लूका 3
3
बप्तिस्मा पीनब यूहन्ना
मत्ती ३:१-१२; मर्कूस १:१-८; यूहन्ना १:१९-२८
1कैसर तिबेरिअसदे हुकुम चील्लीदेबे पन्ध्र वर्ष क्यूप्प पन्तियस पिलातस यहूदियाजे हाकिम ख्य। हम्ब बीलने हेरोद गालील देशजे हुकुम चील्लेब मी ख्य, मेस्ये ङूजे च्योन् फिलिप इतूरिया मेस्ये त्राखोनितिसजे हुकुम चील्लेब मी ख्य, होर्दे लूसानियास अबिलेनेजे हुकुम चील्लेब मी ख्य। 2पात्ता केन् पूस्र्यायू हन्नास मेस्ये कैयाफाजे पलोने परमेश्वरजे वचन मी अन्टोङब चनमन नेने जकरियाजे च यूहन्ना ट्याने रदे। 3यूहन्ना पाप-क्षमाजे लागि पश्चात्तापजे बप्तिस्माजे बारेने प्रचार चीदे-चीदे यर्दन होङ्जे ती-छो का-मुलुक क्यूत्देबे योङ्रदे। 4#यशैया 40:3-5अगमवक्ता मी यशैयाजे किताबने येरे लिख्दीये ख्यङ्,
“मी अन्टोङब चनमन नेने मी त्या पारा पून्नबजे के, परमप्रभुजे लम् तयार ची, ङूजे लम् सोझो ची।
5खाल्सा खल्सी टक्कने पूर्दीय, मेस्ये गङ्यू क्वाने मेस्ये चीद पोर्चायू क्वाने सम्म बन्दीय।
बायाँ बूयू सोझो क्यूक्य, मेस्ये अप्ठ्यारो लम्यू सूस्योलो क्यूक्य,
6मेस्ये मीयू क्वादेने परमेश्वरजे मुक्ति तङ्क्य।”
7 #
मत्ती 12:34; 23:33 होरेक्यूत्देबे ङूप्रे बप्तिस्मा चेने रब मीहुलने ङूदे यदे, “ओ र्वेजे पीचयू, रमेब परमेश्वरजे न्यायदे प्लीम्बजे लागि नमयूने सूदे बोङ्बे आर्तीमीदे? 8#यूहन्ना 8:33होरेक्यूत्देबे रङ्से-रङ्से पापजे पश्चात्ताप चीत्देबे रङ्से सेम् परमेश्वरतेले ल्वारदेबे हम्ब अनुसार चील्ली। तर ‘ङीन अब्राहामजे छगूम्-पूर्गूम् ख्यङ्’ यदेबे नमयू प्लीम्ब प्रेक्क्य अम्मन्लाची। चेनेयलो ङ नमयूने यीय, परमेश्वरदे अम्ब लूङ्यूदेये अब्राहामजे लागि छगूम्-पूर्गूम् जन्मेदे खूइय। 9#मत्ती 7:19चूजो तोङ्बोयूजे छने ग पर्दीक ख्यङ्, हम्ब कारणदे ज्य फल अम्पीनब तोङ्बोयू क्वाने टील्देबे मीने छाबीय।”
10मीयूदे यूहन्नाने लोत्दे, “होरेयलो ङीदे च चे पर्दीय स्व?”
11ङूदे थमयूने जवाफ पीन्दे, “सूप्रे तोर ङ्ही ख्यङ्, ङूदे त्वब मीने त्या पीन्स्य, मेस्ये सूप्रे चसे ख्यङ्, ङूदेये होरप्रने त्वबने पीन्स्य।”
12 #
लूका 7:29
स्यर्म लङबयूये बप्तिस्मा कीनने रदे, होर्दे थमयूदे लोत्दे, “गुरु ज्यू, ङीदे च चे?”
13ङूदे थमयूने यदे, “कन्छ्वा तोक्दीये ख्य हम्ब यली थेप् स्यर्म अन्लङ्लाची।”
14सिपाईयूदेये लोत्दे, “ङीदेब च चे?”
