Luke 20

Tanya Pasal Kuasa Jesus

(Matthew 21.23-27; Mark 11.27-33)

1Nyadi sekali, lebuh Jesus benung ngajar orang mayuh dalam Rumah Sembiang sereta nusui Berita Manah, sida tuai imam enggau sida pengajar Adat enggau bala tuai orang Judah, datai 2#Jhn 2.18. lalu bejaku ngagai Iya, “Padahka ngagai kami, nama kuasa ti dikena Nuan ngereja utai tu? Sapa meri Nuan kuasa nya?”

3Iya lalu nyaut sida, “Aku deka nanya kita siti tanya. Padahka ngagai Aku, 4Kati baptisa John datai ari serega tauka ari mensia?”

5Sida lalu belabuh berandauka#20.5 Sekeda salin: betalatka; Tauka: bekelikuhka nya enggau pangan diri. Ku sida, “Enti kitai nyebut, ‘Ari serega,’ Iya deka nyebut, ‘Nama kebuah kita enda arapka iya?’ 6#Mat 14.5; Luk 7.29. Tang enti kitai nyebut, ‘Ari mensia,’ semua orang deka nuku kitai ngena batu, laban sida arapka John nya nabi.” 7Nya alai sida lalu nyaut madahka diri enda nemu penatai baptisa nya.

8Jesus lalu bejaku ngagai sida, “Aku pen enggai meh madah ngagai kita kuasa ti dikena Aku ngereja utai tu.”

Sempama Pasal Orang Ke Nyua Kebun Anggur

(Matthew 21.33-46; Mark 12.1-12)

9 # Isa 5.1-7; Mat 25.14. Iya lalu belabuh madahka sempama tu ngagai orang mayuh: “Orang siku numbuhka sebidang kebun anggur. Iya ngasuh orang nyua kebun nya, lalu udah nya iya pegi lama amat ngagai menua bukai. 10Lebuh maya ngetau buah anggur, Iya ngasuh siku ari bala ulun iya mansang ngagai orang ke nyua kebun nya, deka ngambi ungkup iya ari buah anggur nya. Tang bala orang ke nyua kebun nya malu ulun nya, lalu ngasuh iya pulai puang. 11Iya lalu ngirumka siku agi ulun. Tang iya mega dipalu sereta dikeleseka sida, lalu diburu sida pulai puang. 12Iya lalu ngirumka ulun ti ketiga. Sida ngemakalka iya, lalu muai iya ari kebun nya. 13Udah nya orang ke bempu kebun anggur nya bejaku, ‘Nama utai ti deka dikereja aku? Aku deka ngirumka anak tunggal aku. Nyangka sida deka bebasaka iya.’ 14Tang lebuh bala orang ke nyua kebun nya meda anak tunggal iya nya, sida lalu berandauka nya enggau pangan diri, ku sida, ‘Tu orang ke bempu waris. Aram kitai munuh iya, ngambika pesaka tu diempu kitai!’ 15Sida lalu muai iya ari kebun anggur nya, lalu munuh iya.

Nama utai ti deka dikereja orang ke bempu kebun anggur nya ngagai bala orang ke nyua? 16#SKR 13.46; 18.6; 28.28. Iya deka datai lalu munuh#20.16 Sekeda salin: ngerusak sida lalu nyerahka kebun nya ngagai orang bukai.”

Lebuh orang mayuh ninga nya, sida lalu bejaku, “Enda patut!”

17 # Mas 118.22; SKR 4.11; 1 Pet 2.6-7. Tang Jesus merening ngagai sida, lalu bejaku, “Enti pia, nama reti jaku ti ditulis tu:

‘Batu ti ditulak#20.17 Tauka: enda diguna tukang rumah

udah nyadi batu ti pemadu beguna.’

18 # Isa 8.14-15. Genap iku orang ke labuh ninggang batu nya, deka redak, lalu batu tu deka ngeredakka orang ke ditinggang iya.”

19 # Luk 19.47. Lebuh sida pengajar Adat enggau sida tuai imam nemu Iya udah nyebut jaku sempama nya kena Iya ngelaban sida, sida nguji nangkap Iya tekala nya, tang sida takutka orang mayuh.

Tanya Pasal Mayar Chukai

(Matthew 22.15-22; Mark 12.13-17)

20 # Mat 22.15-22; Mrk 12.13-17. Nya alai sida nengkilaka Iya, lalu ngirumka bala pematau, ti pura-pura ngaga diri baka ke manah ati, ngambika sida ulih nangkap Iya ketegal utai ti disebut Iya, lalu nyerahka Iya ngagai tuan gabenor. 21#Jhn 3.2. Nya alai sida nanya Iya, “Pengajar, kami nemu Nuan endang nyebut sereta ngajar utai ti ngena, lalu Nuan enda bedulika orang, tang ngajar utai ti bendar pasal jalai Allah Taala. 22Kati kitai tau mayar chukai ngagai Raja Besai, tauka enda?”

