लूका 5
5
पात्ता खूम्जे स्यूस्स्यायू
मत्ती ४:१८-२२; मर्कूस १:१६-२०; यूहन्ना १:४०-४२
1 #
मत्ती 13:1,2; मर्कूस 3:9,10; 4:1 मीयू परमेश्वरजे वचन ङ्यीनने येशूजे ती-छो तीहुल्-छोहुल् चीन्ख्य, होर्दे ङू गनेसरेत तालजे नने मेर्न ख्य। 2येशूदे तालजे नने डुङ्गा ङ्ही तङ्दे, तर जाल छाब मीयू डुङ्गाजे फीने टूङ्देबे रङ्सेजे जालयू ठून ख्य। 3हम्ब डुङ्गा ङ्ही नङ्ने त्या सिमोनजे ख्य। हम्बने टदेबे येशूदे डुङ्गाने छो-नदे छीत्या तीलाने कूपसे पीन्दे। ङूदे डुङ्गाने टूङदेबे मी हुलने शिक्षा पीनने सुरु चीत्दे।
4शिक्षा पीन जेङ्क ङ्येदे, येशूदे सिमोनने यदे, “गहिरोतेले कूबदेबे ङ सेने नैजे जाल छा।”
5 #
यूहन्ना 21:3
तर सिमोनदे यदे, “गुरुज्यू, ङीदे मूस्सेने धम चीत्देबे जाल छादे ङ त्याये चूङ अन्खू, होरेयलीने नैजे वचन अनुसार ङ जाल छाय।”
6 #
यूहन्ना 21:6
होर्दे य प्रने चीत्दे, मेस्ये थमयूदे बेस्से कूम ङ चूङ्दे, मेस्ये थमयूजे जाल प्र्याङ्ब मेल्कीदे। 7थमयूदे सूजो डुङ्गाने ख्यब गोसारी ख्योनयूने क्वार स्यने लतप् चीत्दे, मेस्ये रदेबे थमयूदे डुङ्गा ङ्हीनेने ङदे फ्यादे, अन्छ्वासेमे क्यूत्दे यी डुङ्गायूये क्यूने डूब्दीब मैदे।
8होर्दे अम्ब तङ्देबे सिमोन मेस्ये पत्रुसदे येशूजे तोप्ने पून्छ्यल् क्यूत्देबे यदे, “ओ प्रभु, न ङैट्यादे थेचेकी, चेनेयलो ङ पापी मी ख्यङ्।” 9अन्छ्वा कूम ङ सेब तङ्देबे ङू मेस्ये ङूप्रे ख्यबयू क्वादेने सोरो हार्मन्दीकदे। 10होरप्रने जब्दियाजे चयू याकूब मेस्ये यूहन्नाये छाक्के पर्दीकदे। थमयू सिमोनप्रे गोसारी ख्य।
येशूदे सिमोनने यदे, “अम्फलाची, जेम्सेमेस्ये नदे ङ दी तर मीयूने चूङ्क्य।” 11होर्दे थमयूदे कन्छ्वाब डुङ्गायू पखने रेत्दे, थमयूदे साप्ता थोक पङ्गीदे, मेस्ये ङूजे ङ्ये-ङ्ये गीलीदे।
कुष्ठबीद लादीकब मी
मत्ती ८:१-४; मर्कूस १:४०-४५
12कन्छ्वाब ङू सहर ट्याने ख्य, हन्छ्वाब कुष्ठ बीद लादीकब मी त्यादे येशूने तङ्देबे ङूजे खूम्ने पून्छ्यल क्यूत्देबे बिन्ती चीत्दे, “ओ प्रभु, नदे ङैने तम्चीम्मेब सेम् चील्लो, ङैने तम् चीम्मे खूइय।”
13येशूदे ला तान्तीदेबे “ङ सेम् चीक्क्य, न तम् क्यूस्स्य” यदेबे हम्ब मीने छूत्दे, होर्दे त्याफेने ङूजे कुष्ठबीद ङूजे ङ्वादे हर्दीयी।
14 #
लेवी 14:1-32
येशूदे ङूने आज्ञा पीन्दे, “अम्ब सूनेये अन्स्योल्लाची तर पूस्र्या ट्याने प्रदेबे रङ्सेने तन्ब मेस्ये मोशाजे आज्ञा अनुसार मीयूने न तम् क्यूरेब प्रमाणजे लागि भेटी चर्दी।”
15तर का-मुलुकने येशूजे न-मीन् बेस्से ड्वाङ्गे क्यूरी, मेस्ये केन् मीहुल ङूजे पो ङ्यीनने मेस्ये रङ्से-रङ्सेजे बीदयू तम् क्यूरने रूप् क्यून्न ख्य। 16तर येशूब थमयूप्रे आलाक्के क्यूत्देबे मी अन्टोङब चनमन नेयूने प्रदेबे प्रार्थना चे ख्य।
पक्षाघाती तम् क्यूरेब
मत्ती ९:१-८; मर्कूस २:१-१२
17तीया येशू शिक्षा पीन्नूब गालील मेस्ये यहूदियाजे पूरा तदे मेस्ये यरूशलेमदे रब फरिसीयूप्रे पन्डेयू ङूजे ट्याने टून ख्य। परमप्रभुजे तम् चे ख्वब शक्ति ङूप्रे ख्य। 18मीयूदे पक्षाघाती मीने ङ्यूम्नब कपतीक सजने येशू ट्याने रेदे, मेस्ये थमयूदे हम्ब नव प्लेत्देबे येशूजे खूम्दे नङ्ने कूबमेदे। 19तर मी हुलदे चीत्देबे नवने नङ्ने कूबने लम् अम्प्रे होर्दे थमयूदे कीम्जे छन फ्याने टदे, मेस्ये धूरी पर्दे नवने ङूजे कपतीकसजने मो येशूजे खूम्ने तेल्बीदे।
