Luke 11

Ajar Pasal Besampi

(Matthew 6.9-13; 7.7-11)

1 # Mrk 1.35; Luk 3.21; 5.16; 6.12; 9.18, 28; 5.33; 7.18. Nyadi sekali Jesus besampi ba endur siti. Lebuh Iya udah badu besampi, siku ari sida murid Iya lalu bejaku ngagai Iya, “Tuhan, ajar kami besampi, baka John ke ngajar bala murid iya.”

2 # Mat 6.9-13. Jesus lalu bejaku ngagai sida, “Lebuh kita besampi, sebut:

‘Apai: #11.2 Apai; Sekeda salin: Apai kami ti di serega Kudus meh nama Nuan;

Datai meh Perintah Nuan.#11.2 Sekeda salin: Awakka Roh Kudus Nuan nurun ngagai kami lalu nuchi kami; Sekeda salin nambahka: Nyadi meh peneka Nuan, di dunya enggau di serega.

3Beri ngagai kami sehari tu pemakai umbas dipakai kami. #11.3 Tauka: umbas ke pagila.

4 # Mrk 11.25; Mat 18.35. Ampun kami dosa kami,

laban kami#11.4 Matthew nyebut: baka kami ke ngampun orang ke salah#11.4 Sekeda salin: bedosa ngelaban kami.

Lalu anang mai kami ngagai penguji.’ ”#11.4 Anang mai kami ngagai penguji; Sekeda salin nambahka: tang lepaska kami ari penyai; Tauka: tang lepaska kami ari iya ke jai

5 # Luk 18.1-8. Lalu ku Iya bejaku ngagai sida, “Enti sema siku ari kita bisi siku pangan, lalu iya mansang ngagai pangan iya nya ba urung tengah malam lalu bejaku ngagai iya, ‘O wai, jali aku tiga iti tuku roti, 6laban pangan aku ke pegi udah datai lalu aku nadai utai kena aku meri iya makai!’ 7Lalu pangan iya nya deka nyaut ari dalam, ‘Anang ngiruh aku! Pintu udah dikunchi, lalu kami menyanak udah beterenah tinduk. Aku enda ulih angkat meri nuan utai.’ 8Aku madah ngagai kita, taja pen iya enggai angkat lalu meri pangan iya utai, tang laban iya endang pangan iya, lalu laban pangan iya ituk#11.8 Tauka: kaut minta, iya deka angkat lalu meri pangan iya utai ti dipeguna iya. 9#Mat 7.7-11; 18.19; 21.22; Mrk 11.24; Jas 1.5-8; 1 Jhn 5.14-15. Nya alai Aku madah ngagai kita: Pinta, lalu kita deka nerima; giga, lalu kita deka nemu; tekung, lalu pintu deka dibuka ke kita. 10Laban genap iku orang ke minta, deka nerima, lalu orang ke ngiga deka tetemu, lalu ke orang ke nekung, pintu nya deka dibuka ke sida. 11Kati kita ke apai, meri anak kita batu, enti iya minta roti? Tauka meri iya ular, enti iya minta ikan? 12Tauka, meri iya kala, enti iya minta telu? 13Enti kita ke jai, nemu meri utai ti manah ngagai anak kita, Apai kita ti di serega tentu lebih agi nemu meri Roh Kudus ngagai orang ke minta ari Iya!”

Jesus Enggau Belsebup

(Matthew 12.22-30; 10.25; Mark 3.20-27)

14 # Mat 9.32-34. Nyadi sekali Jesus muru antu bisu. Lebuh antu nya udah pansut, orang ke bisu nya lalu belabuh bejaku. Orang mayuh lalu balat alit ati. 15#Mat 9.34; 10.25. Tang ku sekeda sida bejaku, “Iya muru antu ngena kuasa Belsebup, ti raja antu.”