23Tang Iya nemu akal sida, lalu ku Iya bejaku ngagai sida, 24“Pandangka sesingkap duit#20.24 satu denarius ngagai Aku. Gambar sapa enggau nama sapa tu?”

Sida lalu nyaut, “Enggi Raja Besai.”

25 # Rom 13.7; Luk 23.2. Ku Iya bejaku ngagai sida, “Enti pia, utai Raja Besai, beri ngagai Raja Besai, utai Allah Taala, beri ngagai Allah Taala.”

26Sida lalu enda ulih manjuk Iya ngena utai ti disebut Iya di mua orang mayuh. Sida balat alit ati ke saut Iya, lalu sida enda bemunyi.

Tanya Pasal Pengangkat Ari Mati

(Matthew 22.23-33; Mark 12.18-27)

27 # SKR 4.1-2; 23.8-10. Udah nya sekeda orang Saduki datai ngagai Iya. Nyadi orang Saduki enda arapka pengangkat ari mati. 28#U-dat 25.5. Sida lalu nanya Iya, “Pengajar, Moses nulis ke kitai, enti laki mati ninggalka bini, tang nadai ninggalka anak, menyadi lelaki iya enda tau enda jadi enggau balu nya, ngambika seduai iya bisi anak ngarika menyadi iya ke udah mati.#20.28 Sekeda salin nadai: ke udah mati. 29Nyadi sekali bisi tujuh iku lelaki diri menyadi. Iya ke tuai bebini, lalu mati, nadai anak. 30Menyadi ke lumur dua 31enggau ke lumur tiga jadi enggau indu nya, lalu baka nya mega semua tujuh iku sida bela mati nadai anak. 32Ke pengujung iya, indu nya mega mati. 33Lebuh pengangkat orang ari mati, sapa bempu bini nya? Laban semua sida tujuh bela udah ampit jadi enggau iya.”

34Jesus lalu bejaku ngagai sida, “Orang ke rebak diatu jadi enggau pangan diri, lalu nikah, 35tang orang ke dikira patut diau ba dunya ti jemah ila, sereta patut angkat ari mati, enda jadi melaki-bini tauka nikah. 36Iya ti bendar sida enda ulih mati agi, laban sida baka melikat lalu nyadi anak Allah Taala, laban sida udah diangkatka ari mati. 37#P-sut 3.6. Nyadi pasal pengangkat orang ari mati, indah Moses deh bisi nunjukka dalam cherita pasal babas ti laban api, ngumbai Tuhan nya Allah Taala Abraham, Isak, enggau Jakop. 38Allah Taala ukai Allah Taala ke orang ke mati, tang ke orang ke idup, laban ba Allah Taala semua orang idup magang.”

39 # Mrk 12.28. Sekeda sida pengajar Adat lalu nyaut, “Manah saut Nuan, Pengajar!” 40#Mrk 12.34; Mat 22.46. Laban sida nadai berani nanya iya agi.

Tanya Pasal Kristus

(Matthew 22.41-46; Mark 12.35-37)

41Iya lalu bejaku ngagai sida, “Baka ni ku orang ngumbai Kristus#20.41 Tauka: Messiah peturun David? 42#Mas 110.1. Laban David empu nyebut dalam bup Masmur,

‘Ku Tuhan bejaku enggau Tuhan aku:

Duduk Nuan muak ari kanan Aku,

43datai ke Aku udah ngaga munsuh Nuan

nyadika pelasar kaki Nuan.’

44David ngumbai Iya Tuhan; nya alai baka ni ku Kristus tau nyadi peturun iya?”

Bejaga Ari Sida Pengajar Adat

(Matthew 23.1-36; Mark 12.38-40; Luke 11.43; 14.7-11)

45Iya lalu bejaku ngagai sida murid Iya di mua orang mayuh, 46“Bejaga ari sida pengajar Adat, ke rindu bejalai ngena baju ti panjai, lalu rindu ditabi orang ba sebelah pasar lalu milih penuduk ti pemadu manah dalam balai gempuru enggau ba pengerami makai besai. 47Sida ngambi ulih ba indu ke balu lalu ngerampas rumah sida, lalu pura-pura lama besampi! Sida deka nerima ukum ti besai agi!”

Currently Selected:

Luke 20: BK

Highlight

Copy