ङूदे थमयूने यदे, “कोइ फ्याने आज्ञा चीत्देबे, मेस्ये लूच्च दोष तन्देबे अन्लूट्दीलाची। रङ्सेजे तनखने सून्ताकी क्यूरो।” 15कन्छ्वाब मीयू आशा चीत्देबे टून ख्य। होर्दे थमयू क्वाजे सेम्ने यूहन्नाने ख्रीष्ट यी च मन्न ख्य, 16होर्दे यूहन्नादे हम्ब मीयू क्वानेने जवाफ पीन्दे, “ङैदे नमयूने क्यूदे बप्तिस्मा पीन्क्य, तर ङ यली शक्तिशाली मीत्या रेन ख्यङ्, ङूजे पैङ्गीजे थब फाब लायकजे ङ त्वो। ङूदे नमयूने पवित्र आत्मा मेस्ये मीदे बप्तिस्मा पीन्क्य। 17छङब की ङूजे लाने ख्यङ्, ङूदे हम्ब की टेल्देबे रङ्से खला चेलाबे खम्सङ् चीक्क्य, ह्वप्रे पूव छूर्दीदेबे ह्व क्वाने से भारीने चङ्क्य, मेस्ये पूव क्वाने ङूदे कलङ्बेये अन्सीबब मीने नेम्बीय।” 18येरप्रने सूजो कूम शिक्षा प्रेब अर्तीयू यदेबे यूहन्नादे मीयूने सूगब खबर प्रचार चीत्दे।
19 #
मत्ती 14:3,4; मर्कूस 6:17,18 तर मूरूम् हेरोददे रङ्से च्योन्जे मज हेरोदियासनेप्रे येनब कारणदे मेस्ये ङूदे चेब सूजो अन्ज्य कामयूजे लागि यूहन्नादे हेरोदने फ्राचीक ख्य। 20यूहन्नाने झ्यालखान नङ्ने स्योप्देबे ङूदे हम्ब अन्ज्य कामयू फ्याने झन् थेप् अन्ज्य काम त्या थप्दीदे।
येशूजे बप्तिस्मा
मत्ती ३:१३-१७; मर्कूस १:९-११
21हन्छ्वाब मीयू क्वादेने बप्तिस्मा कीन्दे, होर्दे येशूदेये बप्तिस्मा कीन्देबे प्रार्थना चीन्न ख्य, हन्छ्वा स्वर्ग पूक्गीदेबे, 22#उत्पत्ति 22:2; भजनसंग्रह 2:7; यशैया 42:1; मत्ती 3:17; मर्कूस 1:11; लूका 9:35पवित्र आत्मा ङ्वजे रूप्ने धोङ्रप्र ङूजे फ्याने रदे। होर्दे स्वर्गदे येर के त्या तैरदे, “न ङैजे छेब च ख्यङ्, ङ नैप्रे सोरो सूग ख्यङ्।”
येशूजे वंशयू
मत्ती १:१-१७
23येशूदे रङ्से सेवा सुरु चीप्प ङू धेन्ने सूम्च्यू वर्षजे क्यूट्ट ख्य। मीयूदे ङू योसेफजे च मन्न ख्य, योसेफ एलीजे च ख्य। 24एली मत्तातजे च, मत्तात लेवीजे च, लेवी मल्कीजे च, मल्की यान्नाजे च, यान्ना योसेफजे च ख्य, 25योसेफ मत्तातथियासजे च, मत्तातथियास आमोसजे च, आमोस नहूमजे च, नहूम इसलीजे च, इसली नग्गैजे च ख्य, 26नग्गै माथजे च, माथ मत्तातथियासजे च, मत्तातथियास सेमैनजे च, सेमैन योसेखजे च, योसेख योदाजे च ख्य, 27योदा योआननजे च, योआनन रेसाजे च, रेसा यरुबाबेलजे च, यरुबाबेल शालतिएलजे च, शालतिएल नेरीजे च ख्य, 28नेरी मल्कीजे च, मल्की अद्दीजे च, अद्दी कोसामजे च, कोसाम एलमादमजे च, एलमादम एर्जे च ख्य, 29एर् यहोशूजे च, यहोशू एलीएजरजे च, एलीएजर योरीमजे च, योरीम मत्तातजे च, मत्तात लेवीजे च, 30लेवी शिमियोनजे च, शिमियोन यहूदाजे च, यहूदा योसेफजे च, योसेफ योनानजे च, योनान एल्याकीमजे च, 31एल्याकीम मलेआजे च, मलेआ मिन्नाजे च, मिन्ना मत्ताथाजे च, मत्ताथाजे च नातान, नातान दाऊदजे च, 32दाऊद यिशैजे च, यिशै ओबेदजे च, ओबेद बोअजजे च, बोअज सल्मोनजे च, सल्मोन नहशोनजे च, 33नहशोन अम्मीनादाबजे च, अम्मीनादाब आरामजे च, आराम हेस्रोनजे च, हेस्रोन फारेसजे च, फारेस यहूदाजे च, 34यहूदा याकूबजे च, याकूब इसहाकजे च, इसहाक अब्राहामजे च, अब्राहाम तेरहजे च, तेरह नाहोरजे च, 35नाहोर सरूगजे च, सरूग रऊजे च, रऊ पेलेगजे च, पेलेग एबेरजे च, एबेर शेलहजे च, 36शेलह केनानजे च, केनान अर्पक्षदजे च, अर्पक्षद सेमजे च, सेम नोआजे च, नोआ लेमेखजे च, 37लेमेख मतूशेलहजे च, मतूशेलह हनोकजे च, हनोक येरेदजे च, येरेद महलालेलजे च, महलालेल केनानजे च, 38केनान एनोशजे च, एनोश शेतजे च, शेत आदमजे च, आदम परमेश्वरजे च।
Currently Selected:
लूका 3: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.