16 # Mat 12.38; 16.1; Mrk 8.11. Sida ti bukai majak minta Iya ngayanka tanda ari serega, kena sida nguji Iya. 17Tang Jesus nemu peragam ati sida, lalu ku Iya bejaku ngagai sida, “Semua perintah ti bepechah-belah lalu beripih ngelaban diri empu, deka rusak, lalu ruang bilik ti bepechah-belah, deka alah. 18Enti Sitan bepechah-belah lalu ngelaban diri empu, baka ni ku perintah nya ulih tan? Laban kita ngumbai Aku muru antu ngena kuasa Belsebup. 19Enti Aku muru antu ngena kuasa Belsebup, ngena kuasa sapa murid kita muru antu? Nya alai sida empu deka nyadi hakim kita. 20Tang enti Aku muru antu ngena kuasa#11.20 Tauka: tunjuk Allah Taala, nya nunjukka Perintah Allah Taala udah datai ba kita.

21Lebuh orang ke kering, ke chukup disikap enggau senyata, nyaga rumah iya, semua reta tengkira iya likun magang. 22Tang lebuh orang ke kering agi ari iya, nyerang lalu ngalahka iya, orang nya deka ngerampas senyata ti dikarapka iya, lalu magi perapasan iya.

23 # Mrk 9.40. Barang sapa enda setanah enggau Aku, ngelaban Aku, lalu barang sapa enda enggau Aku ngempuru, mambar.

Pemulai Antu

(Matthew 12.43-45)

24“Lebuh roh ti jai udah pansut ari orang, iya bejalai segau-segau nengah menua ti rangkai, ngiga endur alai belelak. Lebuh iya nadai tetemuka endur nya, iya lalu bejaku, ‘Aku deka pulai baru ngagai rumah aku ti udah ditinggalka aku.’ 25Lebuh iya datai, iya nemu rumah nya udah disapu sereta dikemas. 26Iya lalu pansut, lalu mai tujuh iku roh ti bukai ti lebih jai agi ari iya empu. Sida tama lalu diau dia, lalu ke pengujung iya, pendiau orang nya jai agi ari ti dulu.”

Berekat Ti Bendar

27 # Luk 1.42; 23.29. Lebuh Jesus benung nyebut nya, siku indu lalu bejaku enggau nyawa ti inggar ngagai Jesus ari tekang bala mayuh, “Beberekat meh indu ke udah ngandungka Nuan, enggau tusu ti udah nusuka Nuan!”

28 # Luk 8.21; Jhn 15.14. Tang ku Jesus nyaut, “Beberekat agi orang ke ninga lalu ngasika jaku Allah Taala!”

Tanda Jonah

(Matthew 12.38-42)

29 # Mat 16.4; Mrk 8.12; Luk 11.16; Jon 3.4-5. Lebuh orang nyau majak mayuh-semayuh, Jesus lalu belabuh bejaku, “Orang ke rebak diatu endang amat jai. Sida minta tanda, tang nadai tanda deka diberi ngagai sida, kelimpah ari tanda Jonah. 30#Jon 3.4. Laban baka Jonah ke nyadika tanda ke orang Nineweh, baka nya meh Anak Mensia deka nyadika tanda ke orang ke rebak diatu. 31#1 Raj 10.1-10; 2 Ban 9.1-12. Lebuh Hari Pechara ila, kuin ari menua ti di Selatan deka bediri sama enggau orang ke rebak diatu, lalu besalah sida, laban iya udah datai ari tisi dunya deka mendingka penemu-dalam Solomon. Tang peda, utai ti besai agi ari Solomon bisi ditu diatu. 32#Mat 12.6; Jon 3.5. Lebuh Hari Pechara ila orang Nineweh deka bediri sama enggau rebak ti diatu, lalu besalah sida, laban orang Nineweh empu udah nesal ati ke dosa sida, lebuh sida mendingka jaku ti dipadahka Jonah. Tang peda, utai ti besai agi ari Jonah bisi ditu diatu!

Penampak Tubuh

(Matthew 5.15; 6.22-23)

33 # Mrk 4.21; Luk 8.16. “Nadai orang nungkun lampu, lalu ngerungkup iya ngena bisin; #11.33 Sekeda salin nadai: lalu ngerungkup iya ngena bisin tang ngengkahka lampu nya ba penuduk lampu, ngambika orang ke tama ulih meda penampak nya. 34#Mat 6.22-23. Mata kita nyadika lampu tubuh kita. Enti mata kita menyana, semua tubuh kita penuh laban penampak. Tang enti mata kita enda menyana, tubuh kita penuh laban pemetang. 35Nya alai, kita enda tau enda nentuka penampak ti dalam kita nya ukai pemetang. 36Enti semua tubuh kita penuh laban penampak, lalu nadai siti perengka dibalut pemetang, tubuh nya deka tampak semua, baka lebuh lampu ti manchar ngagai kita lalu meri kita penampak.”

