लूका 6
6
आराम टूङब दिनजे प्रभु
मत्ती १२:१-१४; मर्कूस २:२३-२८; ३:१-६
1 #
व्यवस्था 23:25
आराम टूङब दिनने येशू बली लैदीयेब रङ्दे प्रेन ख्य, मेस्ये ङूजे स्यूस्स्यायूदे बलीजे ट थोदेबे लाने ङील्देबे चदे। 2तर फरिसीयू नङ्ने कोइ कोइदे थमयूने यदे, “आराम टूङब दिनने चैसे चे अन्क्यूर ख्य हम्ब नमयूदे चैने चे?”
3येशूदे थमयूने जवाफ पीन्देबे यदे, “च नमयूदे अम्बये अन्छ्य्वे औ, कन्छ्वाब दाऊदे ङू मेस्ये ङूप्रे ख्यब मीयू ठे ख्य, हन्छ्वाब ङूदे च चीत्दे? 4#लेवी 24:9#१ शमूएल 21:1-6केर्बे परमेश्वरजे कीम्ने क्योइदेबे चैर्दीयेब क्यङ् योन्देबे ङूदे चदे, मेस्ये ङूप्रे ख्यब ख्योन्यूने पीन्दे, हम्ब पूस्र्यायूदेत्या च क्यूर ख्य सूजोदे च अन्क्यूर ख्य।” 5होर्दे येशूदे थमयूने यदे, “मीजे च आराम टूङब दिनजे प्रभु ख्यङ्।”
6सूजो आराम टूङब दिनने सभा-कीम् नङ्ने गीलीदेबे येशूदे शिक्षा पीन्दे। हैयाने ख्यब मीत्याजे स्येत्-ला खरे ख्य। 7ङूदे आराम टूङब दिनने तम् चीम्मेब काम चील्लो ङूने दोष लैदेस्ये यदेबे पन्डे मेस्ये फरिसीयू ङूजे च्यूव चीन्न ख्य।” 8तर थमयदे च ह्वे चीन्न ख्य हम्ब येशूदे था प्रेत्दे, मेस्ये ला खरेब मीने यदे, “अन्-याने ख मेस्ये मेर्।” होर्दे ङू लङ्देबे मेर्दे।
9होर्दे येशूदे थमयूने यदे, “ङ नमयूने लोक्क्य, आराम टूङब दिनने मीने ज्य चे या ङूने अन्ज्य चे, प्राण बच्दीमे या नाश चे कम्ब ज्य ख्यङ्?”
10होर्दे ङूदे क्वानेने खूरीरी लेत्देबे हम्ब मीने यदे, “नैजे ला तान्ती।” ङूदे यप्रने चीत्दे, मेस्ये ङूजे ला ज्य क्यूरी। 11तर थमयू छीदे मूत्दे क्यूत्दे, मेस्ये येशूने केर्चे यदेबे थमयूदे मोतो चेने सुरु चीत्दे।
बाह्र मूल स्यूस्स्यायू
मत्ती १०:१-४; मर्कूस ३:१३-१९
12हम्ब दिनने येशू गङ्तेले प्रार्थना चेने गीलीदे, मेस्ये मूस्सेने परमेश्वरप्रे प्रार्थना चीत्देबे मून चदे। 13नप्-क्यूर मेस्ये येशूदे ङूजे स्यूस्स्यायूने रङ्से ट्याने कोदेबे थमयू नङ्ने बाह्र जनाने सेल्दे, मेस्ये ङूदे थमयूने मूल स्यूस्स्या यब मीन् येत्दे: 14सिमोन, ङूने येशूदे पत्रुस यदेबे मीन येत्दे, मेस्ये ङूजे च्योन् अन्द्रियास, याकूब, यूहन्ना, फिलिप मेस्ये बारथोलोमाइ, 15मत्ती मेस्ये थोमा, अल्फयसजे च याकूब मेस्ये सिमोन, ङूने हुलदङ्गा चेब य ख्य, 16याकूबजे च यहूदा, मेस्ये यहूदा इस्करियोत, ङू ब धोका पीनब क्यूत्दे।
असी मेस्ये श्राप
मत्ती ५:३-१२
17येशू थमयूप्रे मो तल्रदेबे सम्म नेत्याने मेर्दे। ङूजे स्यूस्स्यायूजे हुल केन् त्या, मेस्ये पूरा यहूदिया मेस्ये यरूशलेम, मेस्ये समुद्र नतेलेजे टुरोस प्रे सीदोनजे नेदे मीहुल केन्, 18ङूजे वचन ङ्यीनने मेस्ये रङ्से-रङ्से बीददे तम् क्यूरने र ख्य। अशुद्ध आत्मायूदे पेर्दीनबयूये तम् क्यूत्दे। 19मीहुलदे ङूने छ्वे मेदे, चेनेयलो शक्ति ङूजे ङ्वदे योङ्बीन ख्य, मेस्ये थमयू क्वानेने तम् चीम्मे ख्य।
