Luke 21

Pemeri Ti Diberi Indu Ke Balu

(Mark 12.41-44)

1Jesus malik lalu tepedaka bala orang ke kaya nepuka pemeri sida ngagai sarang wang Rumah Sembiang, 2lalu Iya mega tepedaka siku indu ke balu sereta seranta, nepuka dua singkap duit engkeraju. 3Ku Jesus bejaku, “Enggau bendar Aku madah ngagai kita, indu ke balu sereta seranta tu udah meri mayuh agi ari semua sida nya; 4laban semua sida meri ari laluh utai ti dikemisi sida, tang indu ke seranta tu udah meri semua utai ti dikena iya beridup.”

Jesus Bejakuka Pasal Rumah Sembiang Ti Deka Dirusak

(Matthew 24.1-19; Mark 13.1-17)

5Lebuh sekeda murid benung berandauka pasal Rumah Sembiang, pasal Rumah nya ti dilagu ngena batu ti berega, sereta enggau piring ti dienjuk ngagai Allah Taaa, Iya bejaku, 6#Luk 19.43-44; Mrk 14.58; 15.2, 7, 9; SKR 6.14. “Pasal utai tu ti dipeda kita, maya deka datai alai batu tu nadai agi betusun baka tu; semua deka diruntuhka magang.”

Penusah Enggau Pemerinsa

(Matthew 24.3-14; Mark 13.3-13)

7 # Luk 17.20; SKR 1.6; [2] 2 Esd 4.51—5.19. Sida lalu nanya Iya, “Pengajar, kemaya utai nya deka nyadi, lalu nama tanda ti nunjukka utai nya deka nyadi?”

8 # Luk 17.23; Mrk 13.21; 1 Jhn 2.18. Ku Iya bejaku, “Bejaga, enggai ke orang nesatka kita; laban mayuh orang deka datai dalam nama Aku, lalu nyebut, ‘Aku tu meh Iya!’#21.8 Gerika: Aku meh tu enggau, ‘Maya nyau semak!’#21.8 Sekeda salin: ‘Maya udah datai!’ Anang nitihka sida.

9Lebuh kita ninga pasal perang enggau pasal pengachau ngelaban perintah nyadi, anang takut; laban utai nya endang enda tau enda dulu nyadi, tang pengujung enda datai tekala nya.”

10Iya lalu bejaku ngagai sida, “Bansa deka beperang ngelaban bansa bukai, lalu menua deka beperang ngelaban menua bukai. 11Tanah berenyang deka balat nyadi, lalu lapar pungkang, enggau penyakit deka balat nyadi ba mayuh bengkah endur; lalu tanda ti balat ngenakutka sereta nyelai deka pegari ari langit. 12#Mat 10.17-21. #SKR 25.24; Jhn 16.2. Tang sebedau semua utai nya nyadi, sida deka nangkap lalu merinsaka kita; sida deka nyerahka kita ngambika kita kena pechara dalam balai gempuru, lalu ditutup dalam rumah jil, lalu kita deka dibai ngagai raja enggau gabenor ketegal nama Aku. 13#Plp 1.12. Tu deka meri kita peluang besaksi.#21.13 Sekeda salin: nusui Berita Manah. 14#Luk 12.11-12. Nya alai kita enda tau enda mutuska runding enggai dulu berundingka jalai kita deka nyaut, 15laban Aku deka meri kita jaku#21.15 Gerika: mulut enggau penemu-dalam ti enda ulih disaut tauka disakal munsuh kita. 16#Luk 12.52-53. Kita deka diserahka ulih apai indai kita, menyadi lelaki kita, kaban belayan kita, enggau pangan kita, lalu sekeda kita deka dibunuh sida. 17#Mat 10.22; Jhn 15.18-25. Kita deka dipegedika semua orang ketegal nama Aku. 18#Luk 12.7; Mat 10.30; SKR 27.34; 1 Sam 14.45. Tang selambar pen nadai meh buk kita deka lenyau. 19#Mat 10.22; Pem 2.7. Ulih ati ti tan#21.19 Sekeda salin: Enti kita bediri tegap kita deka diselamatka.#21.19 Sekeda salin: kita deka bulih semengat kita.

