Luke 3

Ajar John Pemaptisa

(Matthew 3.1-12; Mark 1.1-8; John 1.19-28)

1 # Luk 23.1; 9.7; 13.31; 23.7. Dalam taun ti kelima belas Tiberius nyadi Raja Besai, lalu Pontius Pilate nyadi gabenor menua Judea, lalu Herod merintah di menua Galili, lalu menyadi Herod ke benama Philip merintah di menua Iturea enggau Trikonitis, lalu Laisanias merintah di Abilene, 2#Jhn 18.13; SKR 4.6; Mat 26.3; Jhn 11.49. lebuh Anas seduai Kaiapas nyadi imam besai, jaku Allah Taala datai ngagai John anak Sekariah, di menua puang. 3#Mat 3.1-10; Mrk 1.1-5; Jhn 1.6, 23. Iya lalu bejalai nengah semua menua ti ngimbai Sungai Jordan, ngajar pasal pemaptisa nesal ati ke pengampun dosa. 4#Isa 40.3-5 (Septuagint). Munyi ti ditulis dalam bup nabi Isaiah:

“Siku orang ngangau di menua puang:

‘Sediaka jalai ke Tuhan.

‘Gaga jalai Iya rurus.

5Genap lebak deka ditambun,

genap bukit enggau munggu deka diruntuhka,

jalai ti bingkuk deka digaga rurus,

lalu jalai ti kasar deka digaga alus,

6 # Luk 2.30. lalu semua mensia deka meda pengelepas Allah Taala!’ ”

7 # Mat 12.34; 23.23. Ku John bejaku ngagai bala orang ke datai minta diri dibaptisa ulih iya, “Kita anak ular! Sapa ngasuh kita rari ari ukum ti deka datai? 8#Jhn 8.33-39. Kereja utai kena nunjukka kita amat udah nesal ati, lalu anang belabuh nyebut ngagai diri empu, ‘Kami tu peturun Abraham’, laban, aku madah ngagai kita, Allah Taala ulih ngaga batu tu nyadi peturun Abraham! 9#Mat 7.19; Heb 6.7-8. Indah diatu deh kapak udah sedia deka mungga urat kayu. Semua kayu ti enda mansutka buah ti manah, deka ditebang, lalu dibuai ngagai api.”

10Orang mayuh lalu nanya iya, “Enti pia, nama utai ti patut dikereja kami?”

11 # Luk 6.29. Ku iya nyaut sida, “Barang sapa bisi dua lambar baju, enda tau enda meri ngagai orang ke nadai, lalu orang ke bisi pemakai, enda tau enda ngereja baka nya mega.”

12 # Luk 7.29. Indah sida pengumpul chukai deh datai minta iya maptisa sida, lalu ku sida nanya iya, “Pengajar, nama utai ti patut dikereja kami?”

13Ku iya nyaut sida, “Anang minta chukai lebih ari ti patut.”

14Soldadu mega nanya iya, “Baka ni ku kami? Nama utai ti patut dikereja kami?”

Ku iya bejaku ngagai sida, “Anang ngerampas duit orang, tauka besaksi bula ngelaban orang. Kita patut nemu puas ati ke gaji diri.”

15 # SKR 13.25; Jhn 1.19-22. Orang mayuh lalu belabuh andal ati, lalu betanya dalam ati diri pasal John, ngumbai iya Kristus. 16#Mat 3.11-12; Mrk 1.7-8; Jhn 1.26-27, 33; SKR 1.5; 11.16; 19.4. John lalu nyaut semua sida, “Aku maptisa kita ngena ai, tang siku orang ke bekuasa agi ari aku deka datai. Indah muka tali selipar Iya deh aku enda tau. Iya deka maptisa kita ngena Roh Kudus enggau api. 17Iya bisi utai ti deka dikena Iya nyapu endur alai nungku gandum, lalu Iya deka nyimpan gandum dalam setor Iya, tang Iya deka nunu ampa dalam api ti enda nemu padam.”

18John meransang orang mayuh ngena mayuh macham jaku lebuh iya nusui Berita Manah ngagai sida.

19 # Mat 14.3-4; Mrk 6.17-18. Tang Raja Herod ke udah dirara John ketegal Herodias, bini menyadi iya, enggau ketegal semua penyai ti udah dikereja iya, 20nambahka semua penyai nya lebuh iya nutup John dalam rumah jil.

Jesus Dibaptisa

(Matthew 3.13-17; Mark 1.9-11; John 1.29-34)

21 # Luk 5.16; 6.12; 9.18, 28; 11.1; Mrk 1.35. Lebuh semua orang udah dibaptisa magang, lalu Jesus udah mega dibaptisa lalu besampi, langit lalu tebuka, 22#P-kal 22.2; Mas 2.7; Isa 42.1; Mat 3.17; Mrk 1.11; Luk 9.35; SKR 10.38. lalu Roh Kudus nurun atas Iya baka burung achang. Munyi nyawa lalu bejaku ari serega, “Nuan tu Anak ke dikesayauka Aku. Aku rinduka Nuan.”

Tusut Pasal Penatai Jesus

(Matthew 1.1-17)

23 # P-kal 5.3-32; 11.10-26; Rut 4.18-22; 1 Ban 1.1-4, 24-28; 2.1-15; Jhn 8.57; Luk 1.27. Umur Jesus tiga puluh taun lebuh Iya belabuh ngereja pengawa Iya. Nitihka penemu orang, Iya anak#3.23 anak; Belabuh ari ayat 23 nyentuk ngagai ayat 38, reti leka jaku anak nya anak lelaki Josep, anak Heli, 24anak Matat, anak Lewi, anak Melki, anak Janai, anak Josep, 25anak Matatias, anak Amos, anak Nahum, anak Esli, anak Naggai, 26anak Mat, anak Matatias, anak Semein, anak Josik, anak Joda, 27anak Joanan, anak Resa, anak Serubabel, anak Sealtiel, anak Neri, 28anak Melki, anak Addi, anak Kosam, anak Elmadam, anak Er, 29anak Josua, anak Elieser, anak Jorim, anak Matat, anak Lewi, 30anak Simeon, anak Judah, anak Josep, anak Jonam, anak Eliakim, 31anak Melea, anak Menna, anak Matata, anak Natan, anak David, 32anak Jesi, anak Obet, anak Boas, anak Salmon, anak Nason, 33anak Aminadap, anak Admin, anak Arni, anak Hesron, anak Peres, anak Judah, 34anak Jakop, anak Isak, anak Abraham, anak Terah, anak Nahor, 35anak Seruk, anak Reu, anak Pelek, anak Eber, anak Selah, 36anak Kainan, anak Apasat, anak Sem, anak Noah, anak Lamek, 37anak Metuselah, anak Enok, anak Jaret, anak Mahalalel, anak Kenan, 38anak Enos, anak Set, anak Adam, anak Allah Taala.

Currently Selected:

Luke 3: BK

Highlight

Copy