Luke 10

Jesus Ngirumka Tujuh Puluh Dua Iku

1 # Luk 9.1-2, 51-52; 7.13. Udah nya Tuhan lalu milih tujuh puluh iku#10.1 tujuh puluh iku; Sekeda salin: tujuh puluh dua iku sida ti bukai, lalu ngasuh sida bejalai dulu ari Iya, dua-dua iku begulai, ngagai genap buah nengeri enggau endur ti deka digusung Iya Empu. 2#Mat 9.37-38; Jhn 4.35. Ku Iya bejaku ngagai sida, “Utai ti diketau mayuh, tang orang ke ngetau#10.2 Tauka: gawa mimit. Nya alai besampi minta orang ke bempu umai ngirumka mayuh agi orang ngetau#10.2 gawa ba umai Iya. 3#Mat 10.7-16; Mrk 6.8-11; Luk 9.2-5; 22.35-36. Mupuk meh kita! Ingat, Aku ngasuh kita bejalai baka anak domba ngagai raban ukui kampung. 4#Mat 10.7-14; Mrk 6.8-11; Luk 9.3-5. Anang mai kandi duit, tauka kambut, tauka selipar. Lalu anang nabi orang di rantau jalai. 5#1 Sam 25.6. Sebarang rumah alai kita tama, sebut dulu, ‘Awakka pemaik meruan dalam rumah tu.’ 6Enti orang ke rinduka pemaik bisi dalam rumah nya, pemaik kita deka mengkang ba orang nya. Enti enda pia, pemaik nya deka pulai baru ngagai kita. 7#1 Kor 9.14; 10.27; 1 Tim 5.18. Diau ba rumah nya, lalu empa irup sebarang utai ti diberi sida ngagai kita, laban orang ke gawa endang patut diberi gaji. Anang mindah ari rumah sebuah ngagai rumah sebuah. 8Genap kali kita datai ba sebuah nengeri, lalu sida nerima kita, empa sebarang utai ti diberi ngagai kita. 9Geraika orang ke sakit dalam nengeri nya, lalu sebut ngagai sida, ‘Perintah Allah Taala udah datai semak kita.’ 10#SKR 13.51. Tang genap kali kita tama ngagai nengeri, lalu sida enda nerima kita, bejalai kita nengah jalai raya di nengeri nya lalu sebut, 11‘Indah abus ari nengeri kita empu, ti lekat ba kaki kami, deh ditesai kami, kena ngelaban kita. Tang awakka kita nemu tu: Perintah Allah Taala udah datai semak!’ 12#P-kal 19.24-28; Mat 11.24; Mat 10.15; Jud 7. Aku madah ngagai kita, lebuh Hari Pechara#10.12 Tauka: ba hari nya ila, Allah Taala deka lebih agi kasihka Sodom ari ke kasihka nengeri nya!

Nengeri Ti Enda Arap

(Matthew 11.20-24)

13 # Isa 23.1-18; Esk 26.1—28.26; Jol 3.4-8; Amo 1.9-10; Sek 9.2-4. “Tulah meh nuan, Korasin! Tulah meh nuan, Betsaida! Laban enti kereja ajih ti dikereja dalam seduai, udah dikereja di Tire enggau di Sidon, sida tentu lama udah nesal ati, lalu ngerasuka kain guni, lalu ngerabu pala diri enggau amau. #10.13 amau; Tauka: abus 14Tang lebuh Hari Pechara ila Tire enggau Sidon deka nyamai agi ari kita. 15#Isa 14.13-15. Lalu nuan, Kapernaum!

Kati nuan deka diangkat ke serega?

Enda. Nuan deka dibuai ngagai neraka!”#10.15 Tauka: Hades

16 # Mat 10.40; Mrk 9.37; Luk 9.48; Jhn 13.20; 12.48. Barang sapa mendingka kita, mendingka Aku, lalu barang sapa nulak kita, nulak Aku. Lalu barang sapa nulak Aku, nulak Iya ke ngirumka Aku.”

Pemulai Sida Ke Tujuh Puluh Dua Iku

17Sida tujuh puluh #10.17 tujuh puluh; Sekeda salin: tujuh puluh dua iku pulai enggau ati ti gaga. Ku sida, “Tuhan, indah antu deh ngasika#10.17 Sekeda salin: nunduk ngagai kami dalam nama Nuan!”

18 # Pem 12.9; Jhn 12.31. Ku Jesus bejaku ngagai sida, “Aku meda Sitan labuh ari langit baka kilat. 19#Mas 91.13. Dinga kita! Aku udah meri kita kuasa ngindik ular enggau kala, sereta ngalahka#10.19 Tauka: ngindik kuasa munsuh, lalu nadai utai ulih ngemediska kita. 20#P-sut 32.32; Mas 69.28; Dan 12.1; Plp 4.3; Heb 12.23; Pem 3.5; 13.8; 21.27. Tang anang kita gaga ati ketegal antu nunduk ngagai#10.20 Tauka: ngasika kita, tang awakka ati kita gaga laban nama kita ditulis di serega.”

