Luke 2

Pengada Jesus

(Matthew 1.18-25)

1 # Luk 3.1. Lebuh maya nya, Raja Besai Augustus meri atur ngasuh semua orang di serata dunya ngerejister nama diri. 2Tu keterubah iya pengawa ngitung tubuh dikereja. Pengawa tu dikereja lebuh Kurinius nyadi gabenor menua Siria. 3Semua orang lalu mansang ngagai nengeri sida empu, ngerejister nama diri.

4 # Luk 1.27. Josep mega bejalai ari nengeri Nasaret di menua Galili, ngagai menua Judea, ngagai nengeri David, ti dikumbai Betlehem, laban iya ari peturun David. 5Iya mansang ngerejister nama diri sama enggau Maria, ke betunang enggau iya, ke benung betubuh-bisi. 6Lebuh seduai iya di Betlehem, Maria pen nyau chukup bulan alai beranak. 7Iya lalu ngadaka anak tuai iya, medung anak mit nya ngena kain, lalu ngalika iya dalam dulang, laban sida nadai endur dalam rumah numpang.

Orang Pengibun Bedus Enggau Bala Melikat

8Di menua nya bisi bala pengibun bedus diau di padang, benung ngibun raban bedus sida lebuh malam hari. 9#Luk 1.11; SKR 5.19; [2] Tob 5.4. Siku melikat Tuhan lalu pegari di mua sida, lalu mulia Tuhan manchar ngelingi sida, lalu sida balat amat takut. 10Tang ku melikat nya bejaku ngagai sida, “Anang takut! Laban aku mai ngagai kita Berita Manah ti ngasuh ati semua mensia gaga: 11#Jhn 4.42; SKR 5.31; Mat 16.16; SKR 2.36. sehari tu, di nengeri David, Juruselamat kita udah ada, iya nya Kristus#2.11 Kristus; Tauka: Messiah ti Tuhan! 12#1 Sam 2.34; 2 Raj 19.29; Isa 7.14. Tu tanda ti diberi ngagai kita: kita deka nemu siku anak mit dibedung ngena kain, gali dalam dulang.”

13Tekala nya bala melikat ari serega lalu pegari sama enggau melikat nya, belagu muji Allah Taala. Ku sida,

14 # Luk 19.38; 3.22. “Muliaka Allah Taala di serega ti pemadu tinggi,

enggau pemaik di dunya ke orang ke dikerinduka Iya!”

15Lebuh bala melikat nya udah ninggalka sida lalu pulai ke serega, sida pengibun bedus nya lalu bejaku enggau pangan diri, “Aram kitai mupuk ngagai Betlehem, ngambika kitai meda utai ti udah nyadi, ti udah dipadahka Tuhan ngagai kitai.”

16Nya alai sida lalu beguai-guai mupuk, lalu tetemuka Maria seduai Josep, enggau anak mit nya gali dalam dulang. 17Lebuh sida meda nya, sida lalu madahka utai ti udah dipadahka melikat pasal anak mit nya, 18lalu semua orang ke ninga nya balat alit ati ke utai ti dipadahka sida pengibun bedus. 19#Luk 2.51. Tang Maria nyimpan semua jaku nya lalu belematika jaku nya dalam ati iya. 20Sida pengibun bedus lalu pulai, ngemuliaka sereta muji Allah Taala ketegal semua utai ti udah didinga enggau dipeda sida, munyi ti udah dipadahka ngagai sida.

Jesus Diberi Nama

21 # Lew 12.3; Luk 1.31; Mat 1.25. Lapan hari udah bekau nya, anak mit nya lalu ditutus. Iya lalu diberi nama Jesus, nama ti udah diberi melikat sebedau Iya dikandungka.

Jesus Diserahka Dalam Rumah Sembiang

22 # Lew 12.2-8. Lebuh maya nyau datai alai Josep seduai Maria patut nuchi diri nitihka Adat Moses, seduai iya mai anak mit nya ngagai Jerusalem, deka nyerahka Iya ngagai Tuhan, 23#P-sut 13.2, 12. (munyi ti udah ditulis dalam Adat Tuhan: “Genap iku anak tuai ti lelaki enda tau enda diserahka ngagai Tuhan.”) 24#Lew 12.6-8. Lalu seduai iya ngenjuk piring nitihka pesan ti ditulis dalam Adat Tuhan, iya nya “sepasang burung achang tauka dua iku burung puna”.