20होर्दे ङूदे रङ्सेजे स्यूस्स्यायू तेले लेत्देबे यदे:
“नम दूखीयूदे असी प्रे ख्यङ्,
चेनेयलो परमेश्वरजे राज्य नमयूजेने ख्यङ्।
21नम चूजो ठेबयू, नमयूदे असी प्रेक्क्य, चेनेयलो नमयूदे कलाबे चप्रेक्क्य। नम चूचो म्यामू तल्देबे ङ्वबयू, नमयूदे असी प्रेक्क्य, चेनेयलो नमयूदे रीग
प्रेक्क्य।
22 #
१ पत्रुस 4:14
नमयूदे असी प्रेक्क्य, कन्छ्वाब मीयूदे नमयूने मीजे चने विश्वास चेब कारणदे घिन चीक्क्य, मेस्ये तदे योम्बीय, मेस्ये खिसी चीक्क्य, दुष्ट मन्देबे नमयूजे मीन्जे बेइजत क्यूरब पोयू चीक्क्य। 23#2 इतिहास 36:16; मूल स्यूस्स्यायूजे कामजे किताब 7:52“हम्ब दिनने तङ्, मेस्ये सूग्देबे ङ्य, स्वर्गने नमयूजे इनाम केन् क्यूक्क्य। चेनेयलो नमयूजे मेमेयूदे अगमवक्तायूने यरप्रने चे ख्य।
24“तर धिक्कार, नम फ्योबोयू!
चेनेयलो नमयूदे रङ्सेजे आराम-सूखजे जीया प्रेक्क ख्यङ्।
25धिक्कार, नम दीनी कलाबे चबयू! चेनेयलो नमयू ठीय।
धिक्कार, नम दीनी रीगबयू!
चेनेयलो नमयू सूर्त चीत्देबे ङूय।
26धिक्कार, नमयूने, कन्छ्वाब मीयू क्वादेने नमयूजे सार्या चीक्क्य! चेनेयलो येरप्रने नमयूजे मेमेदेये लूच्च अगमवक्तायूने चेख्य।
शत्रुने प्रेम
मत्ती ५:३८-४२
27“तर नम ङ्यीनबयूने ङ यीय, रङ्से शत्रुने प्रेम ची, मेस्ये ह्यल चेयूने भलो ची, 28ले-तप्यूने असी पीन्, अन्ज्य व्यवहार चेबयूजे लागि प्रार्थना ची। 29नने डम्ब त्याने रोप्लो सूजो डम्बये ता, मेस्ये नैजे चूङ्ग लेन्केमेबने नैजे कमेजये कूबसे पीन्। 30नेप्रे स्यबयू क्वानेने पीन्, मेस्ये नैजे सेयू कूतेबप्रे फेरि अन्स्यलाची। 31#मत्ती 7:12मीयूदे कर नमयूने चीस्स्य मन्न, नमयूदेये थमयूप्रे होरप्रने ची।”
32“नमयूने प्रेम चेयूनेत्या प्रेम चील्लो नमयूने चै फाइदा क्यूत्दे? चेनेयलो पापीयूदेये रङ्सेने प्रेम चेबयूप्रे प्रेम चीक्क्य। 33नमयूने ज्य चेयूनेत्या ज्य चील्लो, नमयूने चै फाइदा क्यूक्क्य स्व? चेनेयलो पापीयूदेये येरेने चीक्क्य।
34कादेये ल्वामीयी च यब आशा चीत्देबे छेर् पीन्क्य यलो, नमयूने चै फाइदा क्यूक्क्य स्व? चेनेयलो फेरि हन्छ्वाने प्रेस्ये यब आशा चीत्देबे पापीयूदेये पापीयूने छेर् पीन्क्य। 35तर रङ्से शत्रुयूनेये प्रेम ची, मेस्ये थमयूने ज्य ची। फेरि प्रेब आशा अन्चील्लाबे छेर् पीन्, मेस्ये नमयूजे इनाम केन् क्यूक्क्य, होर्दे न पात्ता फ्याजे छगूम्-पूर्गूम् ठर्दीय, चेनेयलो येशूदे बैगुनी मेस्ये रङ्से मतलब्त्या पूरा चेब फ्यानेये कृपा चीक्क्य। 36नमयूजे प कृपालू क्यूरप्रने, नमयूये कृपालू क्यूरो।