20होर्दे येशूदे थमयूजे विश्वास तङ्देबे यदे, “ओ मी, नैजे पाप क्षमा क्यूत्दे।”
21होर्दे पन्डेयू मेस्ये फरिसीयूदे लोत्दे, “परमेश्वरजे न प्वेब अम्ब सू? पाप ब परमेश्वरदे त्या क्षमा चे खूइय।”
22तर येशूदे थमयूदे ल्वेब पो था प्रेत्देबे थमयूने जवाफ पीन्दे, “नमयू रङ्सेजे सेम्ने चेने येर ल्वे? 23‘नैजे पाप क्षमा क्यूत्दे’ या ‘लङ्देबे प्र’ यब, कम्ब सूस्योलो ख्यङ्? 24तर मीजे चदे पृथ्वीने पाप क्षमा चेब हक ख्यङ् यदेबे नमयूदे स्ये” होर्दे ङ्येदे येशूदे हम्ब पक्षाघाती बीद लादीकब मीने यदे, “ङ नने यीय, लङ् मेस्ये रङ्सेजे कपतीक प्लेत्देबे कीम्ने प्र।” 25होर्दे नव खात्याने थमयूजे खूम्नेने लङ्दे, मेस्ये कम्ब कपतीकने ङू स्य्वाल् क्यून्न ख्य हम्ब लङ्देबे परमेश्वरजे महिमा चीदे-चीदे रङ्से कीम्तेले गीलीदे। 26हन्छ्वाब मीयू क्वाने हार्मन्दीकदे, मेस्ये थमयूदे परमेश्वरजे महिमा चीत्दे, मेस्ये फदेबे येरे यदे, “दीनी ङीदे नोङ्ल्या काम तङ्दे।”
लेवीने येशूदे क्वब
मत्ती ९:९-१३; मर्कूस २:१४-१७
27होर्दे अम्ब पोयू चे जेङ्क ङ्येदे येशू फीने गीलीदे, मेस्ये लेवी मीन्जे स्यर्म लङब मीत्या स्योर्म लङ्ब अड्डने टूनब तङ्दे, मेस्ये ङूने यदे, “न ङैजे ङ्ये ङ्ये ख।” 28होर्दे ङूदे साप्ता थोकने पङ्गीदे, मेस्ये लङ्देबे ङूप्रे गीलीदे।
29लेवीदे रङ्सेजे कीम्ने येशूजे लागि बेस्से केन् भत्यार् लङ्दे। हैयाने स्यर्म लङयूप्रे सूजो कूम मीयू थमयूप्रे भत्यार् चने टून ख्य। 30#लूका 15:1,2फरिसीयू मेस्ये थमयूजे पन्डेयू येशूजे स्यूस्स्यायूजे विरुद्धने येरे यदेबे गन्गन् चीत्दे, “नमयू स्यर्म लङ्बयू मेस्ये पापीयूप्रे चेने प्रे टूङ्देबे चसे च?”
31तर येशूदे थमयूने यदे, “अन्नब मीने डाक्टरजे हर्जो अम्पर्दी, तर नव मीने त्या डक्टरजे हर्जो पर्दीय। 32ङ धर्मीयूजे लागि दी, तर पापीयूने पश्चात्ताप चेबजे लागि क्वने र ख्यङ्।”
बर्तजे बारेने ल्वेब
मत्ती ९:१४-१७; मर्कूस २:१८-२२
33थमयूदे येशूने यदे, “यूहन्नाजे स्यूस्स्यायू बील-बीलने बर्त टूङ्देबे प्रार्थना चे ख्यङ्। फरिसीयूजे स्यूस्स्यायूदेये येरेने चे ख्यङ्, तर नैजे स्यूस्स्यायू यलो चथूङ चीन्न ख्यङ्।”
34येशूदे थमयूने यदे, “च दूलप्रे ख्यङ्दा जन्तीयूने बर्त टूङ् य खूइया? 35तर येर दिन रीय, हन्छ्वाब दूल थमयू ट्यादे छूर्दीबीय। होर्दे थमयू हम्ब दिनयूने बर्त टूङ्क्य।”
36येशूदे थमयूने उखान त्या स्योत्देबे: “सूमीदेये सर् कोलाजे टलो ङीङ् कोलाने अन्ख्य, नत्र हम्बदे सर् कोला प्र्याङ्गीय, मेस्ये सर् टलो ङीङ्प्रे अम्मील्ली। 37सूमीदेये सर् अङ्गुरजे ची ङीङ् खूस्यजे पीजीने अन्चङ्, नत्र सर् चीदे खूस्स्य प्र्याङ्बीय, मेस्ये अङ्गुरजे ची पीब्बीय, र पीजीये नोङ्बीय। 38ची सर् खूस्स्यजे पीजी सर्ने चङ पर्दीय। 39कम्ब मीदेये अङ्गुरजे ची ङीङ् थूङ्देबे सर् अम्मे, चेनेयलो ङूदे यीय्, ‘ङीङ्बने लेम ख्यङ्’।”
Currently Selected:
लूका 5: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.
