Luke 9

Jesus Ngasuh Dua Belas Iku Murid Bejalai

(Matthew 10.5-15; Mark 6.7-13; Luke 10.4-11)

1Jesus lalu ngempuruka murid Iya ke dua belas, lalu meri sida kuasa muru#9.1 Sekeda salin: atas semua antu, enggau ngeraika penyakit, 2lalu ngasuh sida madahka berita pasal Perintah Allah Taala, sereta ngeraika orang ke sakit 3Ku Iya bejaku ngagai sida, “Anang mai utai lebuh kita bejalai: anang mai tungkat, tauka kambut, tauka pemakai, tauka duit. Baju kena besilih pen enda meh tau mai. 4Sebarang rumah alai kita tama, diau dia, datai ke kita mupuk ari endur nya. 5#SKR 13.51; Luk 10.4-11. Di sebarang endur orang enda nerima kita, tesai abus ari kaki kita nyadika saksi kena ngelaban sida lebuh kita angkat ari endur nya.”

6Sida murid mupuk, lalu bejalai nengah semua genturung pendiau, nusui Berita Manah, sereta ngeraika orang di semua endur.

Herod Charut Runding

(Matthew 14.1-12; Mark 6.14-16; Luke 9.19)

7 # Mat 16.14; Mrk 8.28; Luk 9.19. Lebuh Herod#9.7 Gerika: tetrach ninga pasal semua utai ti nyadi, iya beba runding, laban sekeda orang madahka John Pemaptisa udah angkat idup baru. 8Sekeda madahka Elijah udah pegari, lalu sekeda madahka siku ari bala nabi ke dulu kelia udah angkat idup baru. 9#Luk 23.8. Ku Herod, “John udah dipumpung aku pala; tang sapa orang tu ke didinga aku tu?” Lalu iya keran deka betemu enggau Jesus.

Meri Orang Lima Ribu Iku Makai

(Matthew 14.13-21; Mark 6.30-44; John 6.1-14)

10Lebuh sida rasul pulai bejalai, sida lalu madah ngagai Jesus semua utai ti udah dikereja sida. Iya mai sida kediri enggau Iya ngagai sebuah nengeri ti dikumbai Betsaida. 11#Mat 14.13-21; Mrk 6.32-44; Jhn 6.1-14; Mrk 8.4-10. Lebuh orang mayuh ninga nya, sida lalu nitihka Iya. Iya lalu ngelaluka penatai sida lalu bejaku ngagai sida pasal Perintah Allah Taala, lalu ngeraika orang ke sakit.#9.11 Sekeda salin: minta diri digeraika.

12Lebuh hari nyau udah lemai, murid ke dua belas datai ngagai Iya, lalu bejaku, “Asuh bala orang tu pulai, ngambika sida bejalai ngagai genturung pendiau enggau ngagai menua ti ngelingi tu, lalu ngiga pemakai enggau rumah alai bemalam, laban menua tu nadai mensia.”

13 # 2 Raj 4.42-44. Tang ku Jesus bejaku ngagai sida, “Kita meri sida utai diempa.”

Disaut sida, “Kami semina bisi lima iti tuku roti, enggau dua iku ikan--enti kami enda mupuk lalu meli pemakai ke semua orang tu.” 14Laban orang lelaki ke bisi dia kira lima ribu iku.

Iya lalu bejaku ngagai sida murid Iya, “Asuh sida duduk beraban-raban, kira lima puluh iku dalam siti-siti raban.”

15Sida murid lalu ngasuh semua orang dia duduk magang. 16#Luk 22.19; 24.30-31; SKR 2.42; 20.11; 27.35. Jesus lalu ngambi lima iti tuku roti enggau dua iku ikan nya, engkadah ke langit, merekat lalu mechahka roti enggau ikan nya, lalu nyuaka utai nya ngagai sida murid ngambika sida nyadung ngagai orang mayuh. 17Semua sida bela makai magang lalu kenyang. Teda pemakai nya lalu digumpul, dua belas bakul penuh.

Peter Madahka Sapa Jesus

(Matthew 16.13-19; Mark 8.27-29)

18 # Jhn 1.49; 11.27; 6.66-69; Luk 3.21; 5.16; 6.12; 9.28; 11.1. Nyadi sekali, lebuh Jesus benung besampi keDiri, lalu semina sida murid Iya aja bisi semak Iya, Iya nanya sida, “Sapa Aku tu ku orang?”

19 # Mat 14.1-2; Mrk 6.14-15; Luk 9.7-8. Ku sida nyaut, “Sekeda ngumbai Nuan John Pemaptisa. Sekeda ngumbai Nuan Elijah. Lalu sekeda ti bukai ngumbai Nuan siku ari sida nabi ke dulu kelia, ke udah angkat idup baru.”

20 # Jhn 6.68-69. Iya lalu bejaku ngagai sida, “Tang sapa Aku tu ku kita?”

Peter lalu nyaut, “Nuan tu Kristus#9.20 Tauka: Messiah Allah Taala.”

Jesus Ngenang Pasal Pemerinsa Enggau Pemati Iya

(Matthew 16.20-28; Mark 8.30—9.1)

21Iya lalu berat-rat enda nyagi sida madahka nya ngagai orang, 22#Mat 16.21; Mrk 8.31; Luk 9.43-45; 18.31-34; 17.5. ku Iya, “Anak Mensia enda tau enda balat diperinsa, lalu ditulak sida tuai bansa, sida tuai imam, enggau sida pengajar Adat, lalu dibunuh, lalu ba hari ti ketiga diangkatka idup baru.”

23 # Mat 16.24-28; Mrk 8.34—9.1. Lalu ku Iya bejaku ngagai semua sida, “Enti orang deka nitihka Aku, awakka iya badu agi berundingka diri empu, ngesan regang iya tiap hari, lalu nitihka Aku. 24#Mat 10.38-39; Luk 14.27; 17.33; Jhn 12.25. Laban barang sapa deka ngidupka nyawa diri, deka ngelenyauka iya, lalu barang sapa deka ngelenyauka nyawa diri ketegal Aku, deka ngidupka iya. 25Nama penguntung orang, enti iya bempu semua dunya, tang ngelenyauka nyawa diri? 26#Mat 10.33; Luk 12.9; 1 Jhn 2.28. Orang ke malu ke Aku, sereta malu ke ajar Aku, Anak Mensia deka mega malu ke orang nya lebuh Iya datai dalam mulia Iya, enggau dalam mulia Apai Iya, enggau dalam mulia bala melikat Iya ti kudus. 27#Luk 22.18; Mat 10.23; 1 Tes 4.15-18; Jhn 21.22. Tang enggau bendar Aku madah ngagai kita, sekeda orang ke bediri ditu apin mati sebedau sida meda Perintah Allah Taala.”

Berubah Gamal

(Matthew 17.1-8; Mark 9.2-8; 2 Peter 1.17-18)

28 # Luk 8.51; 3.21; 5.16; 6.12; 9.18; 11.1. #2 Pet 1.17-18. Kira lapan hari udah bekau Iya nyebut nya, Iya mai Peter, John enggau James niki ngagai bukit sigi, deka besampi. 29Lebuh Iya benung besampi, mua Iya berubah, lalu gari Iya bebali beperenching burak. 30#SKR 1.9-11. Tekala nya dua iku orang bejaku enggau Iya. Seduai nya Moses enggau Elijah, 31ke pegari ngena mulia lalu bejakuka pasal pemati Iya, ti baru deka dikereja Iya di Jerusalem. 32#Jhn 1.14. Nyadi Peter enggau pangan iya jenak amat tinduk, lalu lebuh sida dani, sida meda mulia Iya, sereta meda orang ke dua iku nya bediri enggau Iya. 33#Luk 5.5; 8.24, 45; 9.49; 17.13. Lebuh orang ke dua iku nya ninggalka Jesus, Peter lalu bejaku enggau Jesus, “Pengajar, manah amat kitai diau ditu; awakka kami ngaga tiga buah langkau, sebuah ke Nuan, sebuah ke Moses, lalu sebuah ke Elijah.” (Peter enda nemu utai ti disebut diri.)

34Lebuh Peter agi benung nyebut nya, siti remang datai lalu ngelindung sida, lalu sida murid takut dibalut remang nya. 35#Isa 42.1; Mat 3.17; 12.18; Mrk 1.11; Luk 3.22. Nyawa lalu bejaku ari dalam remang nya, ku iya, “Tu Anak Aku ke dipilih Aku.#9.35 ke dipilih Aku; Sekeda salin: ke dikerinduka Aku Pendingka Iya!”

36 # Mat 17.9; Mrk 9.9-10. Lebuh nyawa nya udah badu bejaku, semina Jesus aja bisi dia. Sida murid lalu enda bemunyi, lalu nadai madah ngagai orang lebuh maya nya, pasal utai ti udah dipeda sida.

Jesus Ngeraika Nembiak Ke Dirasuk Antu

(Matthew 17.14-18; Mark 9.14-27)

37Hari siti, lebuh sida udah nurun ari bukit nya, mayuh amat orang betemu enggau Jesus. 38Siku lelaki lalu ngangau ari bala mayuh, “Pengajar! Aku minta Nuan meda anak aku! Iya anak tunggal aku! 39Lebuh roh ti jai nyerang iya, iya nyerauh. Roh nya lalu ngusak iya, datai ke nyawa iya nyau bepupu. Roh nya merinsaka iya, lalu enggai ninggalka iya! 40Aku udah minta sida murid Nuan muru roh nya, tang sida enda ulih.”

41Jesus lalu nyaut, “Kita tu orang ke enda arap sereta jai! Ni pengelama Aku enda tau enda begulai enggau kita, lalu sabar enggau kita? Bai anak nuan kitu.”

