمْ بِنْدَاطُمْ دٛوْ مَاکٛ ندٜرْ دٜڢْتٜرٜ، کَنْجُمْ ࢡٜنغَطَنِمٛ طُمْ؞
17سَاعِ عِيسَى عٜوْنِ لَازَرُسْ، وُرْتِنّٛ مٛ يٜنَاندٜ، عُمِّتِنّٛ مٛ دِغَ مَايْدٜ، يِمْࢡٜ طُوطْࢡٜ طٛنّٛ تٛنْ؞ کَمْࢡٜ ࢡٜتٛکِّ سٜىٰدَاغٛ؞ 18نغَمْ مَاجُمْ مٛوࢡْرٜ طُوطْندٜ وَرِ ڢٛتُّغٛ بٜى عِيسَى، نغَمْ ࢡٜنَنِ حَالَ کَايٜىٰڢِوٛلْ نغٛلْ عٛوَطْنٛ؞ 19ندٜنْ ڢَرِسَعٜنْ مبِعْمبِعْتِرِ حَکُّندٜ مُوطُمْعٜنْ: «ندَا، کٛ عٜنْ مبَطِ ڢُو نَڢَايْ کٛو طُمٜ، نغَمْ دُنِيَارُ ڢُو طٛنْ تٛکّٛ مٛ؞»
يُنَنِنغْکٜعٜنْ وٛطْࢡٜ طَࢡِّتِ عِيسَى
20يُنَنِنغْکٜعٜنْ#12:20 يُنَنِنغْکٜعٜنْ مَلَّ غِرٜکْعٜنْ؞ وٛطْࢡٜ طٛنّٛ شَکَ وَرْࢡٜ حَا عُرُسَلِيمَ نغَمْ سُجِدَنْغٛ اَللَّه سَاعِ جُولْدٜ؞ 21ࢡٜنغَرِ حَا ڢِلِݠْ مٛ وُرٛ مُوطُمْ بَيْتِسَيْدَ ندٜرْ لٜسْدِ غَلِيلِ، ࢡٜمبِعِمٛ: «مٛودِبّٛ، مِنْ نغِطِ لَارُغٛ عِيسَى؞» 22ڢِلِݠْ يٜحِ يٜشِّ طُمْ عَندِرٜ، ندٜنْ ࢡٜ طِطٛ ڢُو ࢡٜنجٜحِ، ࢡٜنغٜشِّ طُمْ عِيسَى؞ 23عِيسَى جَابِ ࢡٜ: «سَاعِ وَطِ جٛنْتَ، حَا ࢡِي-نٜطّٛ حٜࢡَ تٜدُّنغَلْ؞ 24غٛونغَ مِوِعَتَ عٛنْ: تٛ وَبّٜرٜ عَلْکَمَارِ عُوَاکَ ندٜرْ لٜسْدِ، تٛ ندٜ وَاتَايْ، ندٜ جٛوطٛتٛ ڢٜىٰرٜ مَارٜ؞ عَمَّا تٛ ندٜ وَاتِ، ندٜ رِمَنْ غَبّٜ طُوطّٜ؞ 25کٛو مٛيْ يِطِ يٛنغْکِ مُوطُمْ، مَجِّنَنْ کِ؞ عَمَّا کٛو مٛيْ وَࢩِ يٛنغْکِ مُوطُمْ ندٜرْ دُنِيَارُ ندُعُ، عَيْنَنْ کِ حَا ڢٛرٛيْ#مَتَّ 10:39؛ 16:25؛ مَرْکُسْ 8:35؛ لُکَ 9:24؛ 17:33؞؞ 26سٜيْ کُووَنٛووٛ يَمْ ڢُو تٛکّٛ يَمْ، نغَمْ حَا عٛوٛنَ حَا نغٛنْمِ؞ کٛو مٛيْ لَاتَکٜ کُووَنٛووٛ يَمْ، بَابِرَاوٛ عَمْ تٜدِّنَنْ مٛ؞»
عِيسَى وٛلْوِ حَالَ مَايْدٜ مُوطُمْ