Jesus Gaga Ati

(Matthew 11.25-27; 13.16-17)

21 # 1 Kor 1.26-29. Iya lalu gaga ati dalam roh#10.21 Sekeda salin: ulih kuasa Roh; Sekeda salin ti bukai nyebut: dalam roh Iya lalu bejaku, “Aku meri terima kasih#10.21 Tauka: muji ngagai Nuan Apai, Tuhan ti bekuasa di serega enggau di dunya, laban Nuan udah ngelalaika utai nya ari orang ke bepenemu-dalam sereta bepelajar, lalu udah mandangka utai nya ngagai bala anak mit. Sigi amat, Apai, laban nya endang peneka Nuan.#10.21 Tauka: laban utai nya ngerinduka ati Nuan. 22#Jhn 3.35; Jhn 3.35; 10.15; 13.3; 17.25. Semua utai udah diserahka Apai Aku ngagai Aku, lalu nadai orang nemu sapa Anak, semina Apai aja; tauka nemu sapa Apai, tang semina Anak aja, enggau sebarang orang ke dipilih Anak alai Iya mandangka Apai.”

23 # Mat 13.16-17; Jhn 8.56; Heb 11.13; 1 Pet 1.10-12. Jesus lalu nguing ngagai sida murid Iya, lalu bejaku ngagai sida kediri, “Beberekat meh mata ke meda utai ti dipeda kita! 24Laban, Aku madah ngagai kita, mayuh nabi enggau raja udah keran deka meda utai ti dipeda kita, tang nadai meda utai nya; keran deka ninga utai ti didinga kita, tang nadai ninga utai nya.”

Sempama Pasal Orang Samaria Ke Siru

25 # Mat 22.35-40; Mrk 10.17; 12.28-34; Luk 18.18. Siku pengajar Adat lalu bediri, deka nguji Jesus. Ku iya, “Pengajar, nama utai ti enda tau enda dikereja aku ngambika aku bulih pengidup ti meruan belama iya?”

26Jesus lalu nyaut iya, “Nama utai ti ditulis dalam Adat? Nama utai ti dibacha nuan dia?#10.26 Sekeda salin: Baka ni ku penemu nuan pasal utai nya?

27 # U-dat 6.5; Lew 19.18. Orang nya lalu nyaut, “Rinduka Tuhan Allah Taala nuan enggau pengabis ati nuan, enggau pengabis semengat nuan, enggau pengabis pengering nuan, enggau pengabis runding nuan, lalu rinduka pangan nuan baka nuan ke rinduka diri empu.”

28 # Lew 18.5; Luk 20.39. Jesus lalu bejaku ngagai iya, “Betul saut nuan; kereja nya, nya baru nuan deka idup.”

29Tang pengajar Adat nya ingin deka mandangka diri nemu utai ti disebut diri, nya alai iya lalu nanya Jesus, “Sapa pangan aku?”

30Jesus lalu nyaut, “Nyadi sekali orang siku nurun ari Jerusalem mansang ngagai Jeriko. Bala penyamun ngamuk iya, nelanjaika iya, malu iya, lalu ninggalka iya setengah mati. 31Seninjik bendar siku imam bejalai nengah jalai nya, lalu lebuh iya tepedaka orang nya, iya lalu ngelaung nengah tisi sepiak. 32Baka nya mega siku orang Lewi, lebuh iya datai ba endur nya lalu tepedaka orang nya, iya mega ngelaung nengah tisi sepiak. 33#Luk 9.51-56; 17.11-19; Jhn 4.4-42; 2 Ban 28.15. Tang lebuh siku orang Samaria bejalai nengah jalai nya, iya tepedaka orang nya, lalu kasihka iya. 34Iya mansang ngagai orang nya, nuang minyak enggau wain ba bakal orang nya, lalu malut bakal iya. Udah nya iya nepanka orang nya ba jelu iya empu, mai iya ngagai rumah numpang, lalu ngintu iya. 35Hari siti, iya mantaika dua singkap duit pirak,#10.35 Tauka: dua denarii; Satu denarius nya gaji kuli sehari lalu meri duit nya ngagai orang ke bempu rumah numpang nya. Ku iya, ‘Intu iya. Lebuh aku pulai kitu baru, aku deka mayar nuan ungkus ti lebih ari nya ti dikena nuan ngintu iya.’ ”

36Dalam penemu nuan, sapa ari sida tiga nya pangan orang ke diamuk penyamun nya?”

37Ku pengajar Adat nya nyaut, “Orang ke kasihka iya.”

Jesus lalu bejaku ngagai iya, “Mupuk meh nuan lalu kereja baka nya.”

Jesus Nemuai Ngagai Marta Seduai Maria

38 # Jhn 11.1. Lebuh Jesus enggau sida murid Iya benung di rantau jalai, Iya datai ba sebuah genturung pendiau, alai siku indu ke benama Marta ngelaluka Iya tama ngagai rumah iya. 39Nyadi Marta bisi menyadi indu siku benama Maria, ke duduk semak kaki Tuhan, mendingka utai ti disebut Iya. 40Tang Marta nejuka diri dikelimpangka mayuh macham pengawa. Nya alai iya mansang ngagai Jesus lalu nanya, “Tuhan, kati Nuan enda ibuhka menyadi aku ninggalka aku kediri mela utai? Asuh iya nulung aku!”

41 # Luk 7.13. Tang ku Tuhan nyaut iya, “Marta, Marta! Nuan irau sereta nejuka diri dikelimpangka mayuh macham utai. 42Semina siti aja utai ti beguna. Maria udah milih utai ti manah agi, lalu utai nya enda ulih dirampas ari iya.”

Currently Selected:

Luke 10: BK

Highlight

Copy