Genes 20
20
CHAB. XX.
1Abraham a ieaz ac’hane da vro ar C’hreiz-deiz, hag e reaz he zemeurans etre Kades ha Shur, nemed ma chomaz eur pennad e Guerar.
2Hag Abraham a lavaraz euz a Sara, he c’hreg: Hou-man a zo c’hoar d’in. Hag Abimelec, roue Guerar a gassaz tud da laeres Sara.
3Mes Doue a deuaz etrezeg Abimelec en eun hunvre, e-pad an noz, hag a lavaraz d’ezhan: Setu aman, te a zo eun den maro abalamour d’ar vaouez ec’h euz kemeret; rag honnes he deuz eur pried.
4Hogen Abimelec ne oa ket bet tosteet outhi. Hag hen o respont: Aotrou, eme-z’han, ha lakaad a ri-te da berissa eur bobl dinam a gement-man?
5Ha n’hen deuz ket lavaret d’in an den-ze: Honnes eo va c’hoar? Hag hi, hi he-unan, n’he deuz-hi ket lavaret; Hennes eo va breur? Gant eur galon eün, ha gant daouarn divlam em euz great ar pez em euz great.
6Ha Doue a lavaraz dezhan en eun hunvre: Me ive a oar ec’h euz great kement-se gant eünder a galon; dre-ze ive em euz miret ouz’id da bec’hi a-eneb d’in; evel-se ive n’em euz ket da lezet da douch outhi.
7Mes breman, ro he c’hreg d’an den-ze, rag hennes a zo eur prophet hag a bedo evid’oud ha ne varvi ket. Mes ma ne rentez ket anezhi, bez sonj e varvi a dra certen, te ha keraent a zo d’id.
8Hag Abimelec a zavaz mintin-mad, hag a c’halvaz he holl zervicherien, hag a roaz d’ezhe da anaoud an holl gomzou-ze; hag an dud-ze a oe strafuillet gant ar spount.
9Neuze Abimelec a c’halvaz, Abraham, hag a lavaraz dezhan: Petra ec’h euz-te great deomp-ni? Hag e pe seurt doare em euz-me bet noazet d’id, mac’h euz tennet var-n’oun ha var va rouantelez eur pec’hed kerbraz? Great ec’h euz d’in eun dra ha na dleer ober da zen e-bed.
10Neuze Abimelec a lavaraz da Abraham: Petra a oa en da spered, oc’h ober evel-se?
11Hag Abraham a respontaz: Evel-hen em euz sonjet enoun va-unan: Sur awalc’h tud ar vro-man n’ho deuz tam doujans Doue en ho c’halon, hag e lazint ac’hanoun evit kaoud va greg.
12Hogen a-hent-all, bez ez eo e gwirionez va choar, o veza merc’h d’am zad; mes n’e ket merc’h d’am mam, hag ez eo deuet da veza va greg.
13Hogen abaoue ma hen deuz great Doue d’in kuitaad ti va zad em euz lavaret d’ezhi: Setu aman ar c’hras a ri d’in: E kement leac’h ma’z aimp, lavar divar va fen: He-man a zo breur d’in.
14Neuze Abimelec a gemeraz denved hag ejened, mevelien ha mitizien, hag ho roaz da Abraham, hag e rentaz dezhan Sara he c’hreg.
15Hag Abimelec a lavaraz: Setu ema va bro etre da zaouarn, kea da chom el leac’h ma kari.
16Ha da Sara e lavaraz: Setu em euz roet d’az preur mil bez arc’hant; kement-se a vezo d’id eur voal var da zaou-lagad, dirag ar re holl a zo ganez; ha diraz’he holl e vezi justifiet.
17Hag Abraham a bedaz Doue; ha Doue a rentaz pare Abimelec, he c’hreg hag he zerviche-rezed, hag ho doe bugale.
18Rag an Aotrou hen doa rentet difrouez holl di Abimelec, abalamour da Zara, greg Abraham.
Currently Selected:
Genes 20: JEN1897
Highlight
Share
Compare
Copy
Want to have your highlights saved across all your devices? Sign up or sign in
Published by the British and Foreign Bible Society in 1897 and reprinted in 1935.