Jesus Besalah Orang Parisi Enggau Bala Pengajar Adat

(Matthew 23.1-36; Mark 12.38-40)

37Lebuh Jesus udah tembu bejaku, siku orang Parisi lalu mai Iya makai. Nya alai Jesus tama lalu duduk ngimbai mija makai. 38#Mrk 7.1-5. Orang Parisi nya balat alit ati meda Jesus enda masu jari dulu sebedau Iya makai. 39#Mat 23.25-26. #Luk 7.13. Tuhan lalu bejaku ngagai iya, “Kita orang Parisi nuchi mangkuk enggau chapak kita ari luar aja, tang dalam nyin kita penuh laban pengamu enggau penyai. 40Kita tu beli! Kati Allah Taala ti ngaga utai ti di luar, enda mega ngaga utai ti di dalam? 41#Tit 1.15; Mrk 7.19. Nya alai beri utai ti dalam mangkuk kita#11.41 utai ti dalam mangkuk kita; Tauka: utai ti dikemisi kita nyadika sedekah ngagai orang ke seranta, nya baru semua utai deka nyadi tuchi ke kita.

42 # Lew 27.30; Mat 23.23-24; Mik 6.8. “Tang tulah meh kita orang Parisi! Kita meri sepuluh peratus ari rempah kita, baka telasih, daun rempah, enggau semua macham rempah ti bukai, tang kita enggai ngereja pengelurus, enggau pengerindu Allah Taala. Nya utai ti patut dikereja kita, tang anang nejuka utai bukai nya enda dikereja.

43 # Mat 23.6-7; Mrk 12.38-39; Luk 20.46. “Tulah meh kita orang Parisi! Laban kita rindu duduk ba penuduk ti pemadu manah dalam balai gempuru, lalu rindu ditabi orang ba sebelah pasar. 44#Mat 23.27. Tulah meh kita! Laban kita tu baka kubur ti enda dikelai, lalu kena lunjak orang, lalu sida enda nemu diri udah ngelunjak nya.”

45Siku pengajar adat lalu nyaut Iya, “Pengajar, lebuh Nuan nyebut nya, Nuan mega ngeleseka kami!”

46 # Mat 23.4. Lalu ku Jesus bejaku, “Tulah meh kita pengajar Adat! Laban kita ngengkahka ma ti mar dibai ba orang, tang kita empu enggai enchukirka tunjuk nulung sida mai ma nya. 47#Mat 23.29-32; SKR 7.51-53. Tulah meh kita! Kita ngaga kubur ke sida nabi ke udah dibunuh aki ini kita. 48Nya alai kita empu besaksi sereta besetujuka utai ti udah dikereja aki ini kita. Laban aki ini kita udah munuh sida nabi, lalu kita empu ngaga kubur ke sida. 49#Mat 23.34-36. #1 Kor 1.24; Kol 2.3. Nya alai Penemu-dalam Allah Taala mega nyebut, ‘Aku deka ngirumka bala nabi enggau rasul ngagai sida. Sekeda deka diperinsaka sida lalu dibunuh,” 50ngambika rebak ti diatu betanggungjawap ke darah semua sida nabi ke udah dibunuh kenyau ari penumbuh dunya, 51#P-kal 4.8; 2 Ban 24.20-21. berengkah ari darah Abel, nyentuk ngagai darah Sekariah ke dibunuh ba entara alta enggau langkau sembiang. Enggau bendar Aku madah ngagai kita, rebak ti diatu deka betanggungjawap ke semua utai nya!

52 # Mat 23.13. “Tulah meh kita pengajar adat! Laban kita udah naruh kunchi penemu. Kita empu enda tama, lalu kita mempang jalai orang ke deka tama!”

53 # Mrk 12.13. Lebuh Jesus angkat ari endur nya, sida pengajar Adat enggau orang Parisi balat amat deka ngelaban Iya lalu deka nanya Iya pasal mayuh macham utai, 54nganti Iya tesebutka jaku ti tau dikena besalah Iya.

Currently Selected:

Luke 11: BK

Highlight

Copy