27عِيسَى وِعِ: «جٛنْتَ ࢡٜرْندٜ عَمْ سَکْلِ؞ طُمٜ مبِعَنْمِ؟ مِوِعَ بَابِرَاوٛ حِسْنَمِّ تٛرَّ سَاعِيرٜ ندٜعٜ نَ؟ عَمَّا ڢَکَتْ مِوَرِ نغَمْ مِتٛرّٛ ندٜرْ سَاعِيرٜ ندٜعٜ؞ 28بَابِرَاوٛ، تٜدِّنْ عِنْدٜ مَ؞» ندٜنْ سَوْتُ عِوِ دِغَ عَسَمَ، وِعِ: «مِتٜدِّنِ ندٜ، مِتٜدِّنَنْ ندٜ ڢَحِنْ؞»
29يِمْࢡٜ وٛنْࢡٜ تٛنْ نَنِ سَوْتُ مَاجُمْ، ࢡٜمبِعِ: «طُمْ رِغَّانغٛ؞» وٛطْࢡٜ مبِعِ: «مَلَاعِکَاجٛ وٛلْوَنِمٛ؞» 30عَمَّا عِيسَى وِعِ ࢡٜ: «سَوْتُ عٛو وَرَايْ نغَمْ عَمْ، عَمَّا طُمْ وَرِ نغَمْ مٛوطٛنْ؞ 31جٛنْتَ وٛنِ سَاعِيرٜ کِيتَ دُنِيَارُ ندُعُ؞ جٛنْتَ لَامِيطٛ دُنِيَارُ ندُ وُدِنَامَ حَا يَاسِ؞ 32مِنْ، تٛ مِࢡَنغْتَامَ دِغَ لٜسْدِ، مِڢٛوطَنْ يِمْࢡٜ ڢُو حَا عَمْ؞» 33بٜى بٛلّٜ طٜعٜ عٛتِنْدِنِ عِرِنْ مَايْدٜ ندٜ عٛتَمِّ مَايُغٛ؞ 34يِمْࢡٜ مبِعِمٛ: «مِنْ نَنِ ندٜرْ تَوْرٜىٰتَ نٛ اَلْمَسِيحُ دُومٛتٛ؞ کَدِ نٛيْ عَوِعْرَتَ: حَانِ ࢡِي-نٜطّٛ ࢡَنغْتٜ؟ مٛيْ وٛنِ ࢡِي-نٜطّٛ مَنْ#جَبُورَ 110:4؛ عٜسَايَ 9:6؛ عٜزٜکِيٜلْ 37:25؛ دَنِيٜلْ 7:14؞؟» 35عِيسَى جَابِ ࢡٜ: «أَلنّٛورَ طٛنْ وٛنْدِ بٜى مٛوطٛنْ وَکَّتِ سٜطَّ تَوٛنْ؞ نغَانْشٜ سَاعِ عٛنْ نغٛودِ أَلنّٛورَ، نغَمْ تَا ࢩِࢡْرٜ جُحَ عٛنْ، نغَمْ جَحَنْطٛ ندٜرْ ࢩِࢡْرٜ عَنْدَا حَا عٛيَحَتَ؞ 36ندٜ أَلنّٛورَ طٛنْ وٛنْدِ بٜى مٛوطٛنْ، نُطِّنٜ أَلنّٛورَ، نغَمْ حَا عٛنْ لَاتٛ ࢡِࢡّٜ أَلنّٛورَ؞»
ࢡَاوٛ عِيسَى وٛلْوِ بٛلّٜ طٜعٜ، عٛدِلِّ، عٛسُوطِ ࢡٜ؞
يَحُودُعٜنْ نُطِّنَايْ عِيسَى
37کٛو ندٜ عِيسَى وَطِ کَايٜىٰڢِيجِ طُوطِّ يٜىٰسٛ مَࢡّٜ، ࢡٜنُطِّنَايْ مٛ، 38نغَمْ حَا عَنَّبَاکُ نغُ عٜسَايَ وَطِ حِࢡَّ، عٛوِعْنٛ:
«جَوْمِرَاوٛ، مٛيْ نُطِّنِ کٛ مِنْ مبٛلْوِ؟
حَا مٛيْ جَوْمِرَاوٛ وَنغِنِ بَاوْطٜ مُوطُمْ#عٜسَايَ 53:1؞؟»
39ࢡٜمبَاوَايْ نُطِّنْغٛ، نغَمْ عٜسَايَ وِعِ ڢَحِنْ:
40«اَللَّه وُمْنِ ࢡٜ،
سَاتِنِ ࢡٜرْطٜ مَࢡّٜ،
نغَمْ تَا ࢡٜنغِعَ بٜى غِتٜ مَࢡّٜ،
تَا ࢡٜرْطٜ مَࢡّٜ ݠَامَ،
تَا ࢡٜلٛرْتٛ،
مِيَمْطِتِنَ ࢡٜ#عٜسَايَ 6:10؞؞»
41عٜسَايَ وِعِ نٛنْ نغَمْ عٛيِعِ تٜدُّنغَلْ عِيسَى، عٛوٛلْوِ دٛوْ مَاکٛ؞
42کٛو ندٜرْ مَوْࢡٜ يَحُودُعٜنْ بٛو، طُوطْࢡٜ نُطِّنِ عِيسَى؞ عَمَّا ࢡٜمبَنغِنَايْ طُمْ، نغَمْ دَلِيلَ ڢَرِسَعٜنْ، نغَمْ تَا ࢡٜنغُرْتِنَ ࢡٜ سُودُ دٜوَلْ يَحُودُعٜنْ؞ 43نغَمْ ࢡٜࢡُرِ يِطُغٛ يٜرْدُيٜ يِمْࢡٜ دٛوْ يٜرْدُيٜ اَللَّه؞
وٛلْدٜ عِيسَى حِيتٛتٛ
44عِيسَى حٛولِ بٜى سَوْتُ، وِعِ: «کٛو مٛيْ نُطِّنِ يَمْ، نَا مِنْ تَنْ عٛنُطِّنِ، عَمَّا عٛنُطِّنِ نٜلْطٛ يَمْ؞ 45کٛو مٛيْ يِعِ يَمْ، يِعِ نٜلْطٛ يَمْ؞ 46مِنْ، مِ أَلنّٛورَ، مِوَرِ ندٜرْ دُنِيَارُ، نغَمْ تَا نُطِّنْطٛ يَمْ ڢُو جٛوطٛ ندٜرْ ࢩِࢡْرٜ؞ 47تٛ غٛطّٛ نَنِ بٛلّٜ عَمْ، طٛوْتَنَاکِ طٜ، نَا مِنْ حِيتٛتٛ مٛ، نغَمْ مِوَرَايْ حِيتَاغٛ دُنِيَارُ، عَمَّا نغَمْ حِسْنُغٛ ندُ؞ 48کٛو مٛيْ سَلِ يَمْ، جَࢡَايْ بٛلّٜ عَمْ، عٛ کِيتٜتٜىٰطٛ؞ بٛلّٜ طٜ مِوٛلْوِ، کَنْجٜ کِيتٛتٛ مٛ ࢩَلَادٜ دَرْنغَلْ؞ 49نغَمْ مِوٛلْوَايْ بٜى نغِطَ عَمْ، عَمَّا بَابِرَاوٛ نٜلْطٛ يَمْ، کَنغْکٛ عُمْرِ يَمْ کٛ مِوٛلْوَتَ، کٛ مِعَنْدِنْتَ يِمْࢡٜ؞ 50مِعَنْدِ عُمْرٛورٜ مَاکٛ، طُمْ نغٜىٰندَمْ ندُومِيطَمْ؞ وَلَا کٛ مِوٛلْوَتَ، سٜيْ کٛ بَابِرَاوٛ عُمْرِ يَمْ وٛلْوُغٛ؞»
Currently Selected:
يُحَنَّ 12: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.
