Luke 19

Jesus Enggau Sakius

1 # Mrk 10.46. Jesus lalu datai di Jeriko, tang Iya enda bemalam dia. 2Nyadi di nengeri nya bisi siku orang benama Sakius. Iya tu kepala orang ke ngumpul chukai, lalu iya orang ke kaya. 3Iya nguji meda sapa orang ke benama Jesus, tang laban orang kelalu mayuh, iya enda ulih meda Jesus, laban iya baruh. 4Nya alai iya lalu belanda dulu ari bala mayuh, lalu niki sepun kayu, deka meda Jesus, ke deka mansa. 5Lebuh Jesus datai ba endur nya, Iya engkadah, lalu bejaku enggau Sakius, “Nurun jampat, Sakius, laban aku enda tau enda diau ba rumah nuan sehari tu.”

6Nya alai Sakius lalu beguai-guai nurun, lalu gaga ati ngelaluka Jesus. 7#Luk 5.29-30; 15.1-2. Semua orang ke meda nya lalu belabuh mut-mut. Ku sida, “Iya nyadi temuai orang ke bedosa!”

8 # Luk 7.13; 3.14; P-sut 22.1; Lew 6.5; P-pau 5.6-7. Sakius bediri lalu bejaku ngagai Tuhan, “Tuhan, aku deka meri setengah ari semua reta tengkira aku ngagai orang ke seranta, lalu enti aku bisi udah ngakal orang, aku deka mulaika utai nya empat kali lipat.”

9 # Luk 3.8; 13.16; Rom 4.16. Jesus lalu bejaku ngagai iya, “Sehari tu pengelepas udah datai ba rumah tu, laban iya mega peturun Abraham. 10#Mat 18.11. Laban Anak Mensia datai ngambika Iya ngiga lalu nyelamatka orang ke tesat.”

Sempama Pasal Duit Emas

(Matthew 25.14-30)

11 # Mat 25.14-30. #Luk 9.51; 13.22; 17.11; 18.31; 9.27. Lebuh orang mayuh agi benung mendingka Iya bejaku, Iya lalu madahka siti sempama ngagai sida, laban Iya nyau datai semak Jerusalem, enggau laban sida ngumbai Perintah Allah Taala baru deka pegari. 12#Mat 25.14-30; Mrk 13.34. Nya alai ku Iya bejaku, “Siku orang ke tinggi pangkat bejalai ngagai menua ti jauh, ngambika iya dichiri nyadi raja, lalu udah nya pulai baru ngagai menua iya empu. 13Iya ngangauka sepuluh iku orang gaji iya, lalu meri sida sepuluh singkap duit emas.#19.13 sepuluh singkap duit emas: Kira gaji kuli tiga bulan Lalu bejaku ngagai sida, ‘Aku ngasuh kita bedagang ngena duit tu nyentuk ngagai maya aku pulai kitu baru.’ 14Tang bala nembiak iya begedika iya, lalu sida ngasuh bala seruan nitihka iya, ku sida, ‘Kami enggai meda orang tu nyadi raja kami.’

15Lebuh iya pulai, udah bekau iya ke dichiri nyadi raja, iya lalu ngasuh orang manggil orang gaji ke udah alai iya nyuaka duit, deka nemu untung ti udah ulih sida bedagang. 16Iya ke terubah datai lalu bejaku, “Tuan, sesingkap duit nuan udah bulih sepuluh singkap.’ 17#Luk 16.10. Lalu ku iya bejaku ngagai orang nya, ‘Manah pengawa nuan. Nuan tu orang gaji ti manah! Laban nuan tau dikarapka ngemataka utai ti mimit, aku deka ngasuh nuan ngemataka sepuluh buah nengeri.’ 18Iya ti kedua datai lalu bejaku, ‘Tuan, sesingkap duit nuan udah bulih lima singkap.’ 19Lalu ku tuan iya bejaku ngagai iya, ‘Nuan deka ngemataka lima buah nengeri.’ 20Iya ti siku datai lalu bejaku, ‘Tuan, tu duit nuan. Aku mungkus duit tu ngena perecha, 21laban aku takutka nuan, laban nuan orang ke terit. Nuan ngambi utai ti ukai disimpan nuan, lalu ngetau utai ti ukai ditanam nuan.’ 22Ku tuan nya bejaku ngagai orang gaji nya, ‘Aku deka ngakim nuan ngena leka jaku nuan empu, nuan orang gaji ti jai! Nuan nemu aku endang terit, ngambi utai ti ukai disimpan aku, lalu ngetau utai ti ukai ditanam aku. 23Nya alai nama kebuah nuan enda nyimpan duit aku dalam bank, ngambika lebuh aku pulai kitu baru, aku ulih nerima iya sama enggau bungai iya?’ 24Udah nya iya lalu bejaku ngagai orang ke bediri semak dia, ‘Ambi duit nya ari iya, lalu beri ngagai iya ke bisi sepuluh singkap.’ 25(Tang ku sida bejaku ngagai iya, ‘Tuan, iya udah bisi sepuluh singkap!’) 26#Mat 13.12; Mrk 4.25; Luk 8.18. ‘Aku madah ngagai kita, genap iku orang ke bisi utai deka diberi mayuh agi, tang orang ke nadai utai, indah utai ti mimit ti dikemisi sida deh deka diambi ari sida. 27Nyadi pasal bala munsuh aku ke enggai nerima aku nyadi raja sida, bai sida kitu, lalu bunuh sida di mua aku!’ ”