25 # Luk 2.38; 23.51. Nyadi di Jerusalem lebuh maya nya bisi siku lelaki benama Simeon.#2.25 Gerika: Symeon Simeon nya orang ke lurus sereta angkunka Allah Taala, ke nganti pengelepas orang Israel, lalu Roh Kudus bisi enggau iya. 26Roh Kudus udah madahka iya apin mati sebedau iya meda Kristus.#2.26 Tauka: Messiah 27Nitihka iring Roh Kudus, Simeon lalu mansang ngagai Rumah Sembiang. Lalu lebuh Maria seduai Josep mai Jesus, anak mit nya ngagai Rumah Sembiang, deka ngereja utai ke Iya nitihka atur dalam Adat, 28Simeon merap anak mit nya, lalu muji Allah Taala. Ku iya,

29“Tuhan, awakka nembiak #2.29 nembiak; Gerika: ulun Nuan pulai enggau selamat,

nitihka jaku Nuan,

30 # Isa 52.10; Luk 3.6. laban mata aku udah meda pengelepas Nuan,

31ti udah disediaka Nuan di mua semua mensia,

32 # Isa 42.6; 49.6; SKR 13.47; 26.23. penampak ti mandangka peneka Nuan ngagai orang bansa bukai

enggau ke mulia nembiak Nuan Israel.”

33Apai indai anak mit nya lalu balat alit ati ke semua utai ti disebut pasal Iya.#2.33 Iya; Tauka: Jesus 34Udah nya Simeon merekatka sida, lalu bejaku ngagai Maria, indai anak mit nya, “Anak mit tu udah dipilih ngerusak enggau ngelepaska mayuh orang di menua Israel. Lalu Iya deka nyadi tanda ti deka disakal orang,

35ngambika peragam ati mayuh orang dipandangka - lalu ati nuan deka tusah asai ti direjang ngena pedang.”#2.35 Tauka: lalu pedang deka mega ngerejang semengat nuan.

36 # SKR 21.9; Jos 19.24; 1 Tim 5.9; [2] Jdt 8.4-5. Nyadi dia mega bisi siku nabi indu benama Anna#2.36 Gerika: Hanna anak Panuel, ari raban bansa Aser. Iya tuai amat umur. Iya semina begulai enggau laki iya tujuh taun aja, 37lalu iya balu nyentuk ngagai umur iya lapan puluh empat taun. Iya enda kala ninggalka Rumah Sembiang, tang nyembah Allah Taala sereta bepasa, lalu besampi siang malam. 38Lebuh maya nya iya datai, belabuh muji Allah Taala, lalu bejakuka pasal anak mit nya#2.38 Gerika: Iya ngagai semua orang ke nganti penebus Jerusalem.

Pulai Ngagai Nasaret

39 # Mat 2.23. Lebuh Josep seduai Maria udah tembu ngereja semua utai nitihka Adat Tuhan, sida pulai ngagai menua Galili, ngagai nengeri sida empu, iya nya Nasaret. 40#P-ulu 13.24; 1 Sam 2.26. Anak mit nya lalu mansang besai sereta kering, penuh laban penemu-dalam, sereta dikerinduka Allah Taala.

Jesus Dalam Rumah Sembiang

41 # P-sut 12.1-27; 23.15; U-dat 16.1-8. Nyadi genap taun apai indai Jesus mansang ngagai Jerusalem deka ngintu Gawai Paska. 42Lalu lebuh Jesus umur dua belas taun, sida mupuk ngagai Gawai nya baka selama. 43Tembu Gawai nya, lebuh sida mulaika diri, Nembiak nya, iya nya Jesus, ninggalka Diri di Jerusalem, tang apai indai Iya enda nemu nya. 44Seduai iya bejalai sehari nya ngumbai Iya bejalai enggau raban sida empu. Udah nya seduai iya lalu belabuh begigaka Iya ba bala kaban belayan enggau pangan sida. 45Lebuh seduai iya nadai tetemuka Iya, seduai iya lalu nikal ngagai Jerusalem, ngiga Iya. 46Tiga hari udah bekau nya, nya baru seduai iya tetemuka Iya dalam Rumah Sembiang, duduk enggau bala pengajar, mendingka sida, sereta betanyaka utai ngagai sida. 47Lalu semua orang ke ninga Iya balat alit ati ninga penalam penemu enggau saut Iya. 48#Mrk 3.31-35. Lebuh apai indai Iya meda Iya, seduai iya balat alit ati, lalu ku indai Iya bejaku enggau Iya, “Anak, nama kebuah Nuan miaka kami duai apai nuan baka tu? Peda Nuan, kami duai apai Nuan udah irau ati begigaka Nuan.”

49Iya lalu nyaut, “Nama kebuah seduai begigaka Aku? Kati seduai enda nemu Aku endang enda tau enda diau dalam rumah Apai Aku?” 50Tang seduai iya enda meretika utai ti disebut Iya ngagai seduai.

51 # Luk 2.19. Iya lalu mupuk enggau seduai iya lalu datai di Nasaret. Iya ngasika seduai iya, lalu indai Iya nyimpan semua utai nya dalam ati diri. 52#1 Sam 2.26; J-lam 3.4; Luk 1.80; 2.40. Jesus mansang besai sereta bepenemu-dalam, lalu dikerinduka Allah Taala enggau mensia.

Currently Selected:

Luke 2: BK

Highlight

Copy