Jesus Bejakuka Pasal Jerusalem Ti Deka Dirusak

(Matthew 24.15-21; Mark 13.14-19)

20 # Luk 19.41-44; 23.28-31; 17.31. “Lebuh kita meda Jerusalem dikelulung bala soldadu, nya baru kita deka nemu nengeri nya deka dirusak enda lama da agi. 21Lebuh maya nya, orang ke diau di Judea enda tau enda rari ngagai bukit. Lalu orang ke di nengeri enda tau enda angkat ari nengeri nya, lalu orang ke di menua pesisir enda tau tama ngagai nengeri; 22#Hos 9.7. laban nya ‘Hari Bebalas,’ kena ngamatka semua utai ti udah ditulis. 23#Luk 23.29. Naka meh penusah indu ke ngandung, enggau indu ke nusuka anak lebuh maya nya! Laban penusah ti besai deka ninggang dunya, lalu pengeringat Allah Taala deka ninggang bansa tu. 24#Rom 11.25; Isa 63.18; Dan 8.13; Pem 11.2. Sida deka dibunuh ngena pedang, lalu sekeda deka ditabanka nyadi orang tangkap ngagai semua menua, lalu Jerusalem deka dilunjak orang bansa bukai, nyentuk ngagai maya timpuh orang bansa bukai udah abis.

Penatai Anak Mensia

(Matthew 24.29-31; Mark 13.24-27)

25 # Isa 13.10; Esk 32.7; Jol 2.31; Pem 6.12-13. “Tanda deka pegari ba mata hari, ba bulan enggau ba bintang, lalu semua bansa di dunya deka tusah sereta irau ninga pemalat munyi segum tasik enggau pangka gelumbang. 26Orang deka luput laban takut, irauka utai ti deka ninggang dunya, laban kuasa ti di langit deka begegar. 27#Dan 7.13; Pem 1.7. Udah nya baru sida deka meda Anak Mensia datai dalam remang ngena kuasa enggau mulia ti besai. 28#Luk 18.7-8. Lebuh utai tu belabuh nyadi, bediri lalu angkatka pala kita, laban pengelepas#21.28 Tauka: penebus kita nyau semak.”

Pelajar Ari Kayu Ara

(Matthew 24.32-35; Mark 13.28-31)

29Udah nya Iya lalu madahka siti sempama ngagai sida, “Peratika kayu ara enggau semua kayu bukai. 30Lebuh daun sida belabuh bekantuk, kita empu ulih meda sereta nemu musin panas nyau semak. 31Baka nya mega, lebuh kita meda utai tu nyadi, kita deka nemu Perintah Allah Taala nyau semak.

32 # Luk 9.27. “Enggau bendar Aku madah ngagai kita, rebak tu apin mati sebedau#21.32 Tauka: nyentuk ngagai semua utai tu nyadi. 33#Luk 16.17. Langit enggau dunya deka lenyau, tang jaku Aku enda lenyau.

Enda Tau Enda Bejaga

34 # Luk 12.45; Mrk 4.19; 1 Tes 5.6-7. “Tang bejaga kita, ngambika kita enda gian ngirup, lalu mabuk, lalu selalu irauka pengidup, enggai ke kita enda ngadang lebuh Hari nya ngenyit datai, 35baka panjuk ti nyintak, laban Hari nya deka datai ngagai semua orang ke diau di serata dunya. 36#Mrk 13.33. Bejaga berari, besampi minta diri kering rari ari semua utai ti deka nyadi, lalu bediri di mua Anak Mensia.”

37 # Luk 19.47; Mrk 11.19. Iya ngajar tiap hari dalam Rumah Sembiang, lalu lebuh malam hari Iya pansut ari nengeri lalu bemalam ba Bukit Kana. 38Semua orang dani tumu pagi lalu mendingka Iya dalam Rumah Sembiang.

Currently Selected:

Luke 21: BK

Highlight

Copy