Semak Jerusalem

(Matthew 21.1-11; Mark 11.1-11; John 12.12-19)

28 # Mrk 10.32. Lebuh Iya udah nyebut nya, Iya lalu bejalai dulu ari sida ngagai Jerusalem. 29#Mat 21.1-10; Jhn 12.12-18. Lebuh Iya datai semak Betpagi enggau Betani, ba bukit sigi ti dikumbai Bukit Kana, Iya ngasuh dua iku murid Iya bejalai dulu ari sida, 30ku Iya, “Alai seduai bejalai ngagai nengeri ti di mua nyin. Lebuh seduai tama ngagai nengeri nya, seduai deka nemu siku anak keledai ditanchang dia, ti nadai udah kala ditepan orang. Buka tali iya, lalu bai iya kitu. 31Enti orang nanya seduai, ‘Nama kebuah seduai muka tali jelu nya?’ sebut aja jaku tu, ‘Tuhan begunaka iya.’ ”

32 # Luk 22.13. Seduai iya mupuk, lalu nemu semua utai munyi ti udah dipadahka Jesus ngagai seduai iya. 33Lebuh seduai iya muka tali anak keledai nya, orang ke bempu jelu nya lalu bejaku ngagai seduai iya, “Nama kebuah seduai muka tali anak keledai nya?”

34 # Luk 7.13. Seduai iya lalu nyaut, “Tuhan begunaka iya.” 35Seduai iya lalu mai anak keledai nya ngagai Jesus, ngelempaika serayung seduai iya ba belakang jelu nya, lalu nulung Jesus nepan ba jelu nya. 36#2 Raj 9.13. Lebuh Iya nepan keledai nya, orang mayuh lalu nganchau serayung sida ba jalai raya.

37Lebuh Iya nyau datai semak jalai ti nurun ari Bukit Kana, semua bala murid Iya belabuh gaga ati muji Allah Taala enggau nyawa ti inggar ketegal semua utai ti besai ti udah dipeda sida, 38#Mas 118.26; Luk 13.35; 2.14. ku sida,

“Beberekat meh Raja

ke datai dalam nama Tuhan!

Pemaik di serega,

enggau mulia di serega ti pemadu tinggi!”

39 # Mat 21.15-16; Hab 2.11. Sekeda orang Parisi ke dalam tekang bala mayuh lalu bejaku ngagai Iya, “Pengajar, asuh murid Nuan badu agi inggar!”

40Disaut Iya, “Aku madah ngagai kita, enti sida enda bemunyi, batu deka manjung.”

Jesus Nyabakka Jerusalem

41 # Luk 13.33-34. Lebuh Iya nyau datai semak lalu meda nengeri nya, Iya nyabakka nengeri nya, 42ku Iya, “Naka meh pemanah, enti sehari tu nuan ngelala utai ti ulih mai pemaik ngagai nuan! Tang diatu utai nya dilalaika ari mata nuan! 43#Luk 21.21-24; 21.6; Isa 29.3; Jer 6.6; Esk 4.2. Maya deka datai alai bala munsuh nuan deka ngaga kuta tanah ngelingi nuan kena ngelulung nuan, lalu mekulka nuan. 44#1 Pet 2.12. Sida deka ngerusak nuan, enggau orang ke diau dalam nuan, lalu sigi pen nadai mega batu ditejuka mengkang betusun dalam nuan, laban nuan enda ngelala maya Allah Taala datai ngagai nuan.”

Jesus Tama Rumah Sembiang

(Matthew 21.12-17; Mark 11.15-19; John 2.13-22)

45Iya lalu tama ngagai Rumah Sembiang, lalu belabuh muru orang ke bejual dia. 46#Isa 56.7; Jer 7.11. Ku Iya bejaku ngagai sida, “Endang udah ditulis,

‘Rumah Aku deka nyadi rumah sembiang.’

Tang kita udah ngaga iya nyadi sarang perumpak.”

47 # Luk 21.37; 22.53; Mrk 11.18. Tiap hari Iya ngajar dalam Rumah Sembiang. Sida tuai imam, sida pengajar Adat, enggau bala tuai orang Judah majak begigaka jalai munuh Iya, 48tang sida nadai tetemuka jalai ngereja nya, laban semua orang mayuh majak mendingka Iya.

Currently Selected:

Luke 19: BK

Highlight

Copy