42Lebuh nembiak nya mansang ngagai Jesus, antu nya lalu ngempaska iya ke tanah, lalu ngusak iya. Tang Jesus ngerara roh ti jai nya, ngeraika nembiak nya, lalu meri iya ngagai apai iya. 43#Mat 17.22-23; Luk 9.22; 18.31-34; 17.25. Semua orang balat alit ati ke pemesai kuasa Allah Taala.

Jesus Bejaku Baru Ke Pasal Pemati Iya

(Matthew 17.22-23; Mark 9.30-32)

Lebuh semua orang mayuh agi alit ati ke semua utai ti udah dikereja Jesus, Iya lalu bejaku ngagai sida murid Iya, 44“Kingatka jaku tu: Anak Mensia deka dijual#9.44 Tauka: diserahka ngagai jari mensia.” 45Tang sida murid enda nemu reti jaku Iya nya. Reti jaku Iya nya udah dilalaika ari sida, ngambika sida enda nemu reti utai nya. Lalu sida takut nanyaka reti jaku nya ngagai Iya.

Sapa Ke Pemadu Besai?

(Matthew 18.1-5; Mark 9.33-37)

46 # Luk 22.24. Sida murid betalatka enggau pangan diri pasal sapa ari bala sida ke pemadu besai. 47Tang Jesus nemu peragam ati sida, lalu Iya ngambi siku anak mit, ngasuh iya bediri ngimbai Iya, 48#Mat 10.40; Luk 10.16; Jhn 13.20. lalu bejaku ngagai sida, “Barang sapa nerima anak mit tu dalam nama Aku, nerima Aku, lalu barang sapa nerima Aku, nerima Iya ke ngirumka Aku. Laban orang ke pemadu mit ba bala kita, nya meh orang ke pemadu besai.”

Orang Ke Enda Ngelaban Kita, Setanah Enggau Kita

(Mark 9.38-40)

49 # Mrk 9.38-40; Luk 11.23; Luk 5.5; 8.24, 45; 9.33; 17.13. John lalu nyaut, “Pengajar, kami bisi udah meda orang siku muru antu dalam nama Nuan, lalu kami nguji nagang iya, laban iya enda nitihka kitai.”#9.49 Tauka: laban iya ukai raban kitai

50Tang ku Jesus bejaku ngagai iya, “Anang nagang iya, laban orang ke enda ngelaban kita, setanah enggau kita.”

Sebuah Nengeri Orang Samaria Enggai Nyambut Jesus

51 # Mrk 10.1; Luk 17.11; Jhn 4.40-42. Lebuh Jesus nyau deka dibai niki ke serega, Iya mutuska runding deka mansang ngagai Jerusalem. 52#Mat 10.5; Jhn 4.4. Iya lalu ngasuh bala seruan bejalai dulu ari Iya. Di rantau jalai sida tama ngagai sebuah genturung pendiau di menua Samaria, deka nyendiaka semua utai ke Iya. 53Tang orang dia enggai nerima Iya, laban Iya endang semina deka mansang ngagai Jerusalem. 54#Mrk 3.17; 2 Raj 1.9-16. Lebuh murid Iya, James seduai John meda nya, seduai iya lalu bejaku, “Tuhan, kati Nuan dekaka kami ngangauka api nurun ari langit lalu nganguska sida?” #9.54 Salin ti bukai bisi nambahka genteran: baka ke dikereja Elijah. Peda 1 Raj 18.38

55Tang Iya nguing lalu ngerara seduai iya. #9.55 Salin ti bukai bisi nambahka jaku tu: lalu bejaku, “Seduai enda nemu roh ti dititihka seduai, laban Anak Mensia ukai datai ngerusak nyawa mensia, tang deka nyelamatka sida.” 56Sida lalu mansang ngagai siti agi genturung pendiau.

Orang Ke Deka Nyadi Murid Jesus

(Matthew 8.19-22)

57 # Mat 8.19-22. Lebuh sida benung di rantau jalai, siku orang bejaku ngagai Jesus, “Aku deka nitihka Nuan, ngagai sebarang endur Nuan bejalai.”

58Jesus lalu bejaku ngagai iya, “Munsang bisi lubang, lalu burung bisi tansang, tang Anak Mensia nadai endur alai ngalika Diri.”

59Ku Iya bejaku ngagai siku ti bukai, “Titihka Aku.”

Tang ku orang nya bejaku, “Tuan, awakka aku pulai dulu lalu nguburka apai aku.”

60Tang ku Jesus bejaku ngagai iya, “Awakka orang ke mati, nguburka bala sida empu ke mati. Tang nuan empu enda tau enda bejalai lalu nusui pasal Perintah Allah Taala.”

61 # 1 Raj 19.20; Plp 3.13. Siku ti bukai bejaku, “Aku deka nitihka Nuan, Tuhan, tang awakka aku meri selamat tinggal ngagai kami sebilik dulu.”

62Ku Jesus bejaku ngagai iya, “Orang ke belabuh ngeradu tanah lalu malik kebelakang, enda tau nyadi nembiak Perintah Allah Taala.”

Currently Selected:

Luke 9: BK

Highlight

Copy