सूजोने दोष अन्चील्लाची
मत्ती ७:१-५
37“सूजोजे न्याय अन्चील्लाची मेस्ये नमयूजेये न्याय अन्ची। सूजोने दोष अम्पीन्लाची, मेस्ये नमयूनेये दोष चेब अन्ठर्दी। क्षमा पीन्, मेस्ये नमयूनेये क्षमा चीम्मीय। 38पीन्, मेस्ये नमयूनेये पीन्क्य। मीयूदे बेस्से लीङ्देबे तेने-तेने, म्यूर् चीत्देबे पीप्बलाबे नमयूजे कूच्यूने चङ्मीय। चेनेयलो कम्ब नप्दे नमयूदे तप्दे पीन्क्य, हम्ब नप्देने नमयूनेये ल्वामीय।”
39 #
मत्ती 15:14
होर्दे ङूदे थमयूने उखान त्या यदे: “कनदे कनने स्योल खूइय? थमयू ङ्हीने लोम्ने अन्क्योब स्व? 40#मत्ती 10:24,25; यूहन्ना 13:16; 15:20स्यूस्स्या रङ्से गुरु यली केन् अन्क्यूर्, तर पूरा शिक्षा प्रेमेस्ये ङू ङूजे गुरु प्रने क्यूक्क्य।
41“न रङ्से च्योन्जे म्याने ख्यब पूइत्या चेने तङ, तर रङ्सेजे म्याने ख्यब मूडब था अम्प्रे? 42न रङ्से म्याने ख्यब मूड अन्तङ् यलो, रङ्से च्योन्ने ‘ओ च्योन्, नैजे म्याने ख्यब पूइ ङैने योन्से पीन्’ यदेबे न केर्बे य खूइय? ओ कप्टी, खूम रङ्सेजे म्यादे मूड योन्, मेस्ये नदे च्योन्जे म्याने ख्यब पूइ योनने ज्य खम्सङ् तङ खूइय।
तङ्बो मेस्ये हम्बजे सी
43“ज्य तङ्बोने अन्ज्य सी अन्लो, या अन्ज्य तङ्बोने सोरो ज्य सी अन्लो। 44#मत्ती 12:33ज्य तङ्बोयू क्वाने ङूजे स्यीदेने चीन्तीय। चेनेयलो सूदेये चो पोङ्दे अञ्जीर अन्थो, मेस्ये चोजे झ्याङ्दे अंगूर रूप् अम्पूइ। 45#मत्ती 12:34ज्य मीदे रङ्से ज्य-सेम्दे ज्य पोने योन्क्य, तर दुष्ट मीदे ङूजे अन्ज्य सेम्दे अन्ज्य-पोने योन्क्य। चेनेयलो कम्ब पोदे सेम् फ्याये ख्य, मीजे ङूर्दे हम्बने योङ्रीय।
कीम् ङ्हीजे उखान
मत्ती ७:२४-२७
46“ङैदे यब पो अन्चील्लो ङैने चेने ‘प्रभु, प्रभु’ येन? 47सू ङै ट्याने रीय, ङैजे वचन ङ्यीन्क्य मेस्ये हम्ब अनुसार चीक्क्य, हम्ब कर मी ख्यङ्, ङ नमयूने स्योक्क्य। 48हम्ब कीम्त्या बन्देब मीप्र ख्यङ्, ङूदे पोलोम् फ्याने जा पूत्दे। होर्दे कन्छ्वाब हून्ड केन् चील्लीदे, मेस्ये हम्ब कीम्ने हून्ड टरदे, हन्छ्वाब हम्ब कीम्ये लीङने अन्खू, चेनेयलो हम्ब कीम् पक्क बल्यो थ्याये ख्य। 49तर सूदे ङ्यीन्क्य मेस्ये हम्ब अनुसार अन्ची, हम्ब ब येर मी त्या ख्यङ्, ङूदे स फ्याने जा अम्पूल्लाने कीम् बन्दीदे। होर्दे हम्ब कीम् फ्याने भल् रदेबे टरदे, हन्छ्वाबने हम्ब कीम् हूली, मेस्ये हम्ब कीम्जे कूम केन् नोक्सान क्यूरी।”
Currently Selected:
लूका 6: सर् कबुल
Highlight
Share
Copy
Want to have your highlights saved across all your devices? Sign up or sign in
Ghale New Testament © Nepal Bible Society